اي احد تخصصه IT في جامعة فلندرز او اي معلومات عن هذا التخصص يدخل هنا

السلام عليكم و رحمة الله و بركاته

حياك الله اخو ابو فجر زميل جديد في برنامج الماجستير IT في جامعه فلندرز , ما وصلك صحيح بخصوص مادة الجافا, هذي ماده من مواد الماجستير و لكن اختلافها عن غيرها انها متطلب لجميع المواد اللي بعدها يعني من غيرها ما فيه ماجستير. الجافا مهي صعبه بس يبي لها شويه شدة حيل
و انا انصح اي احد يبي يدخل التخصص هذا سواء كان تخصصه حاسب او لا انه ياخذ دوره في السعوديه قبل لا يجي على لغة الجافا وليس الجافا سكريبت , المادة مدتها 3 اسابيع و هتقسيم الدرجات فيها كالتالي :

Review questions و هي عباره عن اسئله يعطيك اياها المحاضر و تحلها خلال يومين من اعطائها و هذي عليها 10 %

LAB و هي عباره عن خمس برامج تكتبها + برنامج بونص اجباري على الماجستير و اختياري للبكالريوس . LAB عليه اكبر الدرجه و هي 60% يعني الزبده كلها هنا

FINAL EXAM و هذا الاختبار النهائي و يكون عملي و عليه 30 % .

انصحك انه تجيب معاك من السعوديه كتاب تعليم الجافا بالعربي و سي بلس بلس بالعربي ( و تجيب لي نسخه و علمني كم التكلفة علشان ارسل لك الفلوس) الجافا ما اعرف اسم الكتاب بس سي بلس بلس اسمه الدليل الكامل لسي بلس بلس .

و بالتوفيق يارب و اذا بغيت اي شي لا يردك الا لسانك

الله يستر

تخصصي IT

لكن مشكلة فلندرز انه سنتين IT ..!

هذا اللي مضيق صدري وافكر اني خلال دراسة اللغة اجيب لي قبول بأي جامعة مدته سنة ..

الله يوفق يارب ..

مرحبا ابو مها ..... حاول تعادل بعض المواد اللي درسته من البكالريوس و بذلك تقل عليك المده لكن لازم تبدا اجراءات المعادله قبل بداية التريم باسبوعين ... و بالتوفيق ان شاء الله

اولاً : لا يوجد مواد اعادلها نهائياً

ثانياً : لو وجد مواد لن يتغير شي سنتين ثابتة لأن لن يتم معادلة الا 3 او 2 اعتقد ..!

الله يعين ..

اولا اشكركم على مروركم الكريم
ثانيا
افدتنا يا خ دراجن دورف ان شالله الاسم صح
كتاب السي بلس بلس والجافا بالعربي قلي افضل الكتب اللي تفيد وابشر باجيب لك وحدة وعيب وانا اخوك مابين الاخوان فلوس انت قلي ويش عنوان الكتاب بالضبط والمهم انه يفيدنا وابشر باجيبه معاي واعتبره هدية من اخ عزيز لك
بالنسبة لي عندي معلومات جيدة عن الجافا كأساسيات بالجافا فيه عندي الحمد لله لكن ماني هذاك المبدع بالجافا فقط اساسيات وبديت تخوفنا من اللاب الله يستر بس لانه ايام البكالريوس درسنا سي بلس بلس
وكورس واحد فقط جافا
والسي بلس بلس عار فكيف انها معقدة ماعمري جبت البرنامج صح مية بالمية خخخخخخخخخخ
يعني تقدر تقول اجيب 40 الى 60 بالمائة من صحة البرنامج بس انا متفائل جدا بانه ممكن اني اقدر اتأسس صح بالبرمجة في فلندرز وتكون بدايتي م هناك لانك عارف ايام الجامعة ماكان في هذاك التأسيس يعني مشي حالك
اتمنى انى اتأسس بالجاف وبالبرمجة بشكل عام تأسيس صح والله يستر

وبالنسبة لمجيئي باذن الله للجامعة بيكون في شهر 7 كدراسة لغة وبعدها الماستر
وياخوفي من الرسوب شرط وزراة الدفاع تأخير ترقية 6 شهور الله لا يقول ان شاء الله

الله يا وفقك يا اخوي ابو فجر .... اذا انت عارف اسايات السي بلس بلس اجل ما عليك خوف لانه اللي يعرف السي بلس بلس تكون الجافا عليه سهله و لا تشيل هم انا البكالريوس حقي ماله اي علاقه بالحاسب و عديت الجافا فانتو يا اهل الحاسب ما عليكم خوف . بالنسبه لكتاب الجافا انا ما اعرف كتاب محدد بس انت شف الاشمل و الافضل و بالنسبه لسي بلس بلس فيه كتاب اسمه الدليل الكامل الى لغة السي بلس بلس الكتاب كبير و اعتقد انكم درستوه في البكالريوس اذا انت خريج جامعه الملك سعود. اشكرك يا ابو فجر على كرمك بس اللي اوله شرط اخره نور اذا منت ماخذ فلوسها رجاء لا تجيب شي لانه بطلبها عن طريق الدي اتش ال في هذه الحاله. و اي شي تحتاجه احنا هنا اخوانك ولا يردك الا لسانك

بالنسبة للاخ ابو مها معلومتك غلط على حسب المواد التي تتم معادلتها تقل عليك المدة اللي تدرسها يعني لو رضت الكليه تعادل لك نص المواد فراح تاخذ الماجتسير في سنه. ز ربك يوفقك

طيب أخوي يالله فيدني ..!

كم مادة يعادلون لي الجامعة ..؟

وانا خريج كلية معلمين حاسب .. وقارنت شرح مواد الكلية بمواد الماستر المقررة ولم أجد شي استطيع أن أعادله ..؟

ألا ان كاني غلطان فصحح لي ياغالي ..؟