خطاب من الملحقية الى جميع المرافقين من موظفي الحكومة‎ بخصوص الإجازة الإستثنائية

ما اعتقد ,

لو فيه استثناءات كان وضحوها مثل بقية القرارات !

الإجازة اقدمها قبل البعثه او لما اروح هناك

علما ان مرافقي يدرس كيف حيكون النظام ؟؟

يفضل يقدمها مرافقك قبل البعثه .. يعني لما تجيبون القبول من المعهد او الجامعه ..
يقدم مرافقك عليها ..

طيب مرافقي باقي في الثانوية العامه

والثانية ف الابتدائية كيف أقدمها ؟؟

الخطاب والاجازة للمرافق الحكومي العاطل واللي يدرس ماله دخل بالموضوغ اختي

كما ذكر لك الأخ أحمد ماستر ,
طلب الإجازة الدراسية مخصصة للمرافقين الموظفين الحكوميين , (موظف وليس طالب) ..

أما الطلبة أو من ليس هم على رأس عمل في أي قطاع حكومي ,
لا تطبق عليهم هذه الشروط ..

يعطيك الف عافيه اخوي

كفيت ووفيت

مره وهقونا حسبي الله على اللي كان السبب يعني هم اصلا عارفين ان الاجازة الدراسيه صعبة جدا واللحين بعد قرارهم مو الكل بياخذها وللعلم القطاع العسكري وخاصه للافراد العساكر ماعندهم شي اسمه اجازة دراسية بنظامهم المفروض يراعون هالشي من وين نجيبها لهم نخلق نظام جديد

( تمت المشاركة باستخدام تطبيق مبتعث )

قرار ظالم ومجحف لأن الكثير لا يستطيع أن يأخذ إجازة دراسية وهذا يعني أنه لن يسمح لزوجته أو أخته المبتعثه بالذهاب معها كونه لن يستطيع الدراسة وهذا له أثر سلبي وكثير من المعيدات ذهبوا معهم أزواجهم ويتأملون الإلتحاق بالبعثه وإكمال دراستهم مالفائده أذهب كمرافق وأجلس في البيت والله أنه قرار جائر؟

ثم أن هناك مبتعثين ومرافقين موظفين في القطاع الخاص أخذو إجازات بدون راتب وتم إلحاقهم بالبعثه هل هؤلاء يسمح لهم وموظفي الحكومة الذين يتعبرون مسؤولين منها يتم تطبيق النظام عليهم

حسبنا الله ونعم الوكيل فيهم

الأمر يهون لو كان المرافق موظف حكومي ويبي يكمل دراسته الجامعية مع المبتعثة الاساسية, وهو مابعد طلع من السعودية , ..
يعني هنا ممكن انه يقدر يتصرف على الاقل ممكن يخلي زوجته تطلع مع اخوها على سبيل المثال !
وهو يكمل في دوامه ويحاول يطلع بإجازة دراسية ..واذا طلعت له اجازة دراسية من مقر عملة , رجع وكمل مع زوجته وخلص الامور مع الملحقية !

يعني اللي مابعد سافروا ولا ابتدوا دراستهم .. هذولا على الاقل عندهم إمكانية انهم يتصرفون .. خصوصاً لو معهم قرار إبتعاث .. بإمكانهم انهم يأجلون ابتعاثهم لاي وقت يبون ..
فقرار الابتعاث لايشترط ان الشخص اخذه هذا الشهر لازم يسافر خلال ثلاث شهور ! بل ممكن يسافر عقب سنه او ثنتين ! متى ماسنحت له الفرصه يطلع ..

لكن ,
الأمر والأصعب ,
هم المرافقين الحاليين ا للي في بلد الابتعاث !
كل مرافق حكومي عنده إجازة استثنائية وهو يدرس بالجامعة مع زوجته او اخته او حتى بنته ..
راح يضطر انه يوقف دراسته ويرجع هو والمبتعثه !
يعني تخيل ممكن فيه بعض الاشخاص قطعوا نصف مشوار دراستهم الجامعية .. والان بعد القرار .. ماله الا انه يكمل على حسابه الخاص او انه يرجع !
(هذا لو طبقوه على اللي يدرسون حالياً ) .. يعني بإختصار .. قطع أرزاق !

بس فيه سؤال ,
هاللحين هذا القرار ينطبق على المرافق ..
طيب لو كان الموظف الحكومي مبتعث أساسي .. مايشمله القرار ؟
لان لو كان المبتعث الاساسي للموظف الحكومي مايشملة القرار .. فمعناته ان الحل للمرافقين هو التحويل من مرافق الى مبتعث اساسي .. وتحويل المبتعثة الاساسية الى مرافقة !
وبالتالي تمشي امورهم