هنا تجمع بعثات الهيئة الملكية (صدرت النتائج + الرابط)

أخوي الحربي
بغيت اسأل عن الاوراق الي اعطوك تعبيها علشان تطلع قرار الابتعاث الاوراق الي اعطتك الوزاره
كم ورقه؟؟؟ وش فيها ؟؟؟
وش الفايده منها؟
تحياتي والله يوفنا وياك أخوي

السلام عليكم ورحمة الله وبركاته :

اخواني انا انسان احس اني توهههقت مرة

الحين انا جبت قبولي من جامعة استرالية (( قبول مبدئي او مشروط )) ,, ارسلته للاستاذ منصور على حسب كلامه لانه قال ارسلولي اياه ,,

طيب الحين شالسالفة ,, ماني قادر اجيب فيزا ولا قبول نهائي ولا شي وقاعد كذا ,,

هل في خطاب يعطوني الهيئة عشان اكمل اجراءاتي ولا اروح ادارة الابتعاث على طول اخذ خطابات السفارة والضمان المالي النهائي ولا وش السالفة

كلمت منصور وقال بنرسلك وعلى هالكلام ما تغير ما ارسل ولا شي ولي اسبوع ادق عليه ما يرد

والحين ارسلتله ايميل ولا رد وهذاني الحين بارسل الايميل الثاني

اتمنى اللي خلص من هالمرحلة اللي انا فيها يقولي وش سوا ووكيف كانت اجراءاته بالظبط

تحياتي ,,

وعليكم السلام ورحمة الله وبركاته

انت ارسلت لهم القبول المفروض انهم يرسلون لك تعريف بانك مقبول في الهيئة الملكية
ثم تاخذ هذا التعريف وتروح الى ادارة البعثات من اجل ان يعطوك خطاب الى السفارة من اجل استخراج التاشيرة ( الفيزا) .

واذا استخرجت التاشيرة تروح لادارة البعثات من اجل استخراج قرار الابتعاث وامر الاركاب .

وبعد كذا مع السلامة الى استراليا ..

أخوي The Great M ! انا نفس هرجتك ليا اسبوعين تقريبا وما في اي رد

اخواني روحو لادارة البعثات ...

وعطوهم الضمان المالي العادي الي عندكم من اول

او اشرحو لهم انكم تبون تستعجلون في خطاب السفارة

وبيعطونكم اياه على طول

بالتوفيق

السلام عليكم يا تماسيح....
جديدي مع قصة قرار ابتعاثي......
رحتلهم صبح اليوم (الثلاثاء) على أساس أنشبلهم و يعجلون ..... دخلت للمبنى قلت للموظف يناديلي سليمان البلوي (السكرتير)..... جاني و قلتله : داري انك قايلي يوم السبت لكن ظروفي ما تسمح أبدا اني أنتظر ليوم السبت...... قالي انشاء الله قبل الظهر بتوصل أوراق من الوزارة ....ارجعلنا قبل الظهر و يصير خير .....قلت إنشاءالله .... ورجعتلهم قبل الظهر على ما قال و قلت للموظف : بشر وصلت الأوراق من الوزارة ؟! قالي لا والله ....قلتله: سليمان قالي ان في أوراق بتجيكم من الوزارة ..... قالي اليوم ما فيه أوراق بتجي ... تعال بكره مثل ذا الوقت انشاءالله و نشوف .....قلتله يا ليت تسأل سليمان هو عنده العلم......قالي سليمان مستأذن الحين مو موجود ...... قلت خلاص أجيك بكرة قبل الظهر
الله يسهل....

شفت ردودك أبو حميد في ملتقى الجامعة ..... مستعمرين سانت جون يالغمد.... الله لا يضركم

وهذا من حظي طال عمرك اني أكون معك بنفس الجامعة

هلا و غلا أخوي A.A.S .....هذا الرابط بيفيدك انشاءالله http://www.mbt3th.us/vb/showthread.php?t=46576
لكن في نموذج جديد عطونياه ورقتين مدبسة تكتب فيها معلومات عنك ....الاسم , والتليفونات,و الايميل , و صندوق البريد و الرمز البريدي....
تحياتي....

والله انك صادق يابوعابد ....اذا ما استلمت القرار يوم السبت انشاءالله ..بتصير علوم

معليش يا شباب كثر هرجي اليوم.....

لكن حبيت أفضفض شوي......و الله إن بعض الهموم تخف وتزول اذا لقيت رجال أمثال فهيدان و msm و محمد العباد (mohammed2020) وكل الشباب اللي معي في الدفعة العجوز على قولة أبو عابد الذيب و الدفعة الثانية يواسوني و أحس انهم معي بكل خطوة أخطيها ..... فشكرا ألف شكر على طيب أصلكم
هذا اللي حبيته يوصلكم يا أشناب.....