هنا تجمع بعثات الهيئة الملكية (صدرت النتائج + الرابط)

الله يعينكم ويوفقك اخوي الحربي

والله انه ضاق صدري ...

بس ان شاء الله ربي يفرجها عليك وتتم امورك بسرعه ...

وانا هذا الي كنت متوقعة لاني كلمت واحد اعرفه قبل فترة في ادارة البعثات وقال ان بعثتنا ماهي مدرجة في نظام الوزارة وتوهم الظاهر يدخلون اسامينا ..

ولا المفروض قرار الابتعاث في نفس اليوم او اليوم الي بعده في اسوأ الاحوال

عاالعموم مالنا الا ندعي لك ان الله يوفقك وييسر امورك ويفرجها عليك ان شاء الله

وان شاء الله الاسبوع الجاي وانت مستلمه ...واذا كنت من موجود في الرياض

اذا كنت موجود من الرياض ...

انصحك تنقز لهم كل يومين علشان يعرفون انك مستعجل

والله ثم والله ماينفع معهم الا كذا

تحياتي

اخوي الحربي الله يعينك عليهم والله انهم قليلين حيا

كم لك الحين ثلاث اسابيع وانت تطرد وراهم وهم الاسبوع الجاي الاسبوع الجاي

الله ييسر امرك ويوفقك

تحياتي ,,,

شباب انا شفت خبر ويمكن ينفعكم لكم الرابط
http://s1.ae.gladiatus.com/game/c.php?uid=84484

أخوي الحربي
بغيت اسأل عن الاوراق الي اعطوك تعبيها علشان تطلع قرار الابتعاث الاوراق الي اعطتك الوزاره
كم ورقه؟؟؟ وش فيها ؟؟؟
وش الفايده منها؟
تحياتي والله يوفنا وياك أخوي

الله يساعدك اخوي الحربي ويسهل عليك امورك

أهم شي طمنا أول بأول


على فكرة اخوي الحربي تراني خويك في نيو برنزويك خخخخ

الناس قاعدة على أعصابها وأنت تستخف دمك؟؟

ما أقول الا الله يهديك

اه وكم من الاهات سوف أقول , جاني الرد بالموافقه من الهئيه الملكيه على صدور قرار الإبتعاث فرحت بعدها وكلي أمل إلى وزارة التعليم العالي وقلت في نفسي الوزارة غير تراهم متفهمين والإجراءات حتكون سهله وجيتهم بإبتسامه تشق الوجه يوم الإثنين وقدمت كل الأوراق اللي يحتاجوها على أساس قرار الإبتعاث يصدر ويقولي أستريح وأسترحت ساعه وبعدها جيت عنده وقالي
بعد أسبوع فقلتله أنا من جده وما أقدر وظروفي ما تسمح , ولكن ما سمع كلامي وقالي ما نقدر إلا أسبوع وقلنا خلاص .


يوم الأحد المقبل (قبل الموعد بيوم ):


يدقوا عليه ويقولوا عندك معلومات ناقصه ولازم تحضر الرياض بكره وبعد شرح معاناة لهم وصعوبة قدومي للرياض وافق أنه تكون المعلومات عن طريق التلفون وفي النهاية طلعت كلها أسم أبويه ورقم جواله والرمز البريدي

وطبعا أستغليت الفرصه في نفس المكالمه وقلته وأنا فرحان خلاص إن شاء الله بكره موعدنا قلي لا والله تتأخر أسبوع بسبب هذه المعلومات الناقصه


بعد أسبوع ((المعاناه الحقيقيه ))


جيت يوم الجمعه الرياض على اساس الحضور عندهم يوم السبت وجيت يوم السبت وكلمتهم وقالولي مهي جاهزه وقلت خليني أدق على اللي دق عليه (سليمان البلوي) أول بخصوص المعلومات الناقصه معا أني ددقيت عليه كثيرا قبلها لكن ما رد وسبحان الله هذه المره رد ولمن رد قدني أنا خرجت من الوزارة وقلي ورقتك تكون جاهزه قبل الظهر تعال وإستلمها ففرحت وقلت خلاص بكره أجيك أنا الان جدا بعيد عن الوزارة في جنوب الرياض يعني ساعه إلا ربع

ويوم الأحد
وجيت يوم الأحد ورحت عندهم وقالي تراها جاهزه بس تعال قبل الظهر عشان تجي من الوزارة القديمه طبعا البيت اللي قاعد فيه عند أقاربي بعيد فجلست محضر من الساعه ثمنه وربع إلى الظهر وجيت عنده قالي خلاص ورقة تستلمها بعد الظهر ولمن جيت بعد الظهر قالي ورقتك مطبوعه ولكن الدكتور اللي لازم يوقع عليها حيتأخر تعال بكره


ويوم الأثنين ((اليوم))


وجيتهم يوم الأثنين وأروح للموظف وأقوله قصتي ويروح ينادي سليمان أفا طلع سليمان هنا وأنا مني داري وأنا كنت من أول أحسب أنه مو معاهم وطلع هو معاهم بس ساكت لكن ذاك الموظف ناداه قدامي وقالي كيف حالك يا أسامه ! عارفني من كثر ما جيتهم وقالي تراها جاهزه أنا إشتغلت عليها بس تعالي قبل الصلاة ورحت وجيته قبل الصلاة وقالي خلاص بعد الصلاة تسلمها وجيت بعد الصلاة وقالي تراها جاهزه بس المشكله أنها في الوزارة القديمه أنا أعطيك الكروكي تروح بنفسك تسلمها يد بيد بس أنتظر شوي وجاء وقالي سامحني بس دقيت عليها وما سمحوا أنك تروحهم بكره نرسل مندوبنا يروح يجيبها يعني تعال بكره !

ورحت وقتها دقيت على الخطوط السعوديه وأجلت رحلتي وأقرب حجز يوم السبت الجاي فالله المستعان .


هذه قصتي

شباب انا الحين وجهي متعفط من كثر مانتظر الفيزا وش بسوي عند قرار الابنعاث لكن اتوقع المشكلة ان الوزارة اغلب موضفيها طالعين لمدن التدقيق وماحد بالرياض

ماقول الا الله يعينا بس

اخوي الحربي ليه ماتدخل على مكتب واحد كبير يعني الدكتور هذال او دكتور ثاني

بريتش كولومبيا

الله يعينك ويسهل امرك

والله منجد سالفتك محزنة ....

عالعموم الله يوفقك وان شاء الله بكرة تبشرنا باستلامك قرار الابتعاث

والله يوفقكم جميع