.·´¯`·-> ( معلومات عن مدينة بيرث ) &

حبيت استفسر عن بعض الاشياء ان شاء اللـه انك تفيدني فيها ..


تفضل اخوي

انا ان شاء اللـه بعد خمس ايام رحلتي الى بيرث اول ماوصل المطار وش الاجراءات الي اسويها وين اروح وين اجي ؟!
<< ترى اللغة عندي صفر يعني تنصحني بلغة الاشاره بالمطار وبالتاكسي ؟ << يحس انه بياكلها

طيب اول شي توصل بالسلامة
ثاني شي اول ما توصل المطر صف بالطابور مع اللي قدامك بس طابور الغير استراليين
وجهز جوازك وفيزتك احتياط والكرت اللي بيعطونك اياه بالطيارة بعد ما تعبيه << تقدر تطلب كرت بالعربي
وبعدها تروح تاخذ شنطتك وتدخل بصف ثاني
راح توريهم الجواز والكرت
لو كان عندك اكل او ادوية او شي ممنوع عندهم بيدخلوونك زي الساحه حقة التفتيش
ويا انهم يمشونها لك او ياخذونها
بعدها اركب تاكسي وعطه عنوان السكن حقك وادفع له وخلاص

عادي تتكلم بالاشارة يفهمونك

ثانياً المعهد الي بدرس فيه لغة هو فونكس اذا عندك خلفيه عنه ياليت تقول لي عنه زين شين اي شي ممكن تفيدني فيه ؟

للاسف ما عندي عنه اي خبر

ثالثاً المكافأه لطلاب استراليا كم ؟ وهل تكفي ولا لا

المكافاة 2222 دولار وتكفي وتزيد لو كان سعر سكنك معقول
بس عاد لا تفلها بدسكوات وتقول وين مكافاتي

رابعاً وش افضل شي لتنقل بالمواصلات الارخص ؟

الباص هو ازين شي
التكاسي غاليه خلها اذا كنت مستعجل

خامساً هل تنصحني بالسكن مع عائله ولا لا ؟

لو عزابي انصحك تسكن مع عيلة او شهر ولو ارتحت كمل
او روح لشيرنق هاوس عشان تحتك باجانب وتسولف معهم



ابي منك نصيحه بما انك خبره لمستجد لغته صفر

آسف على الاطاله بس الاشياء هذي مسويه لي قلق مو طبيعي اللـه يجزاك كل خير ولك دعوه آخر الليل واللـه يقويك على فعل الخير..؛

واخيرا لقينا واحد من بيرث هلا بك هشومي ابي اسألك عن جامعتك جامعة غرب استراليا

الله يرجك ذكرتني باحث عن فضولي بمجلة ماجد <<< يا قدمك

هل القبول فيها صعب ومعقد زي موناش او القبول عادي ثانيا

عن نفسي المكتب هو اللي جاب لي القبول بس اتوقع انه مو مرة سهل لن اشوف شباب صار لهم وقت مقدمين
فانت شد حيلك معهم

ثانيا هل الدراسه في جامعة غرب استراليا عاديه مثلها مثل الجامعات الثانيه والا صعبه وقلق

والله بما انها من جامعات النخبة فاكيد انها ما فيها دلع
انا لسه لغه بش على كلام الطلاب انها قوية شوي

دلع الغرام .... 140000 الف ريال سعودي كلها لمدة سنة وهذي اللي هي ( فترة اللغة + مصروف الشهر ) .
في سنة بعد ( حطيها في بالك ) اللي هي 30 ساعة لازم تخلصيها من الجامعة يعني سنة كمان
يعني 140000 + تكلفة الدراسة في الجامعة لمدة سنة + 24 الف دولار استرالي ( مصروف الشهر ) .
بالصلاة على النبي .. دقينا الــ تقريبا 300000 الف ريال سعودي
والله حاجة تبكي .. على العموم حبيت انورك عشان تعملي حسابك
ابوفيصل ,,

السلام عليكم انا ان شاء الله جاي بيرث في 2 اكتوبر يعني ثاني العيد لدراسة الماستر في جامعة كيرتن والى الان ما حصلت سكن ممكن تنصحني بفندق جيد او شقه مفروشه مناسبه وسعرها معقول لان الوقت قاعد يمر وانا ما عندي سكن وجاي مع زوجتي وثلاثة اطفال 6 سنين و 4 سنين و 2 سنتين الله يجزيك خير