استفسار هل يستحق الموظف المبتعث اجازة قبل السفر ؟

أول مره اسمع هالكلام
بسأل بكرة وأتأكد
و أتمنى أتمنى أتمنى يطلع صح

يارب يكون الكلام صحيح .
وإذا كان صحيح هل هذا خاص بموظفي التعليم فقط , أو بموظفي التعليم والخدمة المدنية ؟

الله يبشرك بالخير يا وجوده
لكن تاكدو لنا من سالفة الراتبين
وابي بس تعطوني رقم اتواصل من خلاله مع القسم المسؤول في وزارة التربية والتعليم اللي توصل عندهم المعامله علشان اتابعها دراستي قرررربت

مافيه راتبين سألت الرواتب و البدلات اليوم قالوا لي مافيه هالكلام
انت قصدك من عملنا ولا من الملحقية اذا رحنا ؟

الموظف يعطى 7 ايام انتداب قبل موعد الدراسة ويصرف له بدل انتداب عن الايام السبعة

سأالت اليوم بعد عن الراتبين
وقالوا لي بس للي يدرسون برى منطقتهم
مثلا هي بجدة وجاها تفرغ تدرس بالرياض
بس

لكن ابتعاث خارجي لا

من جد غريب حال وزارتنا كان الاولى اذا في راتبين للمبتعثين او بدل يكون للمبتعثين في الخارج هم احوج لها

اليوم كلمت مسؤولة الابتعاث بمنطقتنا وتأكدت من سالفة الراتبين
قالت لي مو راتبين هم ثلاث رواتب والى اخر مبتعثة راحت قبلك استلمتها وناخذها من شؤون الموظفين
بس كمان قالت لي النظام عند شؤون الموظفين صارت فيه تغيرات كثيره السنة هذي بعد الدمج فما ادري اذا لسه ماشي او لا
وبالنسبة للدرجة الاولى كمان اكدت لي هذا الكلام
اخر شي علقت انه يتبع لاهواء المدراء اذا اراد اعطاك او خلاك درجة سياحيه وكمان الثلاث رواتب

وحده من زميلاتي بالرياض اخذت امر اركاب درجه اولى وراحت لمكتب الطيار وحجزت سياحي واخذت الفرق طبعا مع احتفاظ المكتب ب 27٪ من المبلغ الاجمالي
وزميلتي الثانية من الشرقية بنفس الوضع رفضوا اعطائها درجة اولى وقالوا مالك الا سياحي تبينها !!!!!!

شكل الدعوه مزاج و مازال مسلسل فيتامين واو مستمرا حتى بعد قرار اللجنة
وانا مبسوطة اقول لنفسي هانت !!!
ولكن ماتوفيقي الا بالله العلي العظيم والله لايحيجني لهم يارب

حبيت ازيد معلومه زميلتي اللي بالرياض اخذت الفرق مبلغ حلو ماشاء الله عليها الله يطرح لها فيهم البركه والرزق يارب بس طبعا مسافره لاستراليا ( اطول رحلة طيران بالعالم )عشان كذا الفرق كبير
واتوقع امريكا كمان يطلع لهم فرق حلو بما انها كمان من اطول الرحلات بالعالم
اما بريطانيا ماتوقع الفرق كبير والله اعلم

هل بالامكان ان تطلبي من مسؤولة التدريب والابتعاث ان تزودك بصورة من التعميم او الخطاب الذي يضمن لنا حقنا في الثلاث رواتب لانه سيكون حجة قويه لدينا خصوصاً مع نقص فيتامين واو

بجد اللي يعرف معلومه دقيقه يعلمنا

لأني ناوي اخذ لي اجازه من رصيدي لمدة شهرين لأنني أأجلت القبول من مارش الى مايو