مبتعث جديد New Member
المملكة المتحدة
مــســلــم , ذكر. مبتعث جديد New Member. من السعودية
, مبتعث فى المملكة المتحدة
, تخصصى حاسب
, بجامعة الملك سعود
- الرياض, الرياض
- السعودية
- Mar 2010
المزيدl October 13th, 2010, 01:00 AM
October 13th, 2010, 01:00 AM
السلام عليكم ورحمة الله وبركاته..
اخواني الأعزاء اخواتي الكريمات
حاولت ان اجيب قبول لغة في معهد فاشترطوا ضمان مالي
وبعد اخذ ورد طلبوا شهادة بنكية بالمبلغ الموجود
وبعد ان اخبرتهم المبلغ اخبروني ان المدة ستكون 8 اشهر مع العلم ان الدراسة في المعهد 9 اشهر غير الجامعة
أسئلتي الان:
- بالنسبة لتمديد الاي تونتي هل ساظطر الى احضار شهادة بنكية اخرى ام ان المحلقية ستعطيني ضمان مالي استخدمها لتمديد الا تونتي
- السفارة اذا احضرت لهم الاي تونتي وفيه 8 اشهر واحضرت لهم ضمان مالي من التعليم العالي هل سيتغير الوضع ام ماذا
حقيقة الصورة غير واضحة امامي
شاكر ومقدر لجميع من قرا
ودعواتي لمن يرد
والسلام عليكم
الاخ مسلم
المعاهد كلهم عارفين ان تقديم السعودي عليهم مؤقت يعني بعدها بيجيب ضمان مالي من وزارته
انت جيب الضمان المالي الان الي هو شهادة بنكية وعلى فكرة ترى مو ضروري يكون باسمك والمبلغ مو ضروري يكون من زمان في حسابك يعني اتسلف لك المبلغ وجيب الشهادة وكمان طلع كم شهادة علشان تراسل فيها المعهد والجامعه وثاني يوم رجع الفلوس لاصحابها وترى عمر الشهادة البنكية شهر واحد فقط
بعد ماتجيب الشهادة البنكية وتحصل على القبول تكون اجرائاتك مشيت بحول الله وقوته اذا صدر قرارك من الخدمة المدنية تطلع الضمان المالي من التعليم العالي وتقدمه للسفارة والمعهد والجامعه وانت اصلا ماتقدم فيزة حقت 8 اشهر انت تطلب 5 سنوات لغة + ماستر يعني ترفق قبول المعهد والجامعه مع الضمان المالي للسفارة وبتتسهل الامور بعدها بإذن الله
rosah October 13th, 2010, 01:53 PM
7 " الله يجزاك الف خير ويرفع قدرك ويسهل امورك اختي
يعني ماتفرق سواء 8 شهور ولا سنة
وابشرك بالنسبة لموضوعي الاول راسلت الجامعة وراح يرسلون لي خطاب ثثاني موضح فيه التواريخ
شكرا جزيلا
مــســلــم October 13th, 2010, 03:29 PM
7 " انت الان كل الاوراق والقبولات شكلية يعني شي تعطيه العمل يرفع اوراقك فيه للبعثة ولا ربي تمم عليك ماحتروح السفارة الا وامورك منتهية بإذن الله
اهم شي اختيار تواريخ صح يعني لا تحاول تجيب اي قبول قبل مثلا سبتمبر 2011 لانك لساع اوراقك مامشيت ترى الامور هذي تطول مرة وخلك مرتاح لاتعجل حالك
بخصوص موضوع الخطة الدراسية كويس والله فرحتني .....
شكرا على الدعوات الحلوة الله يسعدك وهي تراها الي الانسان يبحث عنها
rosah October 13th, 2010, 05:23 PM
7 " الدعاء اقل شي نسويه اختي
الله يوفقك
وبالنسبة للقبول فالجامعة علي يناير 2012
اما المعهد افكر اخليه من شهر مارس او ابريل
قدامي يعني ابو خمس شهور
ماتحسين انها كافية ؟؟!
مــســلــم October 14th, 2010, 12:09 AM
7 " قبول المعهد مو مشكلة حتى لو دخلت اوراقك وقبول المعهد قريب وتاجيله اسهل مايمكن بس برضي انصحك تخليه شوي متاخر علشان حركات امريكا والاي توني انت تعرف كل تاجيل ب400 ريال والله يكفي خساير
ياسيدي
انت الى الان لم تبدأ بالاجراءات وانا اقولك ان اجرائاتي بس من الرياض بدأت من 9-6 واترسلت للخدمة 5-9 ودخلت الخدمة 18-9 شايف كيف كل واحد ياخذ المعاملة تتلطع عنده حتى لو كان الامر مجرد توريد للمعاملة ويمكن انا اكثر شي عطلني اجازة رمضان ويمكن امورك تكون سهالة يارب اهم شي انت ترجم قبولاتك بنفسك حتى تسرع دخولها على اللجنة وكمان علشان تشوف بنفسك صياعغة ترجمة التخصص لان مترجمهم الله يعطيه الصحة مايترجم التخصصات بالشكل الي انت تبغاه يعني ممكن يترجم ترجمة مختلفة فأحوط لك ان تقوم بذلك بنفسك
عموما انت جهز اوراقك وصدقها وممكن تكون وزارتك افضل من وزارتي
rosah October 14th, 2010, 10:09 AM
7 " الله يوفقك لكل خير
يعني انتي قعدتي 3 شهور
وانا حاط 5 شهور ويمكن اخليها 6 هذا طبعا للمعهد
والحال من بعضه الموظفين الحكومين حالهم واحد
الثلاثاء كان فيه اجتماع للخدمة المدنية
هاه بشري عسى الامور تمام
مــســلــم October 14th, 2010, 10:41 AM
7 " الله يعينك وييسر امرك انا والله اشوف انها اكثر من كافية بس عاد انت تعرف الروتين الي عندنا ويمكن انتم الرجال افضل مننا توردون معاملتكم بنفسكم مناولة وهذا طبعا اسرع وافضل وسهل انك تتابعها خاصة لو كنت من اهل الرياض واصلا حتى موظف االخدمة المدنية قالي اسوء وزراة وزارتي في توريد المعاملات جلست 13 يوم علشان تطلع من شارع لشارع حسبي الله ونعم الوكيل
بخصوصي اقول يارب تكون معاملتي دخلت يوم الثلاثاء لان الي كان واصلي انها بإذن الله بتدخل بس ماقدرت يوم الارعاء اوصل لهاتف الخدمة المدنية يالتحويلة 4 دقات وتفصل يا الرقم كله مشغول ومايشبك بس زوجي طالع الرياض السبت بإذن الله وربك كريم انا متفائلة
rosah October 15th, 2010, 10:20 AM
7 " بالتوفيق اختي
والله ييسر امورك ويكتب لك اللي فيه الخير
وان شاء الله تبشرينا بالابتعاث
مــســلــم October 15th, 2010, 01:48 PM
7 " الله يوفق امين ويكون بالعون
العقرب الفضي November 4th, 2010, 07:20 AM
7 " 
LinkBack URL
About LinkBacks
October 13th, 2010, 01:00 AM
السلام عليكم ورحمة الله وبركاته..اخواني الأعزاء اخواتي الكريمات
حاولت ان اجيب قبول لغة في معهد فاشترطوا ضمان مالي
وبعد اخذ ورد طلبوا شهادة بنكية بالمبلغ الموجود
وبعد ان اخبرتهم المبلغ اخبروني ان المدة ستكون 8 اشهر مع العلم ان الدراسة في المعهد 9 اشهر غير الجامعة
أسئلتي الان:
- بالنسبة لتمديد الاي تونتي هل ساظطر الى احضار شهادة بنكية اخرى ام ان المحلقية ستعطيني ضمان مالي استخدمها لتمديد الا تونتي
- السفارة اذا احضرت لهم الاي تونتي وفيه 8 اشهر واحضرت لهم ضمان مالي من التعليم العالي هل سيتغير الوضع ام ماذا
حقيقة الصورة غير واضحة امامي
شاكر ومقدر لجميع من قرا
والسلام عليكم