خطاب من الملحقية الى جميع المرافقين من موظفي الحكومة‎ بخصوص الإجازة الإستثنائية

على حسب النظام اللي اعرفه ,

المرافق إذا بيكمل جامعه , يرفع طلب "إلحاق مرافق بالبعثه" .. (وهنا يطبق القرار) ..
حتى يصبح مرافق مبتعث .. ولكن ملفه راح يبقى مع ملف المبتعث الاساسي ..
ولا يقدر يفصل بعثته عن المبتعث الاساسي الا اذا خلص 70% من عدد الساعات المشروطه عليه ..
(مادري اذا النظام تغير في هذا الخصوص او لا ) ..

المرافقين الحاليين اللي عندهم اجازه استثنائية وعلى وجهه تسجيل بالجامعه , الله يعينهم على المشاكل اللي بتصير لهم بسبب هالقرار !

المرافقين اللي باقي بالسعودية وناويين يرافقون المبتعثين وهم يبون يكملون جامعه ..
لابد ياخذون اجازه دراسية .. (والله يعينهم على اللعوزه اللي بتصير لهم) ...

بس السؤال ,
المرافقين اللي عندهم اجازه استثنائية وحالياً يدرسون بالجامعات , هل يطبق عليهم القرار ؟ !
احس انهم فعلاً بيحوسونهم حوس لو تم تطبيقه عليهم وهم في نص دراستهم .!


على اني اشوف ان الاجازه الدراسيه افضل من الاستثنائية لانها تحسب من ضمن الخدمه ..
واشوف ان للقرار هذا فيه جانب ايجابي ومفيد للمرافقين ..
لكن وضعه بهالطريقه الخاطئه .. دمر إيجابيته , ودعم سلبياته بشكل مضاعف !

واكثر ناس بينظلمون هم اللي معهم قبولات جامعيه وانهوا نصف مشوارهم في فترة اللغه وراح يكملون دراستهم الجامعيه السنه الجديده !
يعني الله يعينهم .. راح يضطرون يرجعون السعوديه ويواجهون مشاكل مالها اول ولا اخر !

ولا فوق هذا , فيه احتماليه كبيره ان المبتعث الاساسي راح تتوقف بعثته بسبب مرافقه .. وبالتالي راح تشوفون طلبات التأجيل بتكثر !
والسبب , المرافق راح يحتاج يرجع السعوديه علشان ياخذ الموافقه من عمله بتحويل اجازته الاستثنائيه الى دراسيه .. وهذي االسالفه تطول !

الالحاق
بعد آلشخص مآ ينتهي من درآسة آللغة ويصير عندهـ قبولـ جآمعي لـ اي مرافق

الاختلاف بين كلمة الالحاق و فصل البعثه
ان الالحاق نفس اللي انت قلت فوق

اما فصل البعثه يكون بعد ماتقبل اي (تلحق بعضوية البعثه)
ولا يوافقون عادة بفصل البعثه الا اذا باقي لك فتره ع التخرج والمبتعث الاساسي يتخرج قبلك بهذه الحاله يفصلونك عن المبتعث

وبالنسبه لدارس ع حسابه الخاص ماله اي دخل وشروط الحاقه تختلف

اصلا القرار واضح انه للمرافق اللي مع المبتعث مافيه اي طالب يسمى بمرافق غيره
كاتبين بعنوانه اللي ارسلوه

الى جميع المرافقين

من موظفي الحكومة


تود الملحقية الثقافية لفت عناية جميع المرافقين من الموظفين الحكوميين الى انه في حالة رفع طلب إلحاق بالبعثة، فأنه يجب إرفاق قرار إجازة دراسية (وليس إستثنائية) في الطلب بحيث تغطي كامل مدة الدراسة وذلك بناءاً على خطاب وزارة التعليم العالي رقم 114409 وتاريخ 6/11/1434 هـ وسوف يتم تطبيق ذلك إبتداءاً من بداية فصل الصيف لعام2014 م.
------------------------
في النهايه
اقول امين يارب لدعاك كانهم حاسوا كثيرين وانا اولهم
لخبطوا كل الحسابات عندي
الله لايوفقهم يارب
وحسبنا الله ونعم الوكيل


( تمت المشاركة باستخدام تطبيق مبتعث )

والله يامحمد
اكيد الاجازه الدراسيه افضل بس الحصول عليها صعب جداً
وشروطها معقده
من غير اللي يتحكم ويرفض طلبك
الله يعين


( تمت المشاركة باستخدام تطبيق مبتعث )

هل يشمل موظفين وزارة الصحة التابعين للتشغيل الذاتي؟؟

( تمت المشاركة باستخدام تطبيق مبتعث )

عسا الله يكون في عونكم ..
والله ماني عارف الوزاره الى وين تبي توصل !

انا اقول انهم يحاولون يقللون المبتعثين بأكبر قدر ممكن ..
لذلك تشوف هالقرارات اللي كل يوم والثاني طالعين لنا بقرار سقيم ولا يزيد الا الطين بله !

لكن السؤال , طيب إلى متى ؟
يعني افرض انه فعلاً يبون يقللون عدد المبتعثين .. قل ان عدد المبتعثين اصبح بنسبة 5% من اجمالي المبتعثين !
وبعدين ؟ وش بيصير ؟! بيقولون خلاص ياطويل العمر مافيه احد يبي البعثه الكل يدرس والحمدلله متعلمين ومجتهدين مانحتاج الى منح دراسيه خارجيه ؟!
وبالتالي يقفل باب الابتعاث بشكل نهائي ؟!

طيب وقفلوا البعثات بشكل نهائي .. بترجع الوزاره مثل بقية الوزارات .. "ارقوز التعليم العالي" ! ؟

لييييه كذا حسبي الله
لما قلنا بتفرج الاجازة الاستثنائية للعسكري سووا كذا


محمد فهد انت تقول العسكري مايشمله هالكلام؟

ألا يشمله أختي ,

أنا أخطأت بالإجابه ,
وأعتذر على ذلك ,

والفضل يعود لله ثم للأخ fayed على تصحيح المعلومة ,,

طيب اخوي طلب الاجازه الدراسيه اشلون
بالامن العام مسموح فيها ولا اشلون .
ضعت تهت الله حسيبهم
حسبي الله ونعم الوكيل

( تمت المشاركة باستخدام تطبيق مبتعث )

اللي انا اعرفه ان مافيه اجازه دراسيه للافراد !

مادري اذا فيه قرار جديد لهالخصوص او لا !

بس هذا اللي انا اعرفه من انظمة الافراد ..

ممكن احد غيري يفيدك اكثر بهالخصوص ..

ما تلاحظون أنهم رفعوا مكافئة المرافق غير الزوج !!
وهذا معناه الزوج الموظف ماراح يقدر يأخذ إجازة دراسية
و معناه اطلع يا أخ المبتعثة
اما المبتعث عادي يأخذ زوجته سهالة