هنا تجمع بعثات الهيئة الملكية (صدرت النتائج + الرابط)

يا اخوية انت وهو انا ما اخذت فرصة غيري ولا شي انا من ابسط حقوقي زي ما هو من ابسط حقوقك انك تقدم على اكر من بعثة لانك اساسا ما تضمن قبولك في اي بعثة
وبعدين انا اساسا فاتني التقديم في بعثة الوزارة علشان كذا بقيت لي فرصتين اللي هي الخطوط والهيئة الملكية والحمد لله انقبلت في الهيئة الملكية والخطوط ما ادري عنهم قبلوني ولا
اعتقد انه هذا شي مرة عادي اني اقدم في اي برنامج انا اختاره انا ماباقدم على البعثات علشان اعطل غيري او اخذ مكان زي ما تعتقدوا وانما هي محاولات وارجو من الله انه يوفقني ويوفقكم للخير انشالله

للأخوان اللي معترضين على اللي قدمو على بعثتين ..

وش تبينا نسوي يعني نحتري لين تروح علينا الفرصة اكيد نبي نقدم بكل شي وان شالله وحدة تزبط موب معقولة يعني اقدم بس بوحدة وانا ماضمنت وانتم شايفين الزحمة اللي صارت على البعثات يعني حتى القبول المبدئي مايضمن لك شي غير كذ1 وقت التقديم للخطوط والهيئة كانت متقاربة

ولاتنسون ان كل شي بيد الله ومااحد محصل غير اللي كاتبه له ربي.

اسمح لي اخوي كلامك موب صح ...
أنا لما تخرجت من الثانوي و كان معدلي لك عليه , عرفت اني منيب وجه جامعة البترول ولا حتى فيصل عشان كذا اختصرت الموضوع و دخلت كلية التقنية, الي ابي اوصله اذا انت عارف اصلاً وش تبي أو على الأقل تقدر تحدد وين مكانك ممكن انك تساعد ناس وااااااجد غيرك ... يعني أنا اقول لك وش بيصير ... انت انقبلت في بعثتين و يمكن بعد كم جامعه .... يعني طيرت 3 أماكن على الأقل على غيرك... عشان بس تختار ؟ ياخي ليه ما يكون عندك هدف من الأول و تعرف وش تبي من البدايه !
تبي الصراحة , ترا هذي بجاحة انك تقول انقبلت في البعثتين ... لأنه أنا كان ممكن انقبل لو ما سويت الحركة هذي أنت و عشرين واحد معك , كل هذا صار عشانك ما تعرف وش تبي و الضحية أنا و الي مثلي !

زوم كلامك مو واقعي هوا قدم ولا يدري باي وحدة ينقبل وثاني شي اذا رفض الهيئةاكيد بيحطون مكانة واحد وانت معقولة ماقدمت الى على الوزارة فقط

لا للأسف لأني دبلوم و حاملين الدبلوم ... تعرف أصلاً عمال بلدية !!! أنا مشيوت من الوزارة و من الهيئة وين اروح يعني ؟!!!! انتحر ؟؟؟!!!! وش الحل برايك ... وظيفة مافيه وظيفة لنا زي الأوادم ... اما دوام 12 ساعة بـ 2500 ريال ولا كل تبن (معذرة على اللفظ) , الدنيا قدامك أنت لكن أنا اذا ما قدرت اسوي شي في المرحلة هذي ولا خلاص تروح علي ... لأنه مافيه ولا احد يبي ياخذ خريج من 4 أو 3 سنوات (أنا حالياً خريج صار لي سنتين) ... لكن تدري وشلون الشكوى لله حنا علومنا ظايعة ولا فيه أحد أو جهة بالديرة هذي تبي تسوي شي على هالموضوع لأن العالم جتهم بلادة .. يعني من "زندك ولا مت" ماحد يبي يفكر يقرا الجرايد و يشوف وش صاير فينا .... حتى لو قروها يبي يقولون "طززززززززززز بالعنة الي تلعنهم"
لاحول ولا قوة إلا بالله بس

زوووم الشكوى لله
بس اسمع انا كمان انقبلت في الثنتين
لكن لما بروح ماراح اروح للثنتين واللي انا اخذت مكانه على قولتك بيكون احتياط يعني لما يسقطوني من مكان راحي يجي الاحتياط ياخد مكاني وبكذا انا اخترت لنفسي الشي الي ابيه وانت اخذت حقك ويكون بعلمك محد ياخد رزق غيره يعني استهدي بالله ولاتيأس

اسمع هذي
يوم نزلت النتائج شيكت الا انا مو مقبول
امس بالليل جتني رساله القبول هذا معناته اني كنت بالاحتياط بعدين كلمتهم اني مقبول في الوزاره قالوا خلاص بنسقطك من عندنا يعني بيجي مكاني احتياط وياااارب تكون انت

ياشباب ألي خلص المقابلة يقولنا وش صار معه من الألف للياء
مع أحترامي للجميع

عزيزي
أبشرك المقابلات في كلية الجبيل الصناعية
والأولوية لطلاب (كلية الجبيل وينبع وطبعاً أمهم جامعة البترول والمعادن)

أخي sony اذا تمة مقابله بشرنا على الرابط :http://www.mbt3th.us/vb/showthread.php?t=35212