فزعتكم يا شباب بخصوص الغاء البعثه _ الله يزوج اللي يرد _ (:

إذا ماتوفقت باللغة الانجليزية تطلب تمديد دراسة لغة وحتوافق جامعتك بإذن الله..
إذا ماعجبك المكان وحاب تغيره ..اطلب تغيير مقر بعثة من جامعتك ويتغير..
أما إنك تترك الابتعاث كله ..فحوّل إداري والا لوزارة التربية والتعليم وارجع مدرس..
ضروري ياأخي تكمل أو إنك من البداية تطلب من عملك ان تكون دراستك بالجامعات السعودية وبلاه الابتعاث اذا متخوف..


الموضوع سهل ولاتتخوف ابداً .. معيد ومعدلك كويس وتتخوف من الدراسة في الخارج كيف اللي يطلعوا على بعثات الملك ومستوياتهم أقل منك ..


اسأل الله لك التوفيق..وأكثر من الاستخارة..

هلابك اخوي ..

اول شي انا اعتب عليك لاننا وضعنا موضوع خاص بجميع استفسارات المعيدين والمعيدات وذلك حتى تعم الفائدة .. هذا اولا ( ناويك )
ثانيا .. ليش من الان حط في بالك انك ماراح تفلح .. ياخي والله لو انك ايش .. اخبر ناس مالهم بالانجليزي ورجع بلبل ماشاء الله عليه ..

وين العزيمه ووين الاصرار !!
ثالثا .. اذا ما افلحت على قولتك .. تقدر تمدد الى سنتين .. واذا ما افلحت ترجع للسعودية .. ونظاما كمعيد لك 5 سنوات .. اما

تتسنع وتبدأ في دراستك ولا حولوك اداري .. عارف وش معنى اداري .. بصراحه اموت اشرف لي .. اقولها بالفم المليااااان ..

وذي لو حصل - لا قدر الله - بعتبرها نكسة على مستوى العمر .. ترى كلامك اوجع قلبي وربي .. ياخي رفعت ضغطي ..

كم واحد يبي يطلع ابتعاث !! كم واحد يبي يصير معيد !! ياخي عطني رقم جوالك اتفاهم معك ..

زين انك مانت عندي الان ولا كان عرفت شغلي معك

اعذرني .. بس شي يرفع الضغط .. اي والله ..

تبغى احلف ان شاء الله ان تنجح حلفت

يجب ان يكون لديك هدف فاذا رسمت هذا الهدف بإذن الله تصل اليه وضع موضوع اللغة رغبة ليس دراسة

بالتوفيق

أخوي معــــــــــــــــاند ...


كلامك مخيف !!

يعني كيف ؟؟

لما ما أدرس يحولوني إداري !!!!!!!!!!!!!!!!!

يا الله ،،، اللحين طموحي من لما كنت بالثانوي أكون معيده وبالأخير أتحول إداري وكل الأمر كان مش بيدي ؟؟


يعني أنا تخصصي ـ إدارة مشاريع ومؤسسات أسريه ـ وإلى اليوم ما فتح البرنامج قدمت في ثلاث جامعات بالسعوديه وكل البرامج مقفله << من جد حالتي تكسر الخاطر !!

والإبتعاث عندي الآن صعب لأن ما فيه مرافق لي ، فيعني هل أتحمل هذه الظروف وأتحول لإداري ؟!!

اممممممممممم إن شاء الله ما يصير كذا ،،،


شكراً أخوي معاند ،،،

أخوي ميلاني ...

الشاعر يقول ..

فاز باللذات من كان جسوراً ,,,


خليك جسور وبإذن الله ما راح تشوف إلا التوفيق ،،،


قوي قلبك << سامعتها في دعايه !!

من جد إذكر الله وروح والله لو إن ظروفي مناسبه كان ما أنتظرت أكون معيده إلى الآن !!

اذكر الله وقدم وما راح تشوف إلا التوفيق ،،،

انصحك تستخير الله عز وجل

هلابك اختي ..

لا حالتك تختلف .. انا اقصد الي مايصلح شي على مدى 5 سنوات نظاماً يحولونه للعمل الاداري ..

بالنسبه للجامعات الي تخصصك مو موجود فيها .. حاولي تشوفين تخصص ثاني مناسب لك ..

او خارج المملكة اذا حابه تطلعين وحصلتي شي مناسب لك ..

بالتوفيق ان شاء الله ..

الله يــوفــقـك