الايلتس يكفي أو اختبر انجليزي في معهد الإداره العامه - موظف حكومي

بصراحة مانصحك تختبر في معهد الادارة لان مشكلته الوقت مايكفي على كلام واحد من الشباب اختبر.. وبعدين فعلا لازم تجيب ورقة من جهة عملك (اكيد وزارة الصحة)
والدرجة المطلوبة هي 80 من 100 .........

اختبر توفل ibt اسهل والدرجة المطلوبة فيه هي 20 من 120 .....
وتقدر تحضر نفسك للإختبار وتعرف طريقة الاسئلة عن طرق كتب وسديات خاصة بإختبار التوفل بالاضافة الى اختبارات تجربية .....

او ilts والمطلوب 4 او 4.50 ماني متأكد .....

هلا اخوي عبادي
الله يوفقك ويسهل امورك على سرعة الرد
اخوي يعني لو ارفقت شهادة امتحان الايلتس تكفي عن اختبار التوفل او معهد الإداره
انا اختبرت الايلتس وان شاء الله خير واذا ماحققت الدرجه المطلوبه برجع اختبره مره ثانيه لإنه راح يساعدني في القبول عند مراسلة الجامعات
لكن انا بصراحه مابي اترك لهم اي ثغره يرفضون الطلب
اجيب لهم ايلتس يقوولون لازم توفل اجيب توفل يقولون معهد اداره فقلت اسكر عليهم الخط واختبر معهد الإداره
بالنسبه للتوفل ibt في هالفتره ماافكر فيه لإنه يعتمد على سرعة الطباعه على ما اعتقد
والله يبشرك بالخير هل درجه 4.00 او 4.5 في الايلتس تكفي

تنويه : انا من قطاع حكومي غير الصحه **
شاكر لك سرعة الرد مقدما

هلا اخوي عبادي
كلامك صحيح وهذا اللي انا افكر فيه ( اللغه بالنسبه للخدمه المدنيه ) لإني انا اخطط اني اخلص من موضوع الايلتس هنا بالسعوديه كشرط يساهم في القبول واني اخذ فكره عنه هنا وإلا انا ناوي بإذن الله ادرس اللغه في بلد الدراسه بس ابي اروح من هنا على بصيره
ومنها تكون لغتي تساعدني وهناك اركز على اللغه من ناحية التخصص والدراسه الاكادييمه

انطباعي الاختبار بيني وبينك الريدنق كان عن البيئه لكن مقالات علميه كلها رموز ومصطلحات وكان الوقت عدوي اللدود
الليسنق صعب شوي
الراتنق مناسب مره
التاسك ون كان سهل مره bar chart عن الرجال والنساء واختياراتهم بين السياحه والدراسه والتسوق الخ الخ
الموضوع الثاني كان عن المتاحف والمهرجات ( إن كنت ماني واهم هههههههههه)
وباقي يوم الاربعاء ان شاء الله المحادثه والله ييسر الامور
وما استغني عن دعواتكم بارك الله فيكم

اخوي عبادي الا ماقلت لي؟؟
اللحين انا ناوي على بريطانيا بإذن الله مع سبق الاصرار والترصد ومابي الا هي ( تكفى يالواصل يالي اللحين لو درو يغيرون البعثات كلها بريطانيا عشانك )
هل قرار الايقاف يشمل الموظفين او فقط برنامج سيدي خادم الحرمين الشريفين الملك عبدالله حفظه الله
طمني دخيلك

من تجربتي الخاصة
الايلتس الورقي اسهل بكثير من التوفل الانترنت بيسد

وثانيا: الي يعيد الايلتس يتأكد باذن الله وشوية تدريب انه حيزيد بين نصف درجة الى درجة كاملة

يوجد كتاب في جرير لتدريب الايلتس ، الناشر Thomsan
فيه 6 نماذج اختبارات مع حلولها (عشان انت تقيم نفسك) بالاضافة الى سي دي لليسيننغ مفيد جدا شغله 24 ساعة حتى تتعود على النطق والفهم

ودرب نفسك على الوقت، لانه هو العدو اللدود في اختبارات قياس اللغة الدولية

بالتوفيق والسداد

الاخت totitoti فعلا إختبار الايتلس الورقي اسهل من التوفل بيسد وانا ما افكر فيه لإن طباعتي باللغه الانجليزيه غير جيده
واحد اهدافي اني ابدأ في شهر رمضان الكريم الله يوفقنا لصومه ويعينا على قيامه
اتدرب على الطباعه با اللغه الانجليزيه عشان تسهل علي كتابة البحوث اثناء الدراسه والتواصل مع المشرفين بشكل فاعل
وانصح الجميع انهم يبدأون في التدريب لو على الاقل نصف ساعه في اليوم
وارشح لك برنامج TypingMaster Pro


عموما تسلمين اعطيتيني دفعه معنويه كبيره لو ماتجاوزت الايلتس اللحين وقدمت بعدين راح اخذ بنصيحتك والكتاب اللي قلتي عليه

ما استغني عن دعواتكم يا اخوان
بالتوفيق للجميع

بالنسبه لايقاف الابتعاث لبريطانيا واستراليا ونيوزيلاندا ......

قرار الايقاف تم تطبيقة على طلاب برنامج خادم الحرمين الشرفين في مرحلته الخامسة في الدول المذكورة وتم فتح دول جديدة مثل : المانيا - فرنسا - اسبانيا - هولندا - المجر وغيرها ........

اما الموظفين فلم تتضح الصورة لهم ولكن الغالب ان القرار ينطبق عليهم .......

(والحال من بعضه) اذا انت تبغى بريطانيا انا ابغى استراليا وعندي قبول من جامعتين مثل ماقلتلك لكن احتياطاً راسل جامعات بريطانية وامريكية وجب قبول من هذي ومن هذي وقدم قبول بريطانيا اذا مشت الامور بها ونعمه.. واذا قالوا احنا موافقين على ابتعاثك بس غير الدولة .. عطهم قبول امريكا ...

انا الحين قاعد ادور جامعات امريكية هاليومين على اساس اراسلهم واجيب قبول ....
عشان اكون جاهز بقبولي في حال رفض استراليا .....

ياليل ابو لمبه <------------- (معّصب لدرجة ودي اروح اكسر لمبات بيوت الحاره كلها )

بصراحه قرار ايقاف دوله بكاملها واستبعادها من خطط الإبتعاث بحاجه لتوضيح او اكثر او انه قرار خاطيء بكل المقاييس

1_ ايقاف جامعه لتكدس الطلاب فيها هذا سببه ابتعاث اعداد كبيره لمرء الفراغ للمقاعد المتفق عليها ويبدو انه ليس بسبب التخصصات وهذي مشكلة الوزارة ليه ماحلتها من بدري وصار فيه توزيع حسب المؤهلات والتخصصات والمرحله

2- بريطانيا واستراليا دول متقدمه في كافة التخصصات وخصوصا تنوع التخصصات في مرحلة الماجستير والدكتوراه وطريقة التعليم ينتج جيل فاهم يعرف يستنتج ويفكر مو بس يروح يدرس وفي الاخير بحث تخرج وانتهينا ( في مجالي بريطانيا لقيت فيها اكثر عشرين تخصص وفي كندا بكبرها مالقيت التخصص اللي انا ابغاه او نقول مافيه خيارات اكثر عشان نكون دقيقين وهذي مشكلة الوزارة رقم 2

3- نحن الان في المرحله الخامسه واصبح هناك طلاب واقارب من المراحل السابقه والان اخوانهم او اقاربهم ومن يقومون مقام المحرم موجودين هناك وخصوصا الطالبات هل تحرم الطالبه المبتعثه من الذهاب لهناك ومحرمها اصلا هناك من السابق مشكلة الوزارة رقم 3

