استفسار دعوة صادقة من القلب لكل من يرد...وأول واحد له دعوتين:)

س1 نعم القبول نهائي
س2 روح للمكان الي كاتبين عنوانه خلال المده المذكوره وهم يعلمونك بالاجرات
س3 المده تختلف من جامعه لاخرى بس تقريبا شهر واذا طولت شهرين

الله يسعدكي بالدنيا و الآخرة,

أدري إنهم يعلموني لكن أبي أعرف الحين.

الإجراءات كالتالي:

إعلان وظائف >>> تقديم >>> يتصلون ويطلبونك للمقابله >>>مقابله شخصيه >>>إذا إجتزت ترفع لمجلس الكليه >>>> إذا وافقو >>> ترفع لمجلس وكيل الجامعه للدراسات العليا >>> إذا وافقو >>> ترفع لمعالي مدير الجامعه >>> إذا وافق >>> ينظر في امكانية توفر الأرقام الوظيفيه >>> إذا متوفره >>> مبروك التعيين

السالفه زيطه زمبليطه > لا تسألني وش معناها

الوكاد مطوله
إنت شوف وين وصلت , بأي مرحله

وبالتوفيق هع

ما شاء الله ....الله يوفقك....

أنا ما أعرف اذا نهائي ولا لا
لكن عموما تقدر تتصل على كليتك وتستفسر....لأنه مرات بصراحة الجامعة ماتتصل لكن اتكون انت فعلا معيد معين عندهم وصارت عندنا...ايش نقول على الاهمال...فالأحسن انك تتصل وتسفسر من الوكيل أو مسؤول قسمك
اذا طلع خلاص اسمك وصرت معيد
يبقى لك تروح لديوان الخدمة المدنية وتوقع على أوراق انه ماكنت موظف من قبل بوظيفة رسمية وانه اذا لك شهادات خبرة تجيبها وبعطوك ورقة رسمية من الديوان عشان تعبيها عن خبرات العمل وهذا يفيد بأنه يرفع درجتك فيه معيدين على الرتبة الأولى يتعينوا اذا مافيه خبره واذا فيه خبرة مثلا سنة تكون على الدرجة الثانية وكل درجة تعتبر بخبرة عمل سنة وزيادة الراتب طبعا بتكون حوالي 300 ريال بكل درجة.
وبعدها تاخذ أوراق للكشف الطبي يتأكدوا انك لائق طبيا وبعدها خلاص تاخذها أرواقك اللي من الكشف الطبي لديوان الخدمة المدنية وهم يرسلوها للجامعة وبعدها بيكلمك مسؤول عشان تبدأ المباشرة...طبعا كل ماخلصت انت أوراقك كلها بسرعة كل ما كانت مباشرتك تبدأ بدري...يعني اللي يتأخروافي جمع خبرات العمل أو يتأخروا بالكشف الطبي بيتأخر عليهم المباشرة..

هذا كل اللي أعرفه..

أتمنى أفدتك ,,

أولا / ألف ألف مبروك وأتمنى لك التوفيق والنجاح

ثانيا / القبول قبول نهائي والاجراءت ستأخذ يوم أو يومين إذا كثرنا أتوقع لن تتجاوز أسبوع وتباشر العمل في كليتك
والاجراءات مجرد أوراق تقوم بتعبئتها بالإضافة إلى الفحص الطبي

وأنا في خدمتك إذا احتجت لأي مساعدة من أي نوع فقط قم بمراسلتي على الخاص
وأهلا وسهلا بك بين أهلك في مدينتك الثانية سكاكا - الجوف

الله يجزاكم الخير جميعا

نعم الإخوة أنتم

لاعدمتكم أحبابا ناصحين وأصدقاء صادقين.

موفق يارب
ومثل ماقالو سو الفحص وعبي الاوراق وبس

ياإخوان سويت الفحص الطبي كامل وباقي العرس

قصدي باقي قرار التعيين

قالو لي يصدر بكرة إن شاء الله وندق عليك.

والحين لي ثلاث أيام ماردوا علي.

هل التأخر طبيعي؟.

الله يسعد هالوجيه.