هنا تجمع بعثات الهيئة الملكية (صدرت النتائج + الرابط)

مشكور اخوي الحربي ما قصرت بس ابي منك بعض المعلومات مثلا ..

كم اخذ منك الرجال ... مقابل القبول ...
ويجيب لك قبول في اي جامعة بكندا ولا بجامعة معينه ....
وبالنسبة للغة .. ماراح تدرس لغة ولا كيف ؟؟

السلام عليكم ورحمة الله وبركاتة

اذا كان لايوجد تخصص ادارة صناعية في كندا فهل من الممكن تغيير البلد؟

وبالنسبة للقبول اجيب اي قبول؟

وسؤال مهم لو سمحتوا يا اخواني كيف ارسل اوراقي بالايميل ممكن الى الهيئة
والشهادة الجامعية مترجمة جاهزه بس مدري محتاجة تصديق ولا لا مع انها مختومة بختم الكلية.

جزاكم الله خير

انا ارسلت أوراقي إلى الهيئة عن طريق أراميكس وراح توصل بكره ان شاء الله

السلام عليكم جميعاً يا اخوان
انا قدمت على بعثة الخطوط السعودية وبعثة مسار الطاقة والغاز وانقبلت قبول نهائي في الاثنين بالنسبة للخطوط السعودية قدمت اوراقي كاملة والان انا منتظر اللجنة تجيب قبول اللغة والجامعة من كندا تخصص هندسة ميكانيكية اما بعثة مسار الطاقة والغاز فهم ايضا قبلوني قبول نهائي بس ما ارسلتلهم ولا شيء وانا عارف اني لازم الغي وحدة من البعثتين بس محتار الغي اي وحدة وابغى اسئلكم اي وحدة افضل مع العلم انو رغبتي تخصص هندسة كيميائية والان انا ماني عارف ايش اسوي ومحتار مرة اتمنى منكم ان تتفاعلوا وتتعاطفوا معايا وتساعدوني لإتخاذ قرار مناسب

أخوي فهيدان...
- أخذ مني الرجال 400 دولار كندي ( 1535 ريال )
- أنا ما حددتله الجامعة وجابلي من جامعة نيوبرنسويك . وهي جامعة ممتازة ومعترف فيها من الوزارة
- و بالنسبة للغة ما جبت قبول من معهد اللغة.....و كلمت كلية الجبيل على ذا الموضوع...قالولي إذا كانت الجامعة معترف فيها فإنها تعطيك سنة تحضيرية وما يحتاج تجيب قبول من معهد لغة..
و أحسن تستفسر عن ذا الموضوع بنفسك.. وشكرا...

مشكور يا حربي عالرد ... الله يجزاك الف خير

بس ما قلت لي هو جاب لك قبول بدون ضمان مالي ولا انا غلطان؟؟؟

و كم اخذ وقت علشان يوصلك القبول؟

جزاك الله الف خير

من دون ما أقطع رزق الأخ مراد لكن فيه مكتب الرحلات الذهبية للخدمات التعليمية - شارع الضباب ، الرياض


مكتب ممتاز و تعاملت معه

فاقد ...

انا طلعت استراليا في الصيف وتعرفت على سعوديين اكثرهم او ممكن كلهم طلعو عن طريق الرحلات الذهبية ولاحد يمدحه .. لانه يشفط الفلوس ياليته بفائدة بل بتأخير وتهاون لدرجة انهم كلهم طلعو الفيزا الاسترالية في 3 شهور واحدهم مسكين طلعها في 6 شهور لانه كان يبيها دراسية ....
وانا وولد خالي طلعناها في 13يوم عن طريق ارامكس

------------------------------

بالنسبة للدفعة الثانية توني متصل عليهم ...
يقولي للاسف ما وصلت الاوراق والمدة تعتمد على التعليم العالي ....
علشان كذا الي فاضي في الرياض .. الله لايهينه يروح يسألهم يستبثر عليهم
يمكن يحسون ان فيه ناس تنتظر والله يوفق الجميع

اخوي الحساس
انا وضعي كان نفس وضعك تماما بس انا الحمد لله خلاص اكتفيت ببعثة الخطوط وحمدت الله عزوجل على البعثة وهي خيرة من الله ..
انت المفروض عليك تقرر من الان والسبب انه اذا قعدت كذا الشي هذا ممكن يلغي لك البعثتين
وانا امس يوم السبت رحت كلية الجبيل الصناعية وقابلت واحد مسؤول هناك اعتقد اسمه منصور القرني وشرحت له وضعي وقال لي لازم تكنسل وحدة من البعثتين والا راح تتلغي البعثتين في التعليم العالي...
وطلبت منه يلغي لي بعثة الهيئة المكلية وخلاني اكتب له خطاب اقرار اني موافق على الغاء بعثتي عندهم وقال لي انه راح يلغي اسمي من القائمة وبكذا الحمد لله انا ارتحت لانه الشي هذا كان ممكن يسبب لي مشكلة في التعليم العالي
فالموضوع كله في النهاية بيدك انت اذا انت تفضل بعثة الهيئة يصير لازم تكنسل بعثة الخطوط او العكس
وعلى فكرة انا كمان سالته قلت له ايش تفرق بعثات الهيئة عن بعثات الخطوط عن بعثات الملك قال لي كلها وحدة بس اختلاف اسماء فقط
وانا اضيف اختلاف كمان انه فيها اختلاف في التخصصات
والله يختار لك ويختار لنا اللي فيه الخير

أخوي فهيدان...
- جبت القبول قبل لا يوصلي الضمان المالي...
- وأخذ القبول حوالي 3 أسابيع.. تحــــياتــــي....