هنا تجمع بعثات الهيئة الملكية (صدرت النتائج + الرابط)

لاحول ولاقوة إلا بالله

الحين مدامهم ناوين يتأخرون بإعلان النتايج ليش يقولون لنا بالمقابلة

النتائج قريبة جداً ولا من زود الثقة يقول هالأسبوع او الاسبوع الجاي بالكثير

المشكلة قالوا هالكلام لكذ1 شخص


وآخرتها نكمل حوالي شهر ونص إلى الآن والله أعلم كم باقي

و لا أخبار تاصلنا ولا ارقام ولا ايميلات نتواصل معهم عن طريقها

إذ1 هذي أولها بس بإعلان أسماء مسوين هالزحمة ذي كلها اجل وشلون

بالإجراءات الثانية على كذ1 ماحنا طالعين ولا السنة الجاية استبشرنا خير بالبداية

قلنا مدامها من الهيئة ان شالله بتكون الاجرائات سريعة ولاهي مثل بعثات الوزارة

لكن الظاهر اي شي تدخل به الوزارة ينحاس على الأقل الوزارة عندها آلاف مؤلفة

اما بعثة مسار ماتاصل ولا150 طالب يعني مالهم عذر بها المماطلة

والله هاللي يسير يخليني اعيد التفكير ألف مرة قبل ماألتحق نهائيا بالبعثة بعد ماكنت جازم

اخاف يسير لنا زي حقين الخطوط العام .

بعدين كلنا دارين إن الاسماء قاضية وفيه مشكلة معطلتها طيب على الأقل ياوزراتنا الغالية

عطينا الأسماء عشان كل واحد يشوف وضعه اللي طلع له قبول يجهّز الأوراق المطلوبة منه

وياخذ موعد من السفارة خصوصاً طلاب امريكا واللي ماانقبل يشوف رزقه بمكان ثاني

اما مخلينا كذ1 معلقين لا طلعت لنا بعثة عشان نرتاح ولا رفضوها وخلونا نروح نطلب رزقنا بمكان ثاني

موب وضع ذ1 .

داري ان مشاركتي مااضافت شي للموضوع بس عاد تحمّلوني ملّيت وانا اشيّك عالمنتدى كل يوم

وما القى أي اخبار ,,


أخوكم ،،
هولاكـو..

عزيزي om4
الكلية التقنية برنامج البكالوريوس 5 فصول دراسية اولها دورة مكثفة لغة انجليزية غير محسوبة في المعدل واذا عديت 70% تكمل 4 فصول دراسية ولا تنسى للطلاب الجدد زادو ترم اضافي
قالك تدريب تهاوني
وفي الاخير ما أحد يعبر شهادتك لا ويفضلون خريجين الجامعات عليك مع انك دارس خمس سنوات ونص واكبر دليل الكلية الامنية
تقنية ملازم فني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
جامعي ملازم مهندس
يعني ابسط حقوقك تهضم
وبعدين مين يضمن لك البعثة بعد ثلاث سنوات حبيبي الحق عمرك واذا تبي تتعب اتعب على شي يستاهل روح وخش الدورة المكثفة ألين تجيك البعثة واطلع وتكون ما خسرت شي بالعكس اجتهد واستفد حبتين انجلش واذا ماجتك البعثة قدر الله وما شاء فعل وكمل تقنية وبكذا تكون ما فوت فرصتك بالتقنية
واسئل مجرب ولا تسئل ...........
تحياتي

eng saeed
يعطيك العافية والله انك حفزتني والله ييسرها ان شاء الله

هولاكو
مثل ما صبرنا الشهرين نصبر غيرها
وعلى العموم انا طالع الرياض الاسبوع الجاي
وعلى الرغم من اني ما اعرف الرياض ولكن
باحاول اروح الوزارة ونشوف وش عندهم
يمكن احد الموظفين عنده اي معلومة او خبر
بشأن النتائج

موفقين
أخوكم عمر

بغيت أسئلكم يالربع

بعد تقديمنا على الموقع بالنت

هل صار بعدها مقابله شخصيه ؟؟؟؟

والا باقي لسى ؟؟؟ <<<<<< انلحس مخه

الظاهر اني سويت مقابلة شخصية في الجبيل من زماااااااااااااااااااااااااااااااااااااااااااااااا ااااااااان
ما ادري حلم ولا علم
والله صدق الواحد يفلسع مخه

راح الكثير وبقي القليل
انشاء الله ان تكون النتايج قريب



ولكن عندي سؤال كم انتظر طلاب الدفعة الثالثة حتى طلعت الاسماء النهائية؟

الشباب اللي اعرفهم قدموا في شعبان وطلعت اسمائهم في ذو القعده واحد راح يطلع الاسبوع هذا وصاحبنا الثاني رحلته في مارس يعني انلطعو ابو5 او 6 شهور لكن احنا غير لان الوزارة تاخرت
في المرحله الثالثة عشانهم كانو بالالاف
اما احنا كلنا 300 وان شاءالله النتائج قريبه

شباب انا شفت لهم مبنى على طريق الملك خالد

وتوه اساسات

يمكنهم يبغو يخلصوا المبنى وبعده يرسلون لننا عشان مانسافر من جديد

يبغوا يريحونا

هههههههههههههه

السلام عليكم ورحة الله وبركاته..

الله يوفق الجميع إن شاء الله بالبعثة.
أنا بالنسبة لي دق على الموظف اليوم وقالي تم قبولك مبدئياً.. وأنا بصراحة ناسي البعثة.. لأني قدمت ولا توقعت إن أنقبل
والله يوفقني إن شاء الله وأخذ القبول النهائي ولكم جميعاً..

وأتمنى وضع آخر الأخبار والروابط حتى نستفيد جميعاً..

عندي إستفسار هل يوجد أحد تم قبوله نهائياً في بعثة الهيئة؟