الايلتس يكفي أو اختبر انجليزي في معهد الإداره العامه - موظف حكومي

انا مثلك ابغى اختبر بمعهد الاداره لكن سكتم بكتم بلا شوشره واسئله وناس تضحك عليك وتتشمت

قلت اجرب التوفل ipt واذا ماجبت فيه عدل باختبر بمعهد الاداره ...

والله والله ترى كنت خايفه واقول صعب وانا مو ذاك الزود باللغه وانكسر ظهري من الجلسه

غير اني زهقت وقمت احط اجوبه بكيفي ..اشوف اللي يناسب او الجمله اللي احس كلماتها حلوه خخخخخ واحطها كأجابه

ومن الزهق بالرايتنج كتبت من عندي خرااااااااابيط ... بس توكلت على الله وصرت استغفر وادعي

الحمد لله جبت 49 ....يعني 463 ...

فأيقنت ان المسأله رحمه من رب العالمين

انت جرب مابتخسر وعلى فكره ....

اختبار معهد الاداره صعععععب


مووووووووفق

أخي اسعد أنسان

أسأل الله أن يتم السعادة لك بقرار الإبتعاث والقبول في بريطانيا ..

وبالنسبة لإيقاف الإبتعاث لبريطانيا وأستراليا ونيوزيلندا فهذا يشمل برنامج خادم الحرمين للإبتعاث الخارجي ..

أما بالنسبة للموظفين فلا يشملهم ، وهذا الخبر من وزارة التعليم العالي ، حيث ذهب بعض الزملاء في العمل للوزارة وسألوا وقيل لهم بأن المبتعثين عن طريق جهة أعمالهم لا يشملهم هذا القرار ، ولكن يشملهم قرار إيقاف الجامعات الموصى بها والتي وصل طلابها السعوديين للحد الأقصى المسموح به للقبول ..

أحببت توضيح ذلك لك وللأخوة الذين يسألون عن هذا الموضوع لتعم الفائدة ..

دمت بود ..

اختي ياسمينه هههههههه نفس وضعي مابيهم يدرون ولاشي سكتيمي على قولة مفرح
الله يسعدك ياياسمينه ضحكت على ( الجمله اللي كلماتها حلوه تحطينها اجابه )ههههههههههههههههههه
وبعدين تعالي كيف حسبتيها 49 يعني 463
ياريت لو تعطيني شرح مبسط لو سطرين عن اجزاء الامتحان ودرجاته

العطار
قرب شوي قرب اكثر قرب ياخي بقولك شي
تدري انت وش سويت ( قسم بالله اسعدتني بردك واجابتك على استفساري واعطيتني دفعه معنويه مليون كيلو متر مكعب قدام
ودي اروح مشي من جده للطائف من الفرحه على هيك خبريه ( حطوا خطين تحت هيك خبريه )


روح ياشيخ الله يوفقك ويغفر لك كل ذنوبك انت واللي راح الوزاره وسأل وطمن قلبي

هلا والله

يااااااارب تصير اسعد انسان على طووووول

وترى احسن شي السكتم البكتم لأن اللي حوالينك كثييييييير ينتظرونك بس تتفشل والا تتخبط بشي

هذا غير انو معهد الاداره اللي بالرياض مايسوي اختبار الا مره بالشهر ... يووووهـ سالفه

تدري اني من قدمت خطاب علشان اختبر بمعهد الاداره ليما الحين... تدري كم شهر ؟

والله يوم اقدم المره الاولى بشهر 4 عربي ...وقدمت مره ثانيه بشهر 6 والله العظيم ليما الحيييييييين ماجاني الرد

وهو كلها خطاب علشان اختبر بمعهد اداره مو بالبيت الابيض ...

