هنا تجمع بعثات الهيئة الملكية (صدرت النتائج + الرابط)

سويت مقابلتهم يوم السبت بكلية الجبيل


اول مادخلت كان فيه سرى وقفت فيه وقدمت اوراقي للتحقق من صحتها

بعدين اخذوا الاوراق وقالوا رح المسرح وكان فيه حوالي عشرين طالب ذا الكلام الصبح

المهم جمعونا في المسرح لين جو اللجنة الموقرة

وكانت فيه لجنة قدامنا تحقق بالاوراقة مرة ثانية وتتاكد ونادونا بالدور وكان فيه لجنتين

كل لجنة فيها ثلاثة المهم دخلت عليهم سألني واحد منهم بالانقليزي يعني يبون يشوفون

مستوى اللغة عندي وسألوني كذ1 كم سؤال مدري وش يبي من الحياة

المهم اني سألتهم قلت اني مقدم عالخطوط وذ1 خايف يسبب مشكلة

قال ماعليك وقعد يخرط علي اننا حنا نشيك معهم دايم ومن هالكلام

صراحة مدري هو رقّاني اثلة(صرفني مسكني خط لغير الناطقين بالنجدية)ولا صادق

اهم شي قال لي ان شالله انكم مقبولين انتظروا رسالة بالفترة القادمة (كالعادة )


وان صارت مشكلة فهي من الوزراة(من بدري بدري يصرفون خخخخ)


صراحة كان متعاون معي ويحاول يطمنني جزاه الله خير

اما بالنسبة هل هم يجبرونك تشتغل معهم ولا لا حسب سؤال الاخ اللي فوق

قالي ان حنا ودنا تشتغلون معنا بس مانلزمك يعني تشتغل مع ارامكو سابك اي شركة

مانقدر نقول لك شي ولانتعهدلك بوظيفة << هاذي كلمته لي

عاد طلعت من عندهم وانتظر الرسالة بفارغ الصبر طبعا اعطاني ورقة فيها الاشياء والأوراق

اللي يبونها في حال انقبلت وصراحة تخوف فيها اشياء مدري وش

الله يعين وادعوا لنا ياجماعة..

اخوكم :

هولاكو

طيب يا اخ هولاكو ايش رايك الان في هذي المشكلة ايش ممكن نسوي علشان لا تتلغي اسمائنا من الوزارة

^
^
^
والله ياخوي قال لي لاتشيل هم ولاجاوبني جواب واضح تقول سر القنبلة النووية

وانا قبل ماادخل ماكان براسي إلا هالسؤوال وعجزت القى جواب بس عموما انشالله خير

واتوقع اننا نقبل بالبرنامجين قبول نهائي صعبة شوي يعني اتوقع نقبل بالهيئة لأنها فرصة

اكبر بعدين الخطوط طالبة عدد اقل ولعبت فيها الواسطات تخيل اعرف اثنين من الشباب

مقدمين معي على الخطوط كل واحد مدبر واسطة اكبر من الثاني وانا وخشتي

ماهنا لاواسطة ولاهم يحزنون يعني الدعوة خرطي يالغالي

فلذلك اتوقع اننا اذا انقبلنا بنقبل ببرنامج واحد يعني لاتشيل هم من ذا الموضوع

شباب تطمنو والله انت الي تحشرهم بالمقابلة

ثنين فلة بس واحد علة

سالوني سوال مدري وش يبي يقول اذا سافرت انشالله وجتك وحدة امريكية شقراء وعيونها خضر توافق ولا ماتووافق

والله هذي اسيلتهم

هي القنبلة النووية بس كاني اسالهم متى قيام الساعة

بس تطمن مايصير الا الي كاتبه الكريم

^^
فيصل العصيمي ,, انت الي معنا في البترول ؟

ايوة اعطونا قائمة بالاوراق المطلوبة بعد القبول النهائي انشالله
بس يا شباب اللي راح منكم المقابلة ما عرفتوا متى انشالله راح يرسلو لنا الرسايل
لاني والله خلاص متقروش من موضوع البعثة وخايف في نفس الوقت من موضوع بعثة الخطوط ونفسي اكنسلها علشان ارتاح شوية
لو في اي احد ممكن يعطيني طريقة اقدر اكنسل بها بعثة الخطوط يقول لي

طبعا لازم الاوراق تروح للتعليم العالي بالرياض ويفرزوها ووووو......
و اللي عملوا معي المقابلة قالوا لي لا تستعجل يمكن النتايج تآخذ لهذا
شهرين
والله يعين وان شاء الله خير

وبالنسبة للاخ اللي فوق , يوم سألك وقالك " وجتك وحدة امريكية شقراء وعيونها خضر توافق ولا ماتووافق " وش كان جوابك ؟؟؟ لأن بصراحة يوم سألني هالسؤال ابتسمت في وجهه وما رديت بشيء لأني بصراحة هالسؤال ما كنت متوقعه وكان سؤال طياري سريع سريع يعني حتى اتوقع هو نفسه ما كان منتظر مني اي رد بصراحة هذا السؤال الوحيد اللي تخربط فيه