استفسار موظف وملحق بالبعثة ,, يبي حل

و عليكم السلام و رحمة الله و بركاته،

إلي أفهمه من كلامك أنه موظف في وزارة الصحة و أخذ إجازة إستثنائية و درس على حسابه الخاص و بعدين طلب إلحاق بالبعثة، و الآن تم إلحاقه و حاب يحول على الوزارة الي هي جهة عمله، لو كان الوضع كذا، ما يجي، لأنه المفروض وقت طلب الإلحاق بالبعثة وقع على تعهد أنه لا يشغل وظيفة حكومية، و نظاما لو أتضح للملحقية أنه موظف تنهى بعثته.

تحياتي،
د.علي

اهااا شكــرآآ د. علي ,,

لو قدم اجازة دراسية يمكن يدرون الخدمه المدنية ولا لا ؟؟؟

• قبول دراسة.
• ثلاث سنوات خدمة.
• أداء وظيفي لا يقل عن جيد.
• موضوع الدراسة مرتبط بالعمل.

فلو الشروط منطبقة عليك ممكن جهة عملك يوافقون لك، لكن النظام يقول دراسة الموظف الممنوح إجازة دراسية تكون تحت متابعة جهة العمل، فما أدري هل فعلا فيه متابعة، وهل المتابعة من جهة العمل مباشرة ولا من خلال الملحقية الثقافية، فنصيحتي لك قبل ما تأخذ خطوة ممكن تسبب لك مشكلة، تأكد من موظف حاصل على إجازة دراسية أو من موظف في الملحقية، هل فيه متابعة من الملحقية أو لأ للموظف الدارس على حسابه وهو في إجازة دراسية.

تحياتي،
د.علي

بارك الله فيك د. على التوضيح

الدكتور علي
ممكن توضح لي النقطة هذه
هل إذا كان الموظف معه إجازة دراسية، ما يمكن يلحق بالعبثة
لانني يوم وصلت المحلقية في امريكا
وجيت اعبي بيانات فتح ملف جديد
كان في تعهد
إني إذا كانت موظف فلازم يكون معي قرار ابتعاث ، أو إجازة دراسية
فهل الموظف اللي معه إجازة دراسية وراح على حسابه للدراسة
لايمكن يلحق بالعثة ؟؟؟؟؟؟؟؟

على حد علمي نعم لا يمكن إلحاق الموظف ببعثة التعليم العالي، و التعهد الي يوقع عليه الدارس على حسابه الخاص ينص على أنه لا يشغل وظيفة حكومية، أو أنه حاصل على إجازة دراسية.

تحياتي،
د.علي

الله يبارك فيك
صدقت اخوي د.علي
وجدت في نموذج نموذج طلب إلحاق طالب دارس على حسابه الخاص بعضوية البعثة (نموذج 3)
هذا الإقرار
اتعهد بأنني لست موظفاً ولا أعمل في أي جهة حكومية .

جزاك الله خير على التوضيح

وعليكم السلام ورحمة الله وبركاته,,,

أخي العزيز أعذرني على الخروج عن الموضوع:

هل تكرمت يالغالي الأستفسار من زميلك عن طريقة تمديد الاجازة سنة أخرى؟ وهل تطول؟

لأن أخوي فني تخدير في صحة الرياض وطالع استثنائية وباقي على السنة الي ادوها وياه أربع شهور وتنتهي وهو يحتاج الى تمديدها ولكن هو متخوف انهم يرفضوا التمديد او ان يكون تمديد الأجازة صعب مثل ماسمع.

شاكر لك من الاعماق,

اخوك سلطان

هناك لغط كثير حول هذا الموضوع- الموظف الحكومي والإلحاق بالبعثات- المعروف ان الموظفين مالهم بعثات والالتحاق شروطه تتفاوت..
يعني في ناس ماخذين ( استثنائي ) والتحقوا وفي ناس تقول مايصير لازم اجازة دراسيه؟؟؟
الحين كيـــــــــــــــف؟
في الحالتين اذا انت مسجل : موظف حكومي بالأحوال المدنيه راح تكون نسبه إلحاقك ضعيفه.. بس في ناس تقول عادي اهم شي شرط ( التفرغ للدراسه) يعني يكون بإجازة بدون راتب..
السؤال: استثنائيه او دراسيه؟؟ يعني وين افضل عشان نضمن الإلتحاق؟

اخ حتروف: النموذج مثل ماقلت بس مش ذاكرين اي شي عن قرار الابتعاث او الإجازة الدراسيه ياللي طلبوها منك الملحقيه؟ ياريت تفيدنا ايش صار معاك..
لأنو انا كمان موظفه حكوميه توظفت قريب وعندي استثنائي ورايحه ادرس و ناويه اقدم ع البعثات وخايفه مايقبلوا التحق...