استفسار مبتعث حكومي بسأل عن كيفية ضم الزوجة (المرافقة) للبعثة لدراسة اللغة ؟ هل يصدر لها ضمان

بالنسبة للزوجة بعد وصولك ان شاء الله لمقر البعثة ترسل قبولها الى الملحقية وسوف يصدر لها ضمان مالي ولا تحتاج لفيزا طالب

الله لا يهينك اخوي وسام

طيب وش نوع الفيزا اللي بتطلع بها الزوجه من السعودية ؟؟ هل فيزا ال B1 السياحية؟
وكيفية تغيير الفيزا في بلد الابتعاث لبدء الدراسة لها؟

تطلع فيزه مرافق f2
وتدرس في معهد لغه ويعطونها ضمان لمده سنه وممكن يمددونه الى سته اشهر اخري
وبعدها اذا ودها تدخل جامعه تغير فيزتها الي f1يعني فيزه طالب من السعوديه او تطلب تغيرها من امريكا بس اذا رجعت لسعوديه لازم تغيرها من السعوديه

سؤالك في محله اخوي وانا مثلك بالضبط ،، لاكن اجابة الاخ وسام البدر ادخلتني في دوامة التفكير ؟؟

على حسب علمي وبتأكيد اخواني اللذين يدرسون بامريكا انه لا يسمح بالدراسة بامريكا الا بعد حصولك على فيزا F1 او F2
وضم الزوجه الى البعثة اعتقد انه يجب عليها ان تكون حاصلة على فيزا F1 لتكون منتظمه بالدراسة وهذا اللي راح اسويه الان انا جبت لها قبول من المعهد اللغة وكتبوا فيه انه سوف تدخل عن طريق فيزا F1 وعلشان اضمن قبول الملحقية لضم زوجتي للبعثه باطلع لها F1 .

بالنسبة اخوي لزوجتك لازم توفر مبلغ للدفع للمعهد على الاقل لاول ترم طلع لها ضمان مالي من عندك وارسله مع كامل اوراقها بالايميل على المعهد اللي راح تدرس فيه وراح يرسلون لك القبول مع i20 وبعد الوصول الى امريكا تقدم لها على طلب الالتحاق بالبعثه هذه الخطة اللي انا راح اسويها راح اصرف على زوجتي في المعهد في البداية لغاية ما يتم قبولها وحصولها على البعثة ..

ياريت لو اخونا وسام البدر مشرف ملتقى المبتعثين الحكوميين او احد الاعضاء اللي مر بنفس التجربه انه يفيدنا بمعلومات اكثر وتكون دقيقة وواضحه ويوضح لنا الخطة اللي المفروض نتبعها علشان نقدر نلحق الزوجة بالبعثة ،، تحياتي

يعطيك العافية اختي بنت ابوها**

انا مقرر اطلع فيزا طالب F1 لزوجتي علشان اريح نفسي من الان ،، بس السؤال هل اول ما اوصل اميركا يطلعون لها ضمان على حسابهم لدراستها بالمعهد؟؟ لانه انا كنت مفكر اني باصرف عليها من جيبي الى ان يتم الحاقها بالبعثة .؟؟؟ ياريت تفيديني

المعلومه اللي عندي ان المبتعث الحكومي سواء من عمله او برنامج الملك عبدالله تتكلف الملحقية بدفع الرسوم الدراسية فقط عن المرافق لحين انتهاؤه من اللغة وقبولة في احد الجامعات المعتمدة بشرط ان المبتعث الرئيسي متبقي له سنة أو أكثر في أمريكا

والله اعلم

حباايبي كذا تلخبطنا ,,, الزوجة كمرافق وش نطلع لها من هنا F1 وهل يحتاج مخاطبة الملحقية للحصول على الضمان المالي,,, ؟؟؟؟؟؟

وشكرا ,,,

بانتظاركم لا هنتووووا

تحياتي لك اخوي ،،
اولاَ : انا سألت وحصلت الاجابة،، طلع لها فيزا F1 علشان تقدر تكمل دراسة جامعية بعد اللغة .
ثانيا: بعد وصولك الى امريكا انت تحت خيارين اما انك تذهب الى واشنطن مباشرة وتذهب الى الملحقيه لفتح ملف طالب وانهاء اجراءاتك هناك وعندها تطلب منهم ضمان مالي لزوجتك ويصدر خلال يومين او بنفس اليوم اذا كان هناك مجال ،، الخيار الثاني انك تذهب لولاية الدراسة وتراسل الملحقيه باستكمال اوراقك وتطلب منهم ايضا ضمان مالي لزوجتك للمعهد ،،

انا عن نفس سوف اذهب مباشرة الى الملحقية بواشنطن علماً انه تغيير موقعها الان وذهبوا الى مبنى جديد بجانب مطار دالاس تحياتي لك ..

الف شكر لك

طيب وش تطلبات ال F1 لو تكرمت خصوصا اني أبغى الملحقية هم اللي يدفعون للمعهد

شكرا لك ...