استفسار تكفون يا اخوان ويا اخوات مين نفس مشكلتي وتكفون عطوني الحل

طمنوني ولو بكلمه

ممكن يكون التصديق قديم , وامر ايقاف الجامعة جاء بعدها , السؤال هنا : وقت تصديقك للقبول هل الجامعة كانت موقفة ام لا ؟
موفقه بإذن الله .

وقت التصديق ما ادري بالضبط

لكن تصديقي قبل اربع اشهر

على حسب علمي بما ان قبولك مصدق من ملحقية بلد الابتعاث فهذا الشرط يكفي جدا جدا وزراة الخدمة المدنية , ولكن بما انهم قالوا لا (يعني لا) , لان الخدمة مدنية ترجع بسرعة اي معامله ترى انها غير مستوفية للشروط , الا اذا كان صاحب المعاملة في اتصال معهم ويسد النقص في معاملته اول باول , مثل الاخ حتروف كان لا يوجد ارتباط مالي لوزارته فاحضره وانتهت مشكلتة , وايضاٌ الاخت همس المشاعر كانت درجتها في التوفل اقل بدرجتين من المطلوب فقدمت شهادة توفل بالدرجة المطلوبة وانتهت مشكلتها , ف نصيحتي لكي , حاولي الاتصال عليهم كثيرا وافهام الموظف المسؤول عن معاملتك و وجهه نظرك , ووعده بانهاء اي نقص في معاملتك حتى لا يقوم بارجاعها الى مرجعك وتخسرين المزيد من الوقت .

واتمنى لكي التوفيق بإذنه تعالى .

اختي رمانة ..
لو سمحتي ممكن تكتبي رقم التحويلة او الرقم الذي اتصلتي علية .. وحسب علمي التوقيف من شهر سبتمبر 2011 مو من الحين والا الجماعه مستعجلين علينا ..
ويبدو ان ديوان الخدمة المدنية ماصدق خبر واتوقع انة لم يصلهم شي رسمي بس الله يهديهم هم مجتهدين زيادة عن اللزوم
عموماً .. ارجو ان تعطينا الرقم الذي اتصلتي علية وانتاكد بانفسنا ..
وتقبلي تحياتي ,,

الله يعطيكم العافيه

لكن اللي كلمته ما قال لا قال انه يوجد ملاحظه بأن الجامعة موقفه بسبب التكدس
وبالنسبه للتحويله انا ما اعرفها بالضبط لاني كلمت السنترال وقلت ابغى قسم الابتعاث الخارجي وحولني

لا اعتقد انهم يردون معاملتك لهذا السبب لانه قرار تكدس الجامعة لم يطبق على اي موظف سبقك ...

اتمنى للجميع التوفيق

( ما قال لا قال ) عجزت افهم يبدو بان هذا المنتدى لا يختلف عن منتديات سوق الأسهم السعودي ما عاد تدري من تصدق .. انظمة ولوائح غريبة عجيبة .. خطط واستراتيجيات عشوائية .. امور كثيرة في هذا البلد بحاجة الى تنظيم
.. طيب ايش فايدة التصديق على خطاب القبول من الملحقية .. بعدين الملحقية ووزارة التعليم العالي تقول ان الجامعات الموقوفة سيعمل بها في سبتمبر 2011 ليش وزارة الخدمة المدنية تستعجل الأمر ..بعدين اساساً ما في تنسيق بين الجهات الحكومية في كافة القطاعات وكافة الامور .. وش معنى التنسيق في الأبتعاث لبريطانيا ..
.. ولكن البركة في وزير الخدمة المدنية الفايز تخيلو اكثر من اربعين سنة متربع على عرش الخدمة المدنية ( 40 سنة )وهذا هو سبب التطور ..

اختي رمانة .. هل جد جديد في موضوعك ..
هل اتصلتي مرة اخرى .. !! ؟؟
انا الي اعرفة انة قبل ما تروح
المعاملة لوزارة الخدمة المدنية لابد ان يكون هناك اتباط مالي
مع وزارة التعليم العالي .. وانا هنا اتكلم بثقة تامة
( اذا كان قبولك مصدق من الملحق الثقافي وهناك ارتباط مالي - ضمان مالي من قبل
وزارتك التابعه لها ما راح يقول ديوان الخدمة المدنية الجامعه موقفة للتكدس حتى وان كانت
موقفة للتكدس ) بس بصراحة انا مو مقتنع في صحة الكلام الي قلتية ..
لذا ارجوا من جميع اعضاء المنتدى تحري الصدق والدقة فيما يكتبة العضو ..
كي لا نثير الجدال والفوضى والمعلومات المغلوطة التي قد تؤثر على مسيرة معاملات المبتعثين ..
وتقبلوا تحياتي ..