هنا تجمع بعثات الهيئة الملكية (صدرت النتائج + الرابط)

ليش مافيه إلا أنت. والعالم الي كل شوي تسأل عن الدفعة الثانية هذي وين راحت

لكن السالفة إننا جانا إحباط من الإنتظار.
اهم شيء لو صار وما قبل أحد لا سمح الله يكون مستعد نفسياً ولا يتحطم.

أتصلت في منصورالقرني وقال لسة ما جات الاسماء من وزارة التعليم العالي وقلنا لكم ياأخواننا في الرياض واحد جزاه الله ألف خير ويتبرع ويروح يسأل في الوزارة عن الدفعة الثانية على الاقل يحسون ان فيه ناس مهتمين خصوصا موعد الدراسة والالتحاق في الجامعات في الخارج قرب أخاف لانطول هنا ولانطول هناك وشكرا

يا الله يا كريم عجل بالفرج








دفعه ثانيه

هاه ما أحد عنده خبر من هنا و إلا من هناك ؟

نفس الحالة بالنسبة لي

دقيت على منصور القرني

قال لي باقي نتائج الدفعة الثانية ما جاءت من الوزارة قلت طيب ممكن تعلمني وين اقدر استفسر فيه او اراجع علشان اشوف الوضع اشلون

قال لي لا ما يحتاج ... روقو... وان شاء الله في الطريق جاية والقبول مضمون باذن الله

يا اخوان للاسف انا اليوم رحت وزارة التعليم العالي ادارة البعثات في الرياض ...

وليتني ما رحت

خذيت رقم وانتظرت لين ما جاء دوري . .. قلت للموظف لو سمحت ... انا مقدم على بعثة الهيئة الملكية لي اكثر من شهرين بعد المقابلة الشخصية .... والى الحين ما صار شي ودي استفسر بس
قالي ياخوي طيب وش جابك هنا رح للهيئة
قلت له اني انا كلمتهم وقالو لي ان الاوراق في التعليم العالي
عصب وقالي لا ياخي كلام مو صحيح حنا نعطيهم الامر وهم يسوون كل شي الين ما يصدر لك فيزا وتجي عندنا وقتها
قلت انا طيب وش لون ما فيه مسوؤل هنا اقدر اسأله حنا حوالي 150 طالب معلقين
قالي ياخوي والله ما في شيء عندنا كل شيء عند الهيئة حنا تجينا بعد ما تصدر لك الفيزا ان شاء الله
----

مادري يا شباب وش رايكم .... مع العلم اني يوم كلمت الهيئة الملكية قلت لهم يعني اراجع التعليم العالي
قالي لالا لاتراجع احد انت انتظر بس>> قالها بسرعه زي الي بيقفل في وجهي

انا خايف انه الحين عندهم 150 مقعد ... بيخلونها لين ما نتبخر ويحطون عيالهم فيها ... لانهم يبون يشتتونا ...

لكن نبي تضامن هنـــــــــا يـــا شــبــاب تــكــفــون

'
'
'
أخوي فهيدان الهيئة هم الي يصدرون الفيزا؟
طيب ليش ماصار كذا للدفعة الأولى؟

والله مشكلة مالنا إلا الصبر وإننا نضغط عليهم حتى يسهلون الأمور.

اخوي
m4design
الهيئة ما لهم علاقة باصدار الفيزا هو قصده انك يجيك قبول وتراجع سفارة الدولة المبتعث لها وتطلع الفيزا وقتها تجيهم

والله حالة.
عليهم نظام مثل أشكالهم بس قالوا لنا مقبولين وسحبوا علينا لا توجيه ولاحاجة.

الآن لازم نكلم الهيئة ونستفسر عن هالأمر بالضبط,

لا حول ولا قوة إلا بالله.

السلام عليكم ورحمه الله وبركاته

كيف الحال شباب تمام انشالله مبسوطين مثلنا اخوان الدفعه الثانيه


والله شباب قلتلكم الصبر والصبر والصبر والدعاء لا تنسون كلكم ما قصرتوا من اللي يحط رد واللي راح واللي تعنى الى الجبيل وراح واللي راح الوزارة اقسم بالله مثلكم صابر ومحتسب بس خلوها على الله


شباب هدوا اعصابكم انا احس انو ما راح يطلعوها حتى يجيبوا قبول للدفعه الاولى لانهم بصراحه خايفين اول مره يسووا شي زي كذا اول دفعه يعني

هدوا اعصابكم ولا تخافوا اذا كان لكم ولنا رزق بناخذه غصب عن اللي مايرضى حتى لو الامور تصعبت

والحين ارتاحوا وخليكم مثلي اذا خفت ولا شي شيكت على موقع الهيئة وموقع جريده الوطن والايميل اذا صار شي اعرف انها اول شي تطلع الخبر


والحين بعد ما هديتوا الاعصاب وروقتوا ابسال عن ترجمه السيرة والسلوك


اخوكم كاسر جده