تجمع طلاب أدليد(للاسأله والاستفسارات الغير مبوبه والسريعه+دردشة الاعضاء)

حياك اخوي يوسف .. تعديل ساوث استراليا وليس امريكا هههههههه

بالنسبه ياغالي للصوم الاجواء بالبدايه بتكون صعبه بس ترى ياذن المغرب بدري يعني حضك ماجيت السنوات اللي قبل تصوم الى الساعه 8 الليل الحين الافطار بيكون الساعه 5

اما من ناحيه الجو فانصحك كثر من الشتوي برد يقطع الظهر .. واتمنى لك التوفيق ياغالي

لكثره المعاناه مع هالاسنان الحال من بعضه

فيه عياده اسعارها جيده بالسيتي اسمها south terrace dental care

عنوانهم . 303 south terrace
Adelaide SA 5000

انا اول ماجيت باقي ماقد خشيت على الدكتوره عطوني ورقه من الملحقيه ادفع وملحقيتك تعوضك عارفين النظام هههههههه عاد انا زبونهم اذا تبون واسطه او موعد حاضرين

الله يعطيك العافية اخوي عزوز القحطاني

انا موعد الدراسة عندي تبدا في 14\7 يعني اقل من شهر

انا سمعت شهر 7 صيف بس حلو طلع برد واحلى الشي الفطور بدري برمضان

انا ابقى استفسار الحين في احد يستقبلنا في المطار

في احد يوفر لنا الساكن ! وين افضل السكن مع العائلة ! ولا ماكن ثاني

كم مكافاة !1

كيف الاكل عندكم (((((( اهم شي الاكل تعرف رمضان ههههههههههه

الله يعطيك العافية

والله فيه النادي مابيقصرون بس اذا تحتاج ابشر بعزك مخدوم يارجال ..

اذا لغتك مو جيده افضل لك مع عائله .. واذا كويسه اسكن في سكن طلابي بالسيتي ..

المكافاه 3050 دولار تكفيك .. وزياده .. اما الاكل فالشغل عزابي ومتقاول مع وحده افغانيه تكفلت بالسنبوسه ههههههههه لاتخاف ..

الله يجزاك الالف خير على تجواب معي

مع عليه بخثك اشوي

كيف اقدر اتوصل مع نادي الطلبة ؟

طيب بخصوص المطار
اول شي يفتشون الابتوب مثل ( ولا شي لي يدقوقن عليه من البرامج ) و البلاك بيري و الابفون

وش الاجرات لي لزم نسوي اول مانوصل المطار

انا سمعت يعطونك ورقة تعبيه وش الاشياء لي معك ... انا بصراحة ماعندي لغة اوكي يعني اخاف اكتب شي خطا و اتوهق وش الحل في الحالة هذي

يعطيك العافية ياعزوز القحطاني

اكتب النادي السعودي بادليد .. واذا مالقيت احد ابد عطني خبر ابستقبلك ..

بالنسبه اذا ابستقبلك حاول تجي في ويكند يعني وصولك الى ادليد السبت او الاحد لان عندي كلاس وماقدر اطلع

بالنسبه للمطار لاتخاف راح يفهمونك كل شي انت لاتجيب اي شي الا فيه تاريخ نهايه مثلا قهوه تمر اي شي بتجيبه من السعوديه اذا عندك علاج شي لاسمح الله تذكر ان معك .. اذا انت مدخن المسموح كرز واحد .. اشياء عاديه توقيع وبياناتك .. ولا تخاف ترى فيه اوراق بالعربي بس تكتب بياناتك بالانجليزي

اللاب توب مافتشوه بس انت خلك حريص وحاول يكون الويندز الاصلي .. وبالنسبه للجوالات جيب اي شي مايدققون ..

وبالنسبه للسكن انت قرر وش تبي واذا قدرنا ندبر لك ماراح نقصر معك .. وحاول تجيب معك مبلغ لان الملحقيه هنا مايفتح ملفك الا بعد اسبوع او اسبوعين بالكثير اذا لاسمح الله تعطلت او شي خلك ماخذ احتياطك

وابد اي خدمه حاضرين ..

شباب .. بالله ابغى موقع ابحث فيه عن سكن .. انا ابغى اسكن لحالي .. و ان شالله راح اكون في ادليدا في اكتوبر الجاي
ابغى موقع احصل فيه سكن طلاب .. ستديوا مثلا .. او شقه مأثثه بس تكون رخيصه .. او موقع فيه شقق مأثثه

وشكرا

حياك ياغالي فيه شقق او غرف بالسيتي اسعار الغرف بعقد سته شهور لاتقل عن 250 دولار بالاسبوع << وهذا انا ساكن فيه حاليا

وفيه نظام شقق غرفتين ومطبخ وصاله وحمام اكرمك الله 500 دولار

طبعا كلها مؤثثه ..

اذا تبي شقه برى السيتي تلاقي بس اغلبها مو مؤثث .. تمنياتي لك بالتوفيق يارب ..

الله يجزاك الف خير على الرد .. بالله هات عناوين الشقق ولو لها موقع بالنت كان افضل

عندي سؤال لو تكرمك اخوي

هل sabit وهي الكليه المعروفه في ادليدا معترف بها من الوزارة وفيها طلاب يدرسوا فيها ؟؟ ..

انا جاني منهم قبول لدراسه دبلوم تقنيه معلومات لمده ٨ اشهر + تكمله الدبلوم في جامعه جنوب استراليا سنتين .. يعني يطلع المجموع بكالوريوس ثلاث سنوات ..

نظام جدا حلو حقيقه .. بس متخوف من رد الوزارة .. انا حاليا بحول مقر البعثه من كندا إلى استراليا .. و ناوي اطلب التحويل مع القبول هذا ..

شكرا مره ثانيه

sabit فيه ناس تدرس فيه بس ترى مو قوي مثل ILEI و eynesbury بس هو معترف فيه وفيه طلاب

وبالنسيه للسكن كلها قريبه من المعاهد لاتخاف يمكن ILEI المعهد الوحيد اللي برى السيتي ..

هذا السكن اللي انا ساكن فيه Student Accommodation Australia | Premier Student Apartments Australia

واذا تبي تبحث اكتب SA 5000 accommodation لانه يرمز للسيتي

ونسال الله التوفيق للجميع