موظف وناوي على إجازة دراسية انتبه!!!

ياخوي والله انبلشنا موظفين درسو والتحقو وغيرهم يقولون ما التحقنا وانا بنفسي رحت لمدير قسم الحاق الموظفين للبعثه بوزارة التعليم العالي وافادني قبل 6 شهور ان الموظف ينظم بس ياخوي بريطانيا مافيها انضمام الا بعد اللغه وتبدا في الجامعه وهذا على حسب ماسمعت الحين نبي من الاخوان الحديثين في الانضام يفيدونا عن هذه المعلومه لانو بيرتب عليها امور كثيره وخاصة الاخوان المتزوجين يبون يعرفون الواقع صحيح .. ولكم خالص شكري وتقديري.

مع إحترامي للمعلومة إلى عندك أخوي أبا ريان الي يقوله الأخ كفاك هو النظام المعمول به في كل الدول (لا يحق للموظف الإلتحاق ببعثات التعليم العالي بغض النظر عن الإجازه الي متفرغ بموجبها للدراسة) الطريقة الوحيدة هي موافقة جهة العمل يعني الضم للبعثة عن طريق جهة العمل و على حسابها و ليس على حساب التعليم العالي.

تحياتي،

ياخوي موظفين وقدموا على طلب انضمام للبعثة وانضموا مثل ابو هيلة تخصص رياضيات ويدرس بولاية ايوا على ما اظن وانضم لبعثة خادم الحرمين الشريفين
وغيره مثل ابو مشاري وهم اعضاء معنا هنا في المنتدى

ومن شروط التقدم بطلب الحاق بالبعثة اذا كنت موظف اذا كنت موظف ان ترفق اجازة دراسية وموافقة من جهة عملك على دراستك على الحساب الخاص ( هذا يعني انك بتوقف رواتبك وماراح يكون لك راتب من الوزارة)

حتى في النظام الاخير وهو طلب الموافقة للدراسة على الحساب الخاص ( اللي برمضان نزل) مكتوب ضمن الشروط اذا كنت موظف ان ترفق اجازة دراسية الكلام واضح

وبالنسبة لبريطانيا اساسا مافيها ضم للبعثة لا الموظف ولا غيره

مع الاسف يا د. علي ان هذا ردك لكن اذا كان معك حسد لاخوانك فهو مردود عليك وان كانك لا تعلم وافتيت من عندك فالمصيبه اعظم .. الحين انا اراهنك ولو تبي بالادله والبراهين وبالاسماء بعد فهي موجودك ولكن لا تضلل اخوانك يا سعادة الدكتور ..

حسب كلام مدير قسم الالحاق بالوزارة : الموظف لا يحق له الانضمام في البرنامج ولكن يحق له الالتحاق بالبعثه بعد ما يثبت انه في اجازة دراسية بدون راتب من جهة عمله والاجازة الدراسية تخضع لشروط منها : 1- ان يخدم الموظف سنتين 2- وان تكون دراسته مرتبطه بمجال عمله .. ووالله على ما اقول شهيد..

كلامك سليم اخوي ابو ريان وفعلا لايحق للموظف ان يتقدم للبعثة ولكن يحق له بشروط انت ذكرتة ان يحصل على جازة دراسية ويتقدم بطلب الحــــــــــــــــــــــــاااااااق بالبعثة او الحاق كطالب دارس على حسابه

بالنسبة للاخ كفاك اظن سبب رفض الحاقك لان بريطانيا اساسا مافيه الحاق كثير راحوا ورجعوا بدون الحاق بعد ماخلصت فلوسهم وكثير خلصوا دراستهم على حسابهم بجهد وعناء
عشان كذا راح يردون على طلبك بالرفض واضعين حجج ليس لها اصل فقط من اجل احباطك وتصريفك وتعجيزك ... بالتوفيق للجميع

كلام سليم وهذا الي صار معاي وانا طلعت باجازه استثائي والحقت بالبعثه وبالنهايه الامر توفيق من رب العالمين

يا اخوان الموضوع هذا مهم للغاية والله خرشتونا صاحب الموضوع والدكتور علي والله حسيت بنزله عضروفيه من كلامكم ولكن ما قصروا الاخوان ابا ريان و leave me alone المهم

فيه سؤال تقني اللي يجاوب عليه يسوي فيني خير
انا موظف حكومي توظفت بشهادة دبلوم ومن ثم حصلت على شهادة البكالوريوس على حسابي بالسعودية ولم ارفعها لجهة عملي حتى الان لانهم احتمال يرفضون ويطلعون عيني عشان يقبلونها ا،،، المهم زوجتي الان مبتعثه على المرحله الثامنة الى امريكا وراسلنا معهد عشان القبول وانا راسلت بشهادة بنكية لي انا عشان اطلع على فيزة F1 وعند صدور قرار الابتعاث لزوجتي ساذهب للعمل واحصل على اجازة استثنائية


السؤال ماهي النصائح والتوجيهات اللي تنصحوني اسويها

هل اسجل شهادة البكالوريوس قبل ما اطلع ـــــــــــ وبناءاً عليه راح تتأخر اجراءاتها وتتأخر البعثه وننحاس
هل اقدم على اجازة استثنائية بداعي مرافقة زوجتي أم احاول الحصول على اجازة دراسية
وهل اسافر حتى اضمن الالتحاق بالبعثه ثم اخاطب العمل بتغيير الاجازة الى دراسية ؟؟؟

والله اني في حيرة من امري لكن الله يفرجها ويكتب اللي فيه الخير يارب العالمين

ارجوا من الجميع ممن لديه معلومه يشاركني وله جزيل الشكر

حبيت ارد عشان اللي يبحث عن الجواب الصحيح
انا موظف حكومي ومعي اجازه رسميه بدون راتب وقبول مشروط من جامعه معترف بها والحمدلله انضميت بعد اربع شهور بالمعهد رفعت الطلب وتمت الموافقه
الموضوع قديم لكن حبيت اريح من يبحث عن الجواب الصحيح
12-5-1436
3-3-2015