بس الحساد واللي يعترضون الطريق كثييييييييييير

اقول لك على حاجه تدل على النحاسه <<< هذرت مابتسكت

يوم طلعت بعثات استراليا وقدمت وجاني خطاب من ادارتي انو اوكي بس جيبي قبول

تخيييييييل المدير اخذ الورقه وخباها ..... ويوم كلمت الاداره وقالو لي من زمااااااااااااان ارسلنا لك

رحت للمدير وقال ماشفت شي وماوصلني شي .... وبنهاية الدوام جاني يقول ( اوووه تصدقين لقيت هالورقه بالصدفه تحت الاوراق ) طلعت الورقه اللي ابغاها ..... سبحاااااااااااااااااااانه توها تطلع

ومن يومها وانا في كل شي سكتم بكتم


<<< لا يكثر خخخخ

الاختبار ترى مو ذيك الصعوبه ..... الا والله شوي بس انا اغتريت بعد ماطلعت النتيجه هههههه

تدري اني كنت اقدر اغش بالاختبار وبسهووووووله لان مافي مراقبه علينا واللي جنبي باكستانيه شكلها دافوره

بس ماكان لي خلق

كنت ابغى اخلللللص

اول شي ريدنج واسئله من القطعه .... بس المشكله الوووووووووووووووقت يوووه الوقت عيني بس عالساعه
والقطع طويله بصراحه ....قمت اقرا الاسئله بعدين ادور على الاجابه وطبعا ماتكون الاجابه واضحه لازم انت تفهمها من نفسك .....

والله نسيت كم قطعه بس كأن اربع او ثلاث ..اوثنتين هههههه والله نسيت

السبيكنج .... انهد علي فيه ضحك مو طبيعي ...لأني مافهمت اصلا عن وشو تكلمو ويبغوني ارد على سؤال مافهمته
بالله وش ارد ؟ ....خربطت خرابييييييط والباقي ضحك

الرايتنج ... هذا اهون شوي يطلبون منك قطعتين وكل وحده مدري كم كلمه يبغون وانا اعصر مخي ومايطلع شي
والله واكتب جمله مكرره واعيد في كلماتها كل شوي ...

في شي بعد بس نسيت ...

بس بصراحه اكثر شي تعبني الجلسه ...الكراسي مو مريحه ابدا خلاااااص انكسر ظهري...تخيل 4 ساعات وشوي والبريك بس عشر دقايق وتكون على اعصابك تخاف تخلص ويبدا الاختبار ويبدا حساب الساعه ويروح من وقتك ...

الوقت اكثر شي مسوي قلق .....

اهم شي لاتترك اي شي فاضي حتى لو خرابيط لأن اصلا الوقت مابيمديك ...


انا اول وحده طلعت من القاعه مسويه فيها واثقه خخخخخخخ

بالنسبه للدرجات ..... في بموقع التوفل معادلة للدرجات يعني الدرجه بالاون لاين كم تساوي بالورقي

وشو بعد ؟ امممممممم

<<<< قسم بالله صرت نساااااااااااااااايه من كثر مالحست مخي تكملة الدراسه


عمومآ ...

مووووووووووووووووفق

ونصيحــه ...

ترى الكتب والاشرطه والدورات اللي قبل التوفل كلللللللللللها ماتستفيد منها

لا تخسر روحك على فاضي

انصحكم باختبار بديل التوفل بجامعة الملك عبدالعزيز سهل جدا جدا لانه معتمد لدى وزارة الخدمة المدنية

هلا اخوي وسام البدر حياك الله

لوتكرمت ياليت لو تقول لنا معلومات عن الاختبار البديل متى يعقد وكيفيه التسجيل وهل يشترط تكون طالب في الجامعه ام ماذا
وكيف حكمت انه سهل جدا جدا وجدا
ماهي اقسام الامتحان ومن كم الدرجه

نحن بإنتظارك ياغالي

أخي وسام البدر

أسعد الله ايامك بكل خير

بالنسبة لأختبار بديل التوفل في جامعة الملك عبدالعزيز ، ماهي مصدر معلومتك عن إعتماده في وزارة الخدمة المدنية ..

لانه أنا مختبره وجايب درجة طيبه فيه بس مادري هل يكفي عن التوفل 350 درجة أو لا لازم أختبر توفل من جديد ..

دمت بود ..

الحمد لله بأن ماقلته قد سرك ، والدعوة التي قلتها عندي تعادل الذهب فجزاك الله خيراً عليها ، وهي من أطيب ماخرجت به من هذا الملتقى المبارك بإذن الله ..

أدام الله أفراحك ، ونراك بإذن الله في بريطانيا ..