خطاب من الملحقية الى جميع المرافقين من موظفي الحكومة‎ بخصوص الإجازة الإستثنائية

صدري وسيع .. ابد اطمنك
ولا كني قريت شي
هههههههههه

اناا حزينه يا وشسمك ..ولا قدرت اختلي بنفسي ابكي ..ماحد مخليني ..
الان تولدت عندي نتيجه الحاله هذه حاله رغبه في الهوااش ..حتى لو ذباابه بتجي اماام وجهي يمكن اصفقهاا ..يمكن هذا الرجال عندوو نفس حالتي الان من يدررري ..لازم نرااعي ..اتكلم بصووره عامه وما اخصك بالذكر ..
احياان تحكمك نفسيتك ..بس تهدء تشووف انك بالغت ..فالمعذره بالنياابه عنه وحقك علينااا ..

لا ابد العذر مقبول وقدرك عالي..
وابدن ماحصل غير كل خير..
ماتشوف شر والله يفرج همك ويفرح قلبك..
توض و صل ركعتين لله واطلب منه مابخاطرك..
ماخاب عبد طلب ربه وماعطاه..الا لخير هو اعلم به منه..

علا فكره اسمي ابوالسمو

أولاً وقبل كل شيء أعتذر لك أخي الكريم أني كنت حاد في الكلام وأدري أنك مثلي متضرر من القرار بس والله شيء يفقع المراره بصراحه ما يشوفون هالبزارين اللي جايبين ستين في الثانوية ويضمونهم وياخذونها ساعة صدر ويرجعون ينفضون يدينهم وحنا اللي تاركين الدوام لا راتب ولا ترقيات ولا خدمة كأنهم يمنون علينا وأخر شيء يقولون لك أجلس في البيت لا تدرس إلا بإجازه دراسية أنا لو أني قادر أخذ إجازه دراسية كان خذيتها من أول وخليت راتبي يمشي ولا أضطريت لمكافأتكم اللي ما زدتوها إلا بعد ما طلع الشيب في روسنا
أنا أقول يا أخي الكريم لا تحاول تجد مبرر لهم مالهم مبرر ومن يطالب عمله بترقيته بعد أن أخذ الشهادة يستحق ويستحق ويستحق فيه غيرهم درسوا إنتساب وطقها وإلحقها ويطالبونهم يعني وقفت علينا يا وزارة التدمير العالي

الله ينصفنا منهم يكلمني أحد الزملاء مسكين توه طالع إبتعاث يقول أنا ما طلعت إلا علشان أكمل دراستي وعملي ما راح يعطوني إجازة دراسية وش أسوي أرجع يعني قلت العين بصيره واليد قصيره أنا الأن على وشك أبدأ دراسة الماجستير ووقفوا في وجهي الله يوقفها في وجيههم

والله يا أختي ما أدري أخوي أني أضرب يد بيد الأن بأجلس بالبيت بسبب هذا القرار وأنا كنت على وشك بداية الماجستير على الخريف الجاي

لا نفسيه ولا هم يحزنون هؤلاء يرفعون الضغط لم نجد منهم قرار إيجابي نهائياً

البساط احمدي وانا اخوك
وعذرك مقبول لاتشيل هم
انا كل اللي قلته (تفسير) للقرار وليس (تبرير)

وفيه فرق بين المصطلحين

لكن انا عندي لك حل لمشكلتك
انت تقول ان عندك قبول للماستر وراح تبدأ الدراسه في الخريف

طيب ترا القرار (ينص) انه راح يبدأ تطبيق طلب الاجازة الدراسية بدلا من الاستثنائية للموظفين الحكوميين المرافقين في صيف 2014

معناه هالكلام ان القرار هذا ماراح يشمل الا اللي يطلبون التحاق بالعثه من صيف 2014 وانت طالع

انت سو نفسك كنك ماتدري وش السالفه وارفع طلب الحاقك بالبعثه وارفق قبولك وشف يمكن مايشملك هالقرار

وبلغنا وش يصير معك!!!

نعـــم تعطي وَ هذآ من أبسط حقوقهآ بس لآزم تتبع إجرآءآت معينه ..
وَ تكون ورآهـــم متآبعة لموضوعهآ لجل تقدر تآخذهآ ..
شوف هذآ آلرد ..
تفضل :
http://www.mbt3th.us/vb/forum8/threa...post1062465765


بآلتوفيق ..

@عاشق ترابها @ابو السمو

القرار حتى الآن لازال جديد , ويعتبر قرار متسرع ,
مثله مثل قرار الزيادة للأزواج كما ذكر الأخ @عاشق ترابها

ولكن لو تتذكرون , على سبيل المثال ,
الزيادة أتت في اولها للأزواج الاجانب , ثم بعد ذلك تم تعديلها إلى مساواة كل الازواج ..
وبعدها بفترة , والآن اصبحت الزيادة شاملة ..

لا أعرف لماذا القرارات تأتي بالتقسيط , ولكني أظن "وقد أكون مخطأ" ,
بأن نظام القرارات في الوزارة , كنظام قرارات أي مدير في أي جهة حكومية او خاصة في السعودية ..
ما أعنيه , أن عندما المسؤول يطرح قرار , ليس هنالك مسؤول تحته يرفض القرار !
بل على العكس , الكل يؤيد قراراته مهما كانت دون مراجعته مع صاحب القرار والتأكد من إيجابيته من سلبيته , والسبب كلمة "طال عمرك" !
فيأتي بعد فترة من شكاوي الآخرين وبعدما يتيقنون أن القرار غير سوي ويحتاج إلى تعديل ,
فيتم تعديله في كل مره حتى يكون هنالك رضا من المطبق عليهم هذا القرار ..

هذا ما اراه في إدارة هذه الجهات الحكومية , فقراراتها فردية محايدة ,
ولا تقبل بنقاش قراراتها , بل تؤمن بأنها "لن تخطئ" وإن "أخطأت" إختلقت الأعذار ! وهذا ما نعانيه !..

ابغى الكلام هاذا بشكل رسمي ممكن من فين اخذتوه ؟؟؟؟؟؟؟؟؟

أختنا راجعي المشاركة #42 .. للأخ محمد ..

بالتوفيق ..