هنا تجمع بعثات الهيئة الملكية (صدرت النتائج + الرابط)

شباب انا سويت المقابلة الشخصية وسالتهم عن متى موعد النتائج للقبول النهائي
وقال لي الاخ اللي سوى لي المقابلة في لجنة 2 راح تجيك رسالة من اسبوع الى حوالي شهرين وسألته عن سبب التأخير قال لأنه بتروح حق الوزارة
وقبل اطلع من عندهم قال بالأنجليزي
dont worry its coming its coming its coming
ثلاث مرات مدري يتفلسف ولا يبي يطمني بالقبول النهائي

واي شي يستجد معي راح ابلغكم

ماجستير
لاني عندي استفسارات
تكفون اللي ماجستير يرد علينا

ملينا الانتظار

بصراحة ما عندي اي فكرة عن هذا الموضوع لكن اللي اعرفه انهم مشاركين في هالبرنامج .

وهذا اللي كان مكتوب في موقعهم

ونظراً لخبرة الهيئة الملكية للجبيل وينبع في مجالات الطاقة والغاز والبتروكيماويات والخدمات المساندة وحرصاًٍ من وزارة التعليم العالي على ربط البعثات بحاجات سوق العمل في المملكة, فقد تقرر أن يكون مسار الإبتعاث في الطاقة والغاز والبتروكيماويات والخدمات المساندة تحت إشراف الهيئة الملكية للجبيل وينبع وبمشاركة الشركة السعودية للصناعات الأساسية (سابك) وشركة أرامكو السعودية.
ويعني ذلك أن الهيئة الملكية للجبيل وينبع ستقوم بكافة إجراءات قبول المتقدمين للبعثات وترشيحهم ثم إعلان النتائج بعد موافقة وزارة التعليم العالي عليها.

واذا تبقى تستزيد http://www.jic.edu.sa/kaprog/intro.html بصراحة تعبت حتى حصلت على هالوصلة خصوصا انهم حذفوها من موقعهم

وتحصل عندك على اليمين الطاقة والغاز و الشركات ذات العلاقة

الشركات ذات العلاقة يقصدون فيها سابك وارامكو ادخل عليها وراح تحصل تعريف عنهم


وعندي لك سؤال :-

انت مقدم على بكالوريوس والا دراسات عليا
واذا بكالوريوس وش التخصص اللي انقبلت فيه مبدئيا

بالنسبة لي انا بكالوريوس والتخصص مبدئيا هندسة بترول




يعني حتى الحين المقابلات شغالة والا تقصد انك مسويها من زمااان
اذا حتى الحين المقابلات شغالة فالله يعــــــــيـــــــــن على النتايج





.

لا ياخوي ابو بدرين المقابلة كانت قبل تقريبا اسبوعين

وهونها وتهون ان شاء الله

بس مافية احد ماجستير نبي نستفسر منه


الانتظار موت بطئ

يعطيك العافية أبو بدرين تعبناك معنا..

أما بالنسبة لي :
انا مقدم على بكالوريوس هندسة كهربائية ومقبول فيه مبدئيا والدولة أمريكا.

والحين انا ادرس بجامعة الهم جامعة البترول وبعد إختبار أمس أدعي بيديني الثنتين

إنها تجي البعثة وأفتك من هالغثا.

ياشباب
اللي مقدمين في بعثات الخطوط منكم راجعوا طلباتكم في موقع الخطوط
اتغيرت حالة الطلب من (( تحديد المقابلة الشخصية )) الى (( سيتم اعلان النتائج قريبا وسوف نقوم باعلامك وشكرا ))
قولوا لي ايش الحل اذا ابغى اكنسلها وابغى اطلع في بعثة الهيئة الملكية ايش اسوي

^
^
^
يارجل ياليتها وقفت على الاسئلة بس المشكلة السماعات على بعد مسافات
ضوئية من الصفوف الخلفية وربي ماتسمع شي باللسننق والسبيكنق خلها على ربك ب
بس..




فعلا قبل شوي شيكت على حالة الطلب لقيتها متغيرة

بس ممكن تقول لي اخوي ليش تفضل الهيئة الملكية ..

يا اخي بصراحة بعد موضوع الفضايح اللي طلعت عنهم والمشاكل اللي كل يوم نسمع عنها في الخطوط صراحة الخاطر عافها وفي نفس الوقت اني ما اضمن اني انقبل فيها فافضل لي اني اكنسلها علشان لاصير تعارض في اسمي عند الوزارة
وفي حاجة كمان حتى لو اني طلعت في بعثتهم ما راح يتعهدوا لي بوظيفة عندهم وحتى لو اتعهدوا لي بوظيفة عندهم راح تكون الرواتب زي الزفت لانه الخطوط خلاص بدات تدخل مجال الخصخصة وبدات شركات كثير يتقاسموها
لكن الهيئة الملكية اول شي اعطونا امل انه انشالله قبولنا نهائي وفي نفس الوقت صح انهم مايتعهدوا لنا بوظيفة بس راح يكون لك افضلية واولوية في انك تتوظف عندهم او عند ارامكو او سابك
ويا اخي الكل عارف انه الهيئة الملكية تحتها الكثير من الشركات والمصانع اللي لها مستقبل انشالله هنا في السعودية
لكن الخطوط زي ماقلت بدات تدخل عالم الخصخصة وبدات تفلس وكلها كم سنه وراح ينتهي شي اسمه الخطوط السعودية

تراء القبول النهائي في الهيئة الملكية أصعب يا smile for me