4- الطلاب والطالبات هناك الله يوفقهم اصبح لديهم معلومات كافيه عن اغلب التخصصات وانظمة الجامعات والدوله نفسها واماكن العيش المناسبه من ارض الواقع وليس كلام منتديات سياحيه وهذا نقطه ايجابيه للطلاب المبتعثين الجدد لتكون الصوره واضحه لديهم والوزاره بكذا الله يسامحها حرمتنا من خبرات الطلاب من حيث تخطي السلبيات والمشاكل لتكون بيئه الدراسه ناجحه ونحقق المنشود ولازم الان الطلاب الجدد يروحون دول جديده يمكن مايشوفها الا في الاخبار يمكن انها خيار حلو للدراسه لكن الواقع يقول انها جديده علينا كلنا وراح يتعب وعلى بال مايكون صوره حقيقيه ونعرف السالفه ونخطط نروح هناك يكون قد اوقفوا الابتعاث هناك ويضيع القادمون الجدد وهذي مشكله رقم 4
5- بالنسبه للجهات الحكوميه المستقله عن وزارة التعليم العالي من ابسط حقوقها تعرف وش التخصص المناسب لها وللموظف اللي راح يفيد الجهه ومن صالحها ان الموظف يغيب عنها سنه لغه وسنه ماجسيتر ويعود في اقرب وقت لخدمة المنشأه وسهل اقناع الجهه بغياب الموظف سنه او سنتين ولكن سوف تصبح صعبه اذا زادت المصاريف وزادة المده واعتقد فيه اجحاف للموظفين وهذي مشكلة رقم 5
6- ايقاف دوله كامله بكل جامعاتها وتخصصات المميزه وتعليمها الراقي وفي نفس الوقت الجامعا ت معترف فيها من قبل الوزاره راح يظطر بعض الطلاب يروحون للدوله وتبدأ مرحلة الالحاق الحقونا ما الحقونا الا سمعنا الالحاق ماشي لالا الالحاق توقف واستثناءات وشوشره وحوسه وتضيع الخطه والغرض من الايقاف بكبرها مشكلة الوزارة رقم 6
7- معاهد اللغه في بريطانيا واستراليا مناسبه واخذنها عنها فكره وعلى مدار السنه ا لطلاب الراغبين في تعلم اللغه يروحون هناك وصار من السهل نحدد المعهد الجيد من الغير الجيد ايضا بكذا راح ننحرم منها ويصير هناك تعثر وتروح اهم استراتيجيه من الابتعاث مشكلة الوزارة رقم 7

8- امريكا حلوه وبلد رائع وخيارات حلوه وشعب فرندلي ما اختلفنا لكن انظمة البلد هناك خطيره والواقع يقول فيه مشاكل الى الان تصير على السعوديين ( بصراحه ماعندي استعداد اروح ادرس سنتين وانسجن ستين سنه ) وماعندي رغبة في المغامره ابدا ابدا ابدا
من الله لله ما احب امريكا لو يجي السفير الامريكي براسه يحاول فيني ادرس عندهم مارحت مع ان ملتقى او منتدى الطلاب السعوديين في امريكا ماشاء الله تبارك الله رائع والشباب يحبوب يخدمون ونشاطهم ملحوظ وفقهم الله ويسر لهم امورهم يارب وكذالك الاخوان هنا يارب

9- اكثر من سنه اخطط على بريطانيا وحددت التخصص والله ودرست دورات في كل مكان في السعوديه وبرا السعوديه عشان اطور نفسي في التخصص واكون فكره وتساعدني في تسهيل القبول وفي الاخير يقولون بريطاينا تتوقف ( هذي مشكلتي انا )

اسف طولت عليكم بس قلت انفجر واعبر عن مشاعري عشان لو تأكد الخبر انهم وقفوا الابتعاث لبريطانيا اكون قد جهزت نفسي للهواش وقد زعلت من اول قبلكم كلكم خخخخخ

والسلام عليكم ورحمة الله وبركاته