مساعدة كيف يمكن الاستفادة من قبول ابتعاث قديم (لم ألتحق به) ؟

حياك اخوي، يعني انت كانت عندك بعثه خارجيه في عام ٢٠٠٦ لدراسة البكالوريوس ؟ وصدر لك قبول رسمي؟ وبعدها انت توظفت ولعاد تابعتها ابدا ؟

جاوبني وابعلمك بالي نعرفه ان شاء الله

^^^

أنس الماضي وخليك في الحاضر!
أعزم وقدم على مسار التميز وبادر!!
خاصة إذا كنت متمكن باللغه وقادر!!!

حياك أخوي "مبتعث متمكن"

نعم الله يسلمك، ظهر اسمي في قائمة المقبولين للابتعاث الخارجي إلى دولة "اليابان" في عام 2006، لتحصيل درجة البكالوريوس.
لكن أنا بعد تفكير ومشورة (هونت عنها) ليش؟ لأن وقتها كنت أدرس وأنهيت سنتين من دراستي بأحد الجامعات السعودية، فقلت لنفسي حرام
أضيع هالسنتين وأبدأ من جديد في اليابان، وأن الأفضل لي أكمل اللي باقيلي وأتخرج، وبعدها لو حبيت أكمل ماجستير وقتها يصير خير.

مرت السنين بعد تخرجي وحاولت على الابتعاث الخارجي مرة أخرى لكن (هالمرة للماجستير) تقريبا بعام 2010، وما الله كتب،
فاستغليت وقتي في البحث عن عمل ودورات وكذا، ومرت السنين في تطوير نفسي قطاع خاص وعام ودورات.
اليوم استقرت أموري و طرأ على بالي (محاولة أخرى لإكمال الماجستير) ولكن هالمرة (رغبتي داخل المملكة).
السؤال هنا: هل ممكن أستفيد من البعثة المقبول فيها بعام 2006 لليابان،
لكن هالمرة تكون لدراسة (ماجستير) بدل بكالوريوس، و يكون إيفاد (داخل المملكة) بدل ابتعاث خارجي لبلد أجنبي؟
علماً أني تجاهلت ذيك البعثة ومضيت في طريقي (رغم قبولي فيها).

وجزاك الله خير

الكهل الطموح
حياك أخوي وأحترم وجهة نظرك
لكن نسأل ونشوف لعل فيها مجال
لكن حبيت أذكرك رغبتي الحين إيفاد، يعني دراسة داخل المملكة
وأشكر مرورك اللطيف

العفو أخي الكريم!

أجل هدفك بعثة داخلية وليس بالخارج!

اعتقد والله اعلم الجواب الشافي فقط لدى الوزارة!

حاول زيارة الوزارة مباشرة وتوضيح الصورة كاملة للوزارة!

لأن أمور البعثات الداخلية و الخارجيه قد تغيرت في الوزارة!

فقد تطلع منهم بمنحة لبعثة داخلية بأحد الجامعات الأهليه أو ما يناسب ظروفك الحاليه من الحلول الممكنه داخل المملكة.

وفقك الله علما وعملا.

تحياتي وأفضل تمنياتي.

الكهل الطموح

تