المغادرين من الرياض بإذن الله يوم 15\8\2008

الاخ الديواني
صباح الخير
يا عزيزي واخي مفترض من شركة الطيران التي ستنقلك ترانزيت الى اديليد عن طريق كوالالمبور ان تئمن لك السكن على حسابها ضمن التذكرة في كوالا لمبور هذا اولا لذلك امل ان تراجع هذا الامر مع الخطوط التي حجزت عليها رحلة الذهاب وتأخذ منهم فاوتشر السكن لانه اي رحلة مواصله ستبقى فيها اكثر من اربعة ساعات في مطار مواصله من حقك ان تحصل على سكن ولكن على اي خطوط حاجز من الرياض الى كوالالمبور لا تقول السعودية يخرب بيتهم خدماتهم مثل وجيهم في المطارات خاصة للمحترم ما يلقى منهم الا اشكل نصيحة لوجه الله لا تطلع الا ماخذ فاوتشر السكن في كوالالمبور من مكتب السياحة اللي اخذت تذكرتك منه هذا اولا الا في حالة وحده انك غيرت التذكرة لتستفيد من قيمتها كونها حكومية واشتريت تذكرة على حسابك وانت حجزت لكوالالمبور بخطوط ومن كوالالمبور بخطوط اخرى حجزت عن طريقك هذا مختلف ما لك حق في السكن لكن اذا حجزت من مكتب رحلة رياض كوالالمبور كوالالمبور ادليد في تذكرة وحده غصب من ورى خشومهم يعطونك سكن هذا نظام الاياتا الذي تحاول الخطوط السعودية التهرب منه دائما في مطارات العالم حتى اني في مطار دبي سمعت بنفسي موظف الخطوط عندما جاوبني يقول الركاب القادمين من دول الخليج مالهم سكن ترانزيت يعني اللي يجي من بنجلاديش يسكن واللي يجب من واشنطن يحترم في قصر اما انا لا عندنا دراهم
الاياتا تفرض على جميع خطوط العالم في الترانزيت رحلات المواصله التي تزيد عن 4ساعات ان تمنح سكن للركاب حسب درجة التذكرة

ثانيا ماليزيا ما يبيلها تأشيره يعني خذ راحتك
ثالثا الدولار يمشي في كل حتة والريال اخوه في ماليزيا عريبيا ماخلوا شي بتلقاهم كثر الرز لا والله اكثر لان الرز هاليومين غالي
وش بعد اصبر اشوف وش اسئلتك
اي اي دولار استرالي الله يسلمك ما اعرفه الان اصبر علي شوي ولو انه ماهوب بعيد عن سعر الامريكي لكن ظنتي مائة دولار امريكي بزيادة وخذ في بالك اللي بعشرة دولار بالمكاسر يصير بدولار في كوالالمبور
ياكثر هذري ادري لكني باوسع صدري بخوتك اليوم نسولف
ترى كوالالمبور عريبيا على سن ورمح حتلا اللغة في الشوارع امحلات بالعربي لاعاد وامكاكن الترفيه والمعسل والخرابيط كلها لوحاتها عربي وبتلقى كل اللي في جدة والرياض ومكة والطائف والشمال والجنوب هالحين يتسوقون باقي معهم بعض قريشات بينفضونها ويرجعون مامعهم اجرةالتكسي
اي خدمة مستعدين امر بس

شكرا لتوضيحك اخوي الدولي


رحلتي يوم 15\8 الى كوالالمبور على الخطوط السعودية

ويوم 16\8 من كوالالمبور الى أدليد على الخطوط الماليزية

والتذاكر كلها عن طريق مكتب سياحي

الدولار الى اقصده الدولار الأسترالي

اطلب حجز الفندق في كوالالمبور من الخطوط السعودية والا الماليزيه والا مكتب الخطوط الى أخذت منه التذاكر؟؟

هلا باخوي
الا من المكتب اللي حجزت منه هو مسؤول عن اعطاءك فوتشر السكن لانه هو اللي وفر لك الحجز بهذه الطريقة وليس بناء على رغبتك في التوقف يعني اقصد انك لم تطلب التوقف برغبتك ولكن ظروف الطيران جعلت الامر يصبح هكذا اذا هو مسؤول يوفر السكن عليك بان تذهب للمكتب وانشب في حلقه بان نظام الاياتا يعطيك هذا الحق لا حسب علمي تحتاج تحاسبهم بعملته او بالدولار الامريكي والله اعلم