.·´¯`·-> (تجمع خــــــــاص بطلابـــ تزمانيا - هوبارت) &

السلام عليكم مرة اخرى اخ العاصفة !!!!!!!!!!
الف مبروك على القبول وأسال الله لك التوفيق والسداد
خط السير راح يكون من سيدني الى هوبارت عبر خطوط طيران محليه اعتقد انها Quantas تاخد الرحلة حوالي 2 ونصف الى 3 ساعات
بالنسبة للباخرة للاسف ماقد جربتها لذا لاعلم لي بها اطلاقا
بالنسبة هوبارت تعتبر من اجمل مدن استراليا بالنسبة للطبيعة والمناظر الخلابه وابشرك تراها طيبة للمتزوجين !!!!!!!!!!!!!!!
النادي السعودي انشاء الله في خطواته الاخيرة وبما انك طالب سعودي مبتعث تكون تلقائيا عضوا انشاء الله فعالا فيه
مرحبا فيك ضيفا عزيزا واخا كريما
تحياتي لك ,,,,,,,,,,,,,, الشريف الحازمي

الله يبيض وجهك اخوي الشريف .... سؤالين أخيرة اخواني :

بالنسبة لاقدر الله في حالة المرض , هل المستشفيات تستقبل الحالات في اي وقت ؟ وكيف هي حالة المستشفيات من ناحية الخدمات ؟ وهل العلاج على حسابي ؟ أم على حساب الملحقية؟

بالنسبة للجو بعد 3 أشهر كيف يكون . وهل تنصحني بشراء الملابس شتوية كانت او صيفية من هنا ؟ أم أشتري ملابس بسيطة وأترك الباقي عشان اشتريها من هوبارت ..
وفقكم الله

ولا يهمك اخوي هلا فيك مجددا
بالنسبة في حالة المرض وما الى ذلك هنا يوجد مستشفى رويال هوبارت وهو حكومي وهو يستقبل حالات الطوارئ مجانا اظافة انت راح تكون حاصل على بطاقه تأمين (ميد بانك) وهذي تغطي جميع الحالات ماعدا العيون والاسنان بس انك راح تدفع حساب العيادة او المستشفى اذاكانوا يتعاملون مع هذه الشركة يعني لازم تسأل الاول فيما بعد انت تروح للميد بنك ( اسم شركة التأمين ) وهم راح يعوضوك عن اللي دفعتة بس هم راح يأخذون نسبة من اللي دفعته .
بالنسبة للجو انا انصحك انك تكثر الملابس الشتويه لان الجو هنا اجمالا بارد طوال السنه ماعدا الصيف الجو يكون متقلب ما هو ثابت. وحاول تشتريها من السعودية لان الاسعار هنا غالية
تحياتي لك ............. الشريف الحازمي

مشكوووووووور أخوي الشريف .. والله يكثر من أمثالك ولا يحرمنا منك...الله يبيض وجهك

أخوى الشريف الحازمى.....
عملت نداء الى العضو لازم لاكن دون فائدة , لاكن شفتك متفاعل فى الردود مع الأخوان والله يعطيك العافية ...
أبسألك بالنسبة لتخصص الهندسة في الاتصالات في جامعة تزمانيا ,, تعرف أحد يدرس هالتخصص او في مجال الهندسة أقدر أتواصل معة....
وبعدين هالمنطقة أسمها تزمانيا ولا تسمانيا ...

تحاتي لك....

هلا اخوي ( والله مشتاق)
عموما مايفرق مين يرد اومن يتجاوب معاك احنا هنا لخدمة بعضنا البعض
المهم هذا التخصص صراحة عمري ماقد سمعت عنه من قبل هنا في جامعة تزمانيا لذا مااعرف اي احد للاسف في هذا اتخصص ,,,
بالنسبة المدينة تكتب بالانجليزي TASMANIA لكن حرف الاس هنا ينطق z
تحياتي لك واتمنى لك التوفيق .......... الشريف الحازمي

السلام عليكم
الاخ naser1395
لازم تعدي اختبار الايلس لانه متطلب للدخول للجامعه
والعرض اللي جاك فيه انك لازم تجيب 6 في اختبار الايلس في جميع اقسام الاختبار
او 575 في اختبار التوفل مع اختبار writing لايقل عن 4.5
والله الموفق
تحياتي لك ,,,,,,,,,,,والشريف الحازمي

الله يكتب لنا ولكم الخير جميعا إخواني وأخواتي المبتعثين ويسهل أموركم
بس حبيت أمر على موضوعكم الجميل وأسجل حضوري بينكم


المهم عندي خاطرة صغيرة أحببت أطرحها في موضوعكم وكلي أمل بأنها تعلق في أذهانكم وهي:

مشكور اخوي علي المرور

فعلا شعاااااااار رائع وانشالله جميع المبتعثين اصحاب اخلاق عالية لانهم يعكسون صورة الدين الاسلامي للدول المبتعثين لها ويصححون بعض المفاهيم الخاطئة عن الدين الاسلامي باخلاقهم و تصرافاتهم و تعاملهم مع الاخر. و ايضا يعكسون صورة المملكة العربية السعودية للعالم.

و جزاك الله خيرا