هنا تجمع بعثات الهيئة الملكية (صدرت النتائج + الرابط)

الي قاهرني ليش ماأرسلوها قبل لأني مرسل القبولات من زمان؟!!

المشكلة إني الحين في الرياض وأنتظر القبول (قالي الأخ منصور القرني انتظر القول هذا الإسبوع).

الله يعين بس..

شوف اخوي نزار الدعوه مو تحطيم و لاهم يحزنون الهيئه الملكيه لا تقبل الا قبول مشروط لغه & معهد

ثاني شي امريكا تاخذ ع الاقل شهر في المشروط وبعدين ترسل للهيئه ويوافقوا عليه وتحجز موعد سفاره وبعدها المقابله والفيزا باذن الله وتطلع

رأي شخصي : لو انك تحول على كندا افضل لك والله وخذها من اخوك ماابغى لك الا كل خير والله
كلم الاخ القرني وغير الضمان لكندا وفي جامعتين حلوه هي البرتا و نيو برانزويك يعطوك قبول مشروط وفي اخوان جزاهم الله خير متعاونين لابعد حد انت قدم اونلاين وارسل اوراقك اسبوعين بالكثير والقبول جايك للجامعه وباذن الله راح تدعي لي ~~ هذا رايي الشخصي ~~ وقبل كل شي استخير ربك واستشير وربي يفتح لك ابواب رزقه يارب

اخوك

^
^

مع الأخ كاسر في جميع ما قاله ...

السلام عليكم
يا شباب احد يعرف كيف الغي هذي البعثة عندي ظروف ولازم تكون دراستي في جده
ضروري اللله يوفقكم
وشكرااااا......

اخواني الحمد لله وافقوا على قبولي وارسلوا لي خطاب اصدار قرار الابتعاث

طيب وش اللي اسوي بعده وربي اني متلخبط يعني اروح للوزاره واعطيهم هالورقه يعطوني خطاب للسفاره عشان الفيزا ولا وش الوضع
واللي يقدر يحط لي الخطوات او مكان الوزاره او اي شي وانا باخذ لفه من اول الموضوع انشالله احصل قبل لا تردون واتعبكم معي

فديتكم مشكورين

اخوكم

كاسر جده

تاخذ معاك صورة من الخطاب وصورة من جواز السفر وصورة من القبول وصورة من بطاقة الاحوال ( ماني متاكد ممكن ناقصة ان شاء الله يفيدونك الاخوان)
وراح يعطونك خطاب موجه للسفارة في نفس اليوم
ووزارة التعليم العالي في الرياض فرعان انت تروح للي في شارع العليا
تحياتي

يارب لك الحمد كما ينبغي لجلال وجهك وعظيم سلطانك

لقد وصلت المحروسة (الفيزا) بعد طول انتظااااااار
وان شاء الله السبت على الرياض

بس الغريب انهم رفضوا الشيك وردوه لي واخذوا مني ارامكس 565 رسوم الارسالية والشيك

تقبلوا تحياتي

هذا عنوان الوزاره فرع العليا
http://www.mohe.gov.sa/Arabic/Schola...s/default.aspx
والف مبروك اخوي ماتريكس وعقبال الجميع

اخوي كاسر جده خذ معك القبول وصورة الجواز وصورة الامر حق الهيئة الملكية واطلبهم خطاب سفارة ياخذ ساعه تقريبا وبعدين رح لمكتب الفيفا لخدمات السفارات يعبي لك ابليكشن الفيزا ويظبط وضعك واسبوع بعدها يجيك الفحص تسويه بعدها ثلاث اسابيع وتجيك الفيزا ان شاء الله تحياتي لك اذا تبي اي شي لا تتردد اسال وانا انصحك لا تتاخر يوم واحد ورح لمكتب الفيفا بسرعه

شباب الله لايهينكم أنا الان حصلت قبول جامعة+لغة في كندا وأبغى منكم الخطوات من الان الى الوصول الى كندا الله لا يهينكم