ارجو المساعده

بسم الله الرحمن الرحيم


السلام عليكم ورحمة الله وبركاتة



كيف الحالكم ، إن شاء الله انكم بخير وبصحة وسلامه


اخواني : انا احد المبتعثين للقارة الإستراليه ، وإن شاء الله بعد 7 ايام من الآن رح اكون على الأرضي الأسترالية
في مدينة بيرث ، علماً بأن الجامعه اللي رح ادرس فيها هي جامعة : اديث كوان
وعندي بعض الأسئلة اللي آمل بأن احصل عندك اجوبه لها


اولاً واهم شيء : السكن !!
تعرفو جديد على الدولة ، وما اعرف اسعارهم ، وخايف من الأستلطاخ
فحبيت استفسر منكم ، لان اغلبكم صاحب خبره


طبعاً السكن ابيه يكون مع عائلة ، وياليت مايكون عندهم طالب عربي ، والغرفة + الحمام تكون خاصة !


* كم متوسط اسعار الإيجارات ؟
من 150 دولار بالاسبوع بدون وجبات الى 250 او 300 بالوجبات
* وهل يمكن احد منكم توفير السكن ، والحجز ؟
يمكنك البحث في مواقع السكن مثل:
Perth Homestay Directory
homestay in Perth Region, WA | Free Local Classifieds Gumtree Australia
Homestay host families in Perth, Australia
وممكن تحجز عن طريق معهد اللغة
وانا افضل السكن الشير اي المشترك لأن المحادثة فيه اكثر من العائلة
العائلة مشغولة بالأعمال واذا جوا ينامون ههه
* وهل ستكون قريبة من الجامعة ؟
على حسب انت وين بتدرس، فيه موقعين للجامعة: الرئيسي في جندلوب والثاني اللي فيه معهد اللغة في مونتلولي
ممكن تلاقي قريب من هالموقعين لكن مو دايماً اكيد.
* وهل سيستقبلوني في المطار العائلة اللي احجز عندهم ؟
اذا حجزت على النت او عن طريق معهد اللغة يوجد خيار الاستقبال في المطار وياخذون عليه فلوس تقريباً 75 الى 100 دولار
واذا حبيت انسق لك سكن او استقبلك بالمطار فانا جاهز، راسلني على ايميل ksa234 هوتميل


*********


ثانياً : المواصلات !!


* هل يمكنني عمل اشتراك في المواصلات العامه ( باصات و قطارات ) في حال بعد الجامعة عن السكن !؟
نعم تقدر تشتري بطاقة اسمها سمارت رايدر وتشحنها وتستخدمها للباص والقطار والسفن الصغيرة داخل المدينة
واذا اشتريتها من المعهد يعطونك تخفيض طالب تقريباً 50% من السعر الأصلي
* وكم يكون متوسط السعر للمواصلات العامه + التكاسي
المواصلات العامة رخيصة يعني مسافة 10 كيلو تقريباً ب 2 دولار مخفض واذا رجعت بدري تكون الرجعة بلاش
التكسي اعتقد فتح العداد من 3 الى 5 دولار وكل كيلو بدولار ونص وتختلف باختلاف الوقت لأن آخر الليل غير اول النهار وهكذا، لكن يعتبرون غالين شوي، عموماً تسعيراتهم موجودة على مواقع الشركات مثل:
Standard Taxi Fares and Charges


*********


ثالثاً : الإتصالات !!


ماهي افضل شركة للإتصالات ( الجوال ) بحيث التكلفة داخل الدولة + اشتراك خدمة البلاك بيري ( ان وجد ) !؟
اوبتس والبلاكبيري ماعندي عنه فكرة لكن اوبتس افضل تغطية اشوفها



*********


رابعاً : البنك !!


* ماهو افضل بنك بالنسبة للطلاب ، والمطلوب في الملحقية الثقافيه !؟
يقال ان الكومنولث مفضل لدى الملحقية

*********


خامساً : المغاسسل !!


مغاسل الملابس ، هل ستكون متوفره في السكن !
نعم اغلب انواع السكن فيها مغاسل ملابس لكن انت اللي تغسل ملابسك بنفسك،
او التعامل مع محلات خارجية ، وكم متوسط اسعارهم !؟
المحلات الخارجية قليلة وماعليها اقبال واسعارهم غالية، يعني ممكن تكلفك قطعتين او ثلاث فوق 20 دولار،اعتقد لأنهم يغسلون بالبخار وغسيل منفرد للاحتياطات الصحية



********


اخواني ،، هذي كل الأسئلة اللي شاغلتني ، وخاصة السسكن
وفقكم الله ، و جزاك الله الف خير


تحياتي لكم
اخوكم نواف !