هنا تجمع بعثات الهيئة الملكية (صدرت النتائج + الرابط)

اسأل الله ان يقبل كل مستحق لهذه البعثه فيها ..

واسأل الله ان يبعد عنها حشرات الواسطات

ما دمرنا الا هم

والله ياخذ نفس كل مسؤول يحرم مستحق بسبب قريب له او صديق

آمين يارب العالمين

ياجماعه مادري بس ماتوقع راح يجمعوا مع الملتقى

صعبه 4 اسابيع يفرز فيها المقبولين والمقابلات والنهائي والاعتراض وتغيير الدول والحاجات هذي

يا اخي ا لكريم
يا اخي المسلم
يا اهل الانسانية
يا من يشهد ان لا اله الا الله
يا اهل الخير والمعروف
يا يا يا يا ..........................الخ


حنا قدمنا والباقي على الله لكن هناك تساؤلات يا اخوان

اولا :
تقديم على برنامج لخادم الحرمين الشريفين <--- دقق بالاسم ملك دولة ترى
وتتفاجئ يقولون لك رسالة جوال تعلن النتائج؟؟؟؟؟؟؟؟؟؟؟ وش ذااااااا
ليش ماتعلن بالجرايد والموقع وارسال للايميل رساله وارسال للجوال الاربعه ذولي كلهم؟



ثانيا:
راح توصل المملكة الى مرحلة عدم انتاجية ونصارخ نقول الاجانب ذبحونا ورواتبهم مادري كيف وليش مافيه سعودة ترى المشكلة موب من الاجانب مشكلتنا حنا يوم يجي شي فيه مصلحة للسعودين الناجحين الي بعرق جبينه تعبان وانسان له مستقبل وطموح مايلقى له شي
يجيك واحد مهمل وياخذها حلاااااااوه ويتوظف في مكان منصب بالدولة ؟ وتبي تتطور كيف؟
اللهم من كان له اتخاذ قرار في اي مكان بالدولة ولا يعمل بنية صالحه ولا يعطي كل ذي حق حقه
اللهم عاقبه في عقر داره اللهم أره من عجائب قدرتك يارب العالمين

انا بتقولون ليش هالكلام لاني مابي افصح عن معدلاتي بالثانوية والدبلوم عشان ماتتفاجئون

ثالثا :
مواعيدهم الكاذبة وعدم الاهتمام وتكلم الموظف نفسه براس خشمه ويقولون الشباب خلال السنوات هذي اسلوبهم موب زين ؟ وين تبي الزين وانتم تعاملكم شين ؟ هل يعقل هذا ؟
كلمت موظف يقولي كم مره تتصل انت تراك ازعجتنا ؟؟؟ وانت تاخذ راتب ببلاش ازعجك وازعج عشره مثلك وش انت ياحبيبي مجرد انسان مثلي مثلك عند ربي

اقسم بالله ا نهم شغالين على الواسطات ياحبيبي لا وزير يدري عنها ولا شي كل الي تحت ذولي هم البلاء سبحان الله شلون اعمل في مكان وارتاح نفسيا وانا عملي كله لف ودوران؟؟؟؟؟
وش ذا القلب الي بيتحمل ذنوب اعوذ بالله

وهالوزير مايطلع الا في الاعلام بالجرايد صرح وزير عن بعثه بس ماشفته يصرح بكلمة على التلفزيون مباشر عن برنامج بعثة يقام ويعطينا معلومات ومتى النتائج وكل شي وكيفية الترشيح
يقولون لك رسالة جوال ولا تدري شلون طريقتهم ولا تدري تاريخ الاعلان ولا شي ( خمبقة )



رابعا :
احر ما عندك ابرد ما عندهم
مالك الا الدعاء ادع الله يوفقك وادع عليهم ان ربي يعاقبهم


وشكرا جزيلا واسف على الاطالة والي بيقراء كلامي بيقول معصب يوم يكتب بالعكس الامور هادية بس اكتب مافي داخلي من شي شفته بعيني

الله يجازي من يسبب في ظلم الناس وينصر اللي يعطي الحق الى اهله
وانا معك في اعلان نتائج القبول

ارسلت رسالة للهيئة الملكية استفسر عن موعد النتائج وكان الرد

SOOOOOOOOOOOOOOOOOOOOOOOOOOOOOON

يعني قريب ان شاء الله

احساسي يقول بكرة
الله يستر

ههههههههههههههههههـ انا متوقع بكرا مدري ليش ، اتوقع على غرار نتايج الوزارة . وكمان حاسس ان اسمي ماراح يجي مدري ليش .

يارزاق ياكريم ..

تصدق وانا زيك مع ان معدلي 4.69 بس احس انه في ناس مادري معدلاتهم احسن مني بكثير

بس مالنا إلا التفاؤل والدعاء
--------------------------------------------
تصدقون اني حلمت اني التحقت ببعثة مع خوي من الدفعة الأولى لأمريكا واحنا هناك أشوف اننا مالقينا سكن هو فارش فراشه في بار ونايم وانا قاعد افكر في أهلي .