هنا تجمع بعثات الهيئة الملكية (صدرت النتائج + الرابط)

بيت القصيد يطلع يوم يعلنون النتايج ... و اذا كان صحيح مافيه دبلوم , والله لتصير هذي السالفة شغلي الشاغل ... لأقعد عند باب جريدة اليوم و اروي سالفتي لكل واحد يمر
لعب عيال هو .. يقولون فيه دبلوم ثم يجحدوننا !!!!

.. عندي احساس راح تكون النتايج بعد ما يعلنون الميزانيه !! ..

لوووووووووووووول كأنه عاد تبي تغير شي
هذولا حمير و انت بكرامة ... الحمار ما يتغير لو جبنا واحد من القرون الوسطى !!!
لكن الله يستر بس

اووف بعد الميزانية !!!!!!!!!

ومتى الميزانية ؟؟

والله انهم طولوا مرة كلها 300 اسم ماهم قادرين يطلعونها

سلام عليكم يا شباب

انا بس حبيت ارد على الاخ الي يقول مافي دبلوم

اول شيء من وبن جاب هالمعلومة الهيئة ماصرحت بشيء لحد الحين

و بعدين انا يوم الثلاثاء كنت عند مكتب مصلح العتيبي المسول عن الابتعاث

ولا قال انو مافي دبلوم او كذا ماعطوني اي معلومة حاولت اعرف متى النتايج قالو

اهي في الرياض في مبنى الهيئة الملكية اللرئيسي و متى ما طلعت راح تعلن للناس بالجوال

فا ارجو من الاخوان ما يجيبون كلام من عندهم

سلام

انا اتوقع العدد اكثر ..

لانو لو العدد 300 كان اعلنوا النتائج الاسبوع المااضي او اللي قبله

والحين لهم تقريبا شهر وماقد اعلنوا شئ

صبرا جميل والله المستعان

انا قريت في ريدة المدينه قبل يومين على ما اتوقع ان الدفعه الاولى تم الانتهاء منها مثل ما انتوا عارفين وبعد كذا فيه دفعه ثانيه تقريبا 5000 اخروها بسبب ان الميزانه ما تكفي ويمكن ينتظرون ميزانه لمبتعثين الهيئه يعني يمكن كلام عزيز فيه شيء من الاحتمال الصحيح
عموما اذا ما طلعت الانتاج خلال الاسبوع هذا فيعني انها بعد الحج لان الدوام مثل ما انتوا عارفين ينتهي يوم الاربعاء وببما اننا نعرف وزارتنا زين فالتوقع الاكبر انها ما راح تعلن الاسماء في اول اسبوع دوام ويمكن تتاخر الى بعد الميزانيه
وهذا توقعي يمكن يكون صح ويمكن يكون خطاء واتمنى انه يكون خطاء والكلام هذا مجرد توقع لا اكثر

شف يا عزيزي ... موضوع ان الميزانية ما تكفي هذي كثر لي منه
لكن الموضوع صاير حوسة بقوة ... الهيئة ما راح تفتح باب ابتعاث إلا اذا كانت ميزانيته تسمح
(اعتقاد شخصي) ما اتوقع ان الدبلوم بيوقفون ابتعاثهم الوزارة زي ما قيل لأن الهئية هي الي مسؤلة عن الموضوع و الوزارة بس تبي تصدر قرارات ابتعاث .. ولا له الحق تعدل او تبدل في المقبولين الي جو عن طريق الهيئة.