قرار الأبتعاث هل يتأخرصدارة من ديوان الخدمة المدنية ؟

عادة المعاملة تأخذ من لحظة ورودها الى صدورها شهر او شهر ونصف بالكثير ...

لانه المعاملة يتم فرزها من قبل موظفي ادارة الابتعاث ... ثم ترفع الى اللجنة اذا كانت مستوفية جميع الشروط

وبخصوص اللجنة كل شهر تعقد واحياناً كل اسبوعين على حسب كمية المعاملات ...

وسمعت ان اللجنة لا تعقد باقل من 50 معاملة كحد ادنى ... والله اعلم

انا معاملتي الان في الخدمة المدنية من يوم 4/11 وسألت عن اللجنة القادمة قالي الموظف ان شاء الله خلال ها الاسبوعين في لجنة

يعني عطهم اخر الشهر وان شاء الله نسمع اخبار جيدة

ملاحظة اخر لجنة عقدت في تاريخ 1431/4/7هـ

اخوي

تأخذ المعامله من حين ورودها إلى إصدار قرار البعثه حوالي شهر تقريباً

بس عموماً أطمن إذا معاملتك مستوفيه الشروط انشاء الله يصدر قرار الأبتعاث .

يعني هم مجرد جهه تنفيذيه فقط ..
الله يسهل امورك

شكراً اخي أقرا المزيد .. شكراً اختي ضي .. جميع الشروط مستوفية والله الحمد بس هناك تداخل في تواريخ قبول التخصص وقبول اللغة ولا ادري ايش رايح يعتمدون رغم ان جميع الأوراق التي ارسلت للديوان مسجل فيها تاريخ دراسة اللغة .

اخوي
ترى التواريخ ماينظرون لها هم يعرفون ان المعاملات عندهم تجلس بالأشهر .

واي موظف راح يفوته التاريخ حق دراسه اللغه وهم السبب

عسى الله يوفقك اخوي ابوضي وانا ماودي احطمك وللكن خذ في بالك شهرين لاني عارفهم زين انا جالس فوق روسهم كل اسبوع عندهم ومع ذلك واسطات على اصولها وانواع التعقيد وثلاثة شهور او اربعة والله اني ناسي من كثرها

لاني احس ان بعض الموظفين في سكرتارية اللجنة طبعا موكلهم مرضى ولكن واحد ماودي اذكر اسمه الظاهر انه مريض نفسي الله يعافيه ولا يبلانا يحاول يعقد باي طريقة وقسما بلله اني ماظلمه يقول ماراح يصدقون شهادتك البكالوريس لانك اخذها وانر على راس العمل قلت يابن الحلال انا مترقي فيها وهي معتمدة قال هي عندي في الجهاز معتمدة بس انا اقولك ماراح نعتمدها لانك اخذها صباحية وهي المفروض تكون مسائية قلت ياخوي انا جهة عملي عندها اقسام مسائية وان اداوم مسائي وادرس صباحاي قال والله ماراح نقبلها لاني طارد دكتور في الداخلية وضعه زي وضعك قلت يارجال اتق الله

المهم وانا اطلع من عنده واروح عند جهة تصديق الشهادات والله ناسي اسم القسم بالضبط المهم والقى موظف اسمه العنزي الله يوفقه دنيا واخره ويجعل والدينه في الجنة ويوم شافني وهو يبش في وجهي قال بسيطة ماعليك منه هذا مريض انت بس عب الاستمارة من جهة عملك وراح اعتمدها لك وانت واقف في النظام ولا يقدر يفتح فمه قلت بيض الله وجهك المهم جلس الرجال يشيك على اسمي في الحاسب ويناظر قال ياخوي انت شهادتك معترف فيها منذ سنة وانت مترقي عليها روح ودخلها في وجهه ولا عليك منه قلت تكفى يارجال ابيك تروح معي وتوضح له قال ايشر

ويجي عنده قال وش الرجال جلس خوينا يبربر ساعة ومستحيل نقبلها وخلاص راحت عليه لانه دارس صباحي ولا بلغنا ولا ولا المهم قال الرجال يافلان انت جهة تنفيذية صح ولا قال نعم قال الحين في الجهاز حنا معتمدين شهادته انت وش دخلك هذه مسؤليتنا مو مسؤليتك قال هاه قال خلص الرجال وبس المهم طاح وجه ورحمته قسم بالله

المهم قال الاوراق عندي اسبوع ثاني ارجعها واروح والقاها عندنا في جهة العمل مرجعها الله يسماحهه لوجه الله ومسوي نفس الملاحظة وزايد عليها ملاحظة قوية بعد يقول فيها لجهة عملي بما معناها لاعاد ترفعون اوراقة مرة اخرى عاد تدقون بالله اني مرسل عليه واحد من اخوياه صديقة في الاستراحة وقاله ابشر ويوم اناظر الا خويه يتصل علي وهو شغال معه في نفس القسم تقريبا ويقول يافلان الظاهر ان رفيقنا مريض يقول قسما بالله ماادري وشف فيه على اوراقك انت احد موصيه عليك انه يعقدك قلت الشكوى على الله وبعدين قالي خوي هذا انه هاوشه في الاستراحة وتكلم عليه وقال انت ماتستحي بس تصدقون بالله وش صارت الخيرة فيه اني ضبطت اوراقي في جهة عملي ورجعتها لهم بعد اسبوع وابشركم راح اجازة ومشت اوراقي زي الحلاوة

اقول اخوي عسى الله يفكك منه وييسر امورك وان شاء الله تطيح في يد اجودي يخاف الله

saryaleal لا يكون تقصد المأخوذ حرف س ماابي اكسب ذنب الغيبة فيه حسبي الله عليه

اوراقي رفعتها ثلاث مرات ويردها كل مرة بسبب غير السبب السابق ... يعني ما يقدر يقول جميع ملاحظاته بدل ما تروح وترجع بهذه الطريقة

تخيلوا من شهر 12 وانا اتابعها ما بين روحه ورده والان قرب شهر ستة يعني سبعة اشهر على الفاضي

والمشكلة اللي ما تدرون عنها اني من زود الثقة بايع سيارتي لحظة دخولها الخدمة المدنية قلت كلها شهر ونصف ومنتهي الأمور

ولكن حسبي الله ونعم الوكيل و لا حول ولا قوة الا بالله

الله يستر لا تطيح اوراقي بيده الله يسخره للمسلمين ويكفينا شره
يارب وفق جميع المبتعثين والمبتعثات وسهل امورهم وسخرلهم عبادك

حقيقة خوفتوني منهم رغم ان اوراقي مكتملة ومؤهل الماجستير مسجل عندهم وكل الأمور تمام بس اخاف يطلع لي واحد من موظفي الخدمة المدنية بعذر مالة داعي وتجلس اوراقي في طلعه ونزلة بعدين وزارتي ما تصدق ترجع اوراق اي مرشح .. عشان يدخلون مرشح اخر .. الله يستر
وشكراً لمرور الجميع ومشاركاتهم ..

بعدين ياشباب اكتبوا اسماء المرضى نفسياً .. عفواً اقصد اكتبوا اسماء موظفي الخدمة المدنية في لجنة البتعاث المعقدين
عشان نعرفهم .. تكفون لا تنسون اسمائهم ..