مواعيد إنعقاد لجنة الابتعاث

حسبنا الله ونعم الوكيل
انحولت عيوني من البارح كل شوي افتح النت بالجوال عشان اشوف احد يبشر او لا
عشان اتصل عليهم اسال عن اسمي لاني ماني في الرياض واكلم من الجوال
والاعصاب فلتت

اخواني الاجتماع اليوم الثلاثاء


ان شاء الله


بالتوفيق للجميع يارب

الله يعينا ويصبرنا
طيب هم ليش كذا يخسرون شي اذا قالوا الموعد الصحيح او انهم متعمدين يلعبون بالاعصاب

والله يا ام رنى انا مثلك من الشرقية وماسك نفسي علشان لا اقوم وادق سلف السيارة واجي الرياض واحسن ما فيهم انه يردون على التحويلة 8061 او 8031 يعني ما واجهتني مشكله غير مشكلة الخط نفسه انه ما يرن بس من يمسك السنترال ادق على التحويلة يردون ،، انشاء الله جميعنا سوف يتم الموافقة عليهم بأدن الله ،، دعواتكم للجميع ،، ولا احد يبخل علينا بمعلومه وخليكم اب ديت على طووول .. تحياتي

رد: مواعيد إنعقاد لجنة الابتعاث
الله يعينا ويصبرنا
طيب هم ليش كذا يخسرون شي اذا قالوا الموعد الصحيح او انهم متعمدين يلعبون بالاعصاب


انا هذا اللي مستغربه منهم ؟؟؟ هو كان المعتاد يوم الثلاثاء يكون دائما اجتماعات اللجنة بس تم اجتماع يوم الاثنين الماضي اللجنة الاولية وتم التأكيد من قبل الموظف بلجنة الاجتماع الابعاث الخارجي بكلامه انه يوم الاثنين هذا سوف تعقد بأذني اللي بياكلها الدود ،، ولاكن لا يمنع انه تم تغيير الموعد من قبل اعضاء اللجنة واولهم وزير الخدمة المدنية ،، نتابع ونشوف اخرة حرق اعصابنا وين بيوصلنا ؟؟؟؟؟؟؟؟؟؟؟؟؟؟ الله يخااااااااااااااارجنا

ربي يسر ان شاءالله جاري الانتظار هم يجتمعون الاكيد الثلاثاء بس اي ثلاثاء في اي شهر الله اعلم لان لو واحد اعتذر من اللجنة تتكنسل وماحد يجتمع هذا الخبر الاكيد علشان كذا ماحد يدري متى الاجتماع وشي ثاني الاسبوع هذا اجازة الربيع مادري فيه اجتماع او لا يبقى الامل باقي

عن جد هذه اللجنة تأخررررررت كثير هذه المره ،، في السابق كانت تجتمع كل شهر مره او مرتين في الشهر الان صار لهم اكثر من شهرين ما اجتمعوا ما يندرى وش سالفتهم وفعلا مثل ما قلتي اجازة الربيع الللللللللله يستر والله يرحمن بحالنا مساكين احنا

اذا احد يتصل على نهاية الدوام ممكن يجد خبر

ابشركم اجتمعو بعد المغرب 90 % امانة ادعولي اكون من المقبولين صارلي سنة ونص وبكمل سنتين وانا اركض وراهم يارب فرج عني ويسرعلي وعلى اخواني واخواتي المسلمين

يااااااااااااااااااااااااااااااااااارب فرج علينا جميعاً ويسر امورنا بحق خيرات التي انزلتها علينا اليوم بالشرقية هطلت علينا امطار قوية جدا ومستمره منذ العصر وحتى هذه الساعة مصاحبه ببردي اول مره ينزل هذه السنة بردي علينا وكان حباته كبار يااااااااااااارب بحق خيراتك علينا اجعلها امطار خير وبركة وانفع بها البلاد والمسلمين واحجب عنا كل شر وسلط علينا من ترضى من عبادك المؤمنين بالرحمة والهدى والخير والصلاح ،،

مشكوره اختنا light_moon على التواصل المستمر والاخبار السرية اللي تجي منك انشاء الله يكون اسمك اول وحده يطلع قرارها يااااااااااااااااااااااااااارب وانا وراك هههه واخواننا البقية معنا يارررررررررب