الموظفين الحكوميين يفرقون عن الطلبه العاديين؟؟؟

وياليت يا إخوان يا غالين الي غير متأكد لا يجاوب عشان مايضيع السائل .

تمام ..
ولكن كيف تقنع الملحقية بأن ابتعاثك سيكون من جهة عملك
فجهة العمل تلزم الموظف بالقبول الجامعي قبل أن تعتمد ابتعاثه
ربما تختلف الانظمة والاجراءات من جهة لى أخرى
عموماً .. الله يسهل اجراءات الابتعاث للجميع

للمرة المليووووووووون اللي ماعنده علم لا يفتي من عنده
طلبتكم تكفوووووووون خلاص

يا أخوي يا غالي يا عزيزي
كل الجهات الحكومية نفس الاجراءات لأنها كلها تخضع لنظام الخدمة المدنية.
الملحقية اذا كانت الجامعة معترف بها بتصدق قبولك ومالها دخل من اللي بيبتعثك ( الوزارة - شركة - على حسابك )
الملحقية بتصدق القبول حتى لو كانت الجامعة موقفة للتكدس طالما انها معترف بها وبس.
بعد كذا :
اذا كنت على برنامج الملك عبدالله للابتعاث ما راح يصدر لك ضمان مالي من وزارة التعليم العالي اذا كانت الجامعة متكدسه.
اذا كنت مبتعث من جهة عملك مافيه مشكلة لأن بيصدر لك ضمان مالي عن طريق جهة عملك.
الضمان المالي مايصدر من الملحقية ( ركز معي )

وضحت الصورة ؟؟،

السلام عليكم
كلام أخونا (ترانسلاتر) على متمه وصحيح.
الإجراء كالتالي:
1- تجيب قبول من جامعه موصى بها .
2- ترسل القبول بالإيميل للملحقية وتوضح لهم في الإيميل إنك مبتعث من جهة كذا.
3- يعيدون القبول مصدق وموقع بعد يوم أو يومين بالكثير إن شاء الله .
والموظفين ماينطبق عليهم شرط عدم التكدس .
لأني أنا جامعتي موقفة للتكدس وصدقوا لي القبول خلال ساعه فقط.
واللي ماعنده معلومة صحيحة لا يضيع الناس
والله يوفقنا وإياكم

يا اخوان انا اتكلم عن وزارة التربية والتعليم لأن شروطها تفوق شروط الخدمة المدنية
الضمان المالي لموظفي وزارة التربية والتعليم يصدر من التعليم العالي والراتب كله والمخصصات الماليه تنقل الى ملاك التعليم العالي هالشي انا جدا متأكدة منه
ووزارة التعليم العالي لن تصدر لك ضمان مالي والجامعة متكدسة

(( وزارة التربية والتعليم من اشد الوزارات تعقيد وشروط ))
كفاية التوفل المطلوب ٤٥٠ درجة بينما الخدمة المدنية تكتفي بـ ٣٥٠ درجة

ويا اخوي Translator X انا ماكتبت كلامي الا متأكده منه ١٠٠٪ وتأكد اني احارب التمويه والتضييع واللخبطه على الاعضاء
و ردي على الاخت لأجل افيدها ومايضيع تعبها ولاحظ اني خصصت كلامي بوزارة التربية والتعليم ( والله اعلم عن باقي الوزارات )

بعض الوزارات تضع شروط ادق من شروط الخدمة المدنية وهذا الحاصل مع وزارة التربية والتعليم

مرة أخرى بقول يا أختي الغالية العزيزة
كل الوظائف المدنية نفس الإجراءات
الضمان المالي لكل الموظفين يصدر من وزارة التعليم العالي وليس موظفي التربية والتعليم فقط .
لأن وزارة التعليم العالي هي المخولة بالإشراف ومتابعة جميع المبتعثين من موظفين وغيرهم.
كل الموظفين المبتعثين من كل الوزارات يتم نقل المخصصات المالية من جهات عملهم إلى التعليم العالي .

كلامك فيه تناقض اخوي ترانزليتر ؟
.
(((اذا كنت مبتعث من جهة عملك مافيه مشكلة لأن بيصدر لك ضمان مالي عن طريق جهة عملك.)))


((( الضمان المالي لكل الموظفين يصدر من وزارة التعليم العالي وليس موظفي التربية والتعليم فقط )))

عشان انهي الحوار بس ولأن صار فيه اختلاف (( اسألي ادارة الابتعاث في وزارتك وراح يفيدونك اكيد ))
ماتلاحظ اخوي ترانزليتر اننا شيل وحط واللي سألت نست سؤالها ؟ هههههههههههه

قصدي يا أستاذتي الفاضلة
إن جهة عملك هي المتكفلة بالدراسة ( عشان كذا قلت الضمان المالي من جهة عملك )
الموظف مايبتعث على حساب برنامج الملك عبدالله لكن على حساب وزارته لذلك لا تتدخل التعليم العالي في تكدس الجامعة.

لكن كإجراء إداري ونظامي يتم تحويل المبالغ المالية الخاصة بالموظف المبتعث لوزارة التعليم العالي
لكي تقوم هي بإصدار الضمان المالي كونها الجهة الحكومية المعنية بالتعليم العالي داخل المملكة وخارجها

يعني اللي متكفل هي جهة عملك
اللي بيطبع ورقة الضمان هي التعليم العالي فقط يطبعون الضمان ولا يتدخلون في أي ىشي ثاني بالنسبة للموظف المبتعث.

وعلى قولتك يا أنفاس الرياض
أختنا سألت وراحت
شكلها تتفرج علينا

بالتوفيق للجميع