تكفون وربي محتار .. وراسي بينفجر من التفكير ..ابي فزعتكم..لا تبخلون علي تكفون بردودكم

اخوي
اول شي روق المنقا وزين لك احلى كاس عصير ليمون واشرب وترى الدنيا ولا تسوى كل هالقلق

عليييك بصلاه الاستخاره وهي اهم الامور التى نغفل عنها

اذا كانت مهنتك في وزاره الخدمه المدنيه طالب

فانت خلك في عملك وخلص امور ابتعاثك وخذ قرار ابتعاثك وبعدها قل لداومك مع السلامه لان الوزاره اذا شيكت عليك ولقو انك طالب فهذا معناه انك في safe side
وما عندك مشاكل بس حذاري ترسل للوزاره انك موظف وانت مسجل عندهم طالب كانك تقول >>> كاد المريب ان يقول خذوني

اما اذا كنت معدلت المهنه الى ( موظف حكومي ) وركز الله يرضى عليك ع موظف حكومي فهذا معناه انك تتخذ قرار حاسم اما الوظيفه او البعثه وهذا يرجع لك انت وحدك وقدرتك ع مواصلت الدارسه وتحمل اعباء كثيره

انا معدل الوظيفه الى موظف حكومي بالاحوال المدنيه لانهم شرطوا علي اني ما اباشر الدوام الا اني اعدل الوظيفه من الاحوال واضطريت اعدلها قبل قرار القبول النهائي اللي بعد الترشيح اول مره ..

اذا سالتني عن راي

ساجيب الابتعاث لان سيفتح لك مجال اوسع بعد الماجستير وتعرف على بلد جديد وثقافه جديده
شعورك هذا يالغالي عشته قبل 3 سنوات

بالتحديد في البرنامج الثالث كنت مقدم عليه ووقتها موظف ولكن ماني رسمي يعني ع البند

بعد صدور اسامي المبتعثين وكان اسمي من ضمنهم في هذ الوقت بالتحديد كان هناك مفاضله في ترسيمي وايضا اسمي من ضمن الاولويه لذلك
انا ادري وش شعورك الان لان مريت في نفس التجربه

ولكن فضلت الوظيفه ع البعثه وبعد مضي سنتين في الخدمه قدمت ع الابتعاث عن طريق مرجعي وابشرك الامور تيسرت

وانا الان في بلد الابتعاث
بالتوفيق للجميع وتتسهل امورك
نصيحتى لك اولا وقبل كل شي صلاه الاستخاره
ان شاء الله بستخير ويكتب الله اللي فيه الخير لي ولك ولجميع المسلمين والمسلمات , آمين
ثم حساب الايجابيات والسلبيات اذا قررت الابتعاث
ايجابي : شهاده ماجستير .. سلبي ...؟؟؟
وكذلك الايجابيات والسلبيات اذا قررت البقاء في وضيفتك
لو قررت البقاء على الوظيفه بجلس سنتين .. كفيله بـ نسيان كل الامور اللي تتعلق بالدراسه لان اغلب اللي اعرفهم صياادله بكالوريوس بعد ما توظفوا وتزوجوا يقولون وش لنا بالتكمله ورواتبنا قويه ( اتوقع تتفق معي بالنقطه هذه)
راتب قوي + متزوج+ مسؤوله+اولاد وتربيتهم << ما اتوقع ان السنتين هذه بتخلي شي عليك واهمها القروض وما يخفيك ..!! .. لاتنسى عمري صغير وتوني متخرج يعني معلوماتي طآزجه ..
هذا اذا كنت معدل مهنتك الى موظف حكومي في وزاره الخدمه المدنيه
اما اذا مازلت طالب فتوكل ع الله واختار الابتعاث

ايضا نقطه مهمه لاتكثر من الاستشاره لان تضيع من كثر ما تستشير
واحد يقول لا والثاني يقوا ايه وانت ضايع بينهم
من هذه النقطه لا توصي حريص .. حتى راعي غنمنا (يكرم من يقرا ) كنت اشكيله الحال
بالنهايه عسى ربي يكتب ما كان صالح لك
آميـن
لا تنسانا من صالح الدعاء
بيض الله وجهك يوم تبيض وجوه وتسود وجوه .. امين