استفسار مرافقة المبتعث واحقيتها للدراسة

السلام عليكم ورحمة الله
اخي الكريم من حق زوجتك اكمال الدراسة كمرافقة ولكن المطلوب منك الان عند التقديم على الفيزا
تعبي لها ابلكيشن طالب وليس مرافق F1
وعند مراسلة المعهد احرص على احضار قبول و I20 مستقل لك ولها لتبدأو الدراسة
على حد علمي الملحقية مباشرة سوف يعطونك ضمان مالي للمعهد لك ولها
ومن ثم امن لها قبول جامعي وتدرس بعد انهاء اللغة بشرط ان تكونو في نفس الولاية
اتمنى ان تستمر في انتظار اجابات الاخوة لانني افدتك بما لدي من معلومات
بالنسبة لجهة عملها ما لهم اي علاقة رح تدرس على حساب التعليم العالي
بالتوفيق ان شاء الله
لا تنسانا من خالص دعائك

نعم يحق لها الدراسة , ومرجعها ليس له علاقة .

اما اذا كانت تريد ان تستفيد من شهادتها في عملها فعليها بعد احضار القبول ان تغير من اجازة مرافق الى اجازة دراسية طبعا اذا وافق مرجعها .

الاجازة الدراسية افضل لها لانها تحسب لها في الخدمة و تستفيد من العلاوات السنوية و تشوف اذا هي تابعه لوزارة التعليم

تختار من التخصصات المرغوبة لدي الوزارة عشان ما يكون عندهم حجة للرفض ....

الافضل انها تستفيد من دراستها بموافقة مرجعها .....

الأفضل إنها تحصل على إجازة دراسية وهنا لازم موافقة جهة عملها ,, وإذا كان صعب طبعا تعرفون الحساد وش كثرهم فالله يعينها تقدم على إجازة مرافق وتدرس وطبعاً تدرس على حساب وزارة التعليم العالي .
بس لازم تحضر لها قبول من معهد وإذا وصلت بلد الإبتعاث إن شاء الله تراسل الملحقيه ويرسلوا لك الضمان المالي الخاص بها .

بيض الله وجيهكم جميع ما قصرتوا الله يعطيكم العافية بس مديرتها حسبي الله عليها رافضها مسألة دراستها لدرجة انها لما سمعت انها راح تطلع لامريكا جن جنونها وتبي تسوي اي شي يضرها بداية تقول ما فيه اجازة مرافق تبي تفصل واواعدها اني راح ارجعها على الوظيفة مرة ثانية ( الوظيفة على كيفها طبعا ) ثانيا وهي تستهبل تقول وش النظام ذا اللي تروح الواحدة وتترك وظيفتها ثلاث سنوات قلت لها هذا قرار وزاري وقرار ملكي كيف توقفين انت المساله ذي تقول ( مو على كيفهم) ولمن جبتها بطريقتي الخاصة قالت خلاص بس تروح باجازة بدون راتب ( طبعا تدفع الرا*تب من جيبها مسكينه خسرناها ) المهم انا الحين عبيت الابلكيشن حق السفارة والابلكيشن حق زوجتي f2 ومن رد بعض الاخوان يقول سوي لها فيزة f1 لذلك السؤال الحين اقدر اعدل نوع الفيزة ثانيا اذا وصلت لامريكا وجبت لها قبول هناك اقدر اغير فيزتها من هناك الى f1 ولا لازم ارجع للسعودية ونغير الفيزة والله متحمسين انا وزوجتي للدراسة اسال الله ان ييسر لي ولكم كل خير دوشتكم معي

توي انتبهت انك كاتب مديرتها اللي رافضه

مديرتها مالها شغل اصلا توافق ولا ترفض و عجيب انو التخصص مو بحاجته

مو هي اللي تقرر اصلا هي توقع ورقة الاستغناء عن المعلمة وبسس ..

تروح ادارة التدريب التربوي و الابتعاث هم يعطونها الاوراق و تخلص معاملتها من عندهم ..
الاجازة الدراسية تفيدها لا تفرط فيها صحي انها بدون راتب لكن تحسب لها سنوات الخدمة ..

بالنسبة للفيزا ان شاء الله يفيدونك اهل الخبره وربي ييسر اموركم و يوفقكم .

الله يبيض وجهك يا اخ نايف لكن هي ممرضه ما لها دخل في القطاع التعليمي اسف ان ما وضحت النقطة ذي من قبل

حسبي الله على الحسد ايش ذااا التسلط

طيب بموجب قرار ابتعاثك اعتقد يحق لها تاخذ اجازة دراسة ترفق معها قرار ابتعاثك انت ...

والله يا اختي القهر كمان انها مو سعودية والشي اللي يفقع المرارة ان فيه مدراء اكبر منها وللاسف يتنصلون من مسؤلياتهم لدرجة ان واحد منهم يقول احمد ربك انها وافقت لك يعني قسم بالله كاننا ما نعرف عن انظمة بلدنا كأننا ما نعرف نقرأ ونكتب حسبي الله ونعم الوكيل عليهم مع ان كل المبررات موجودة لكن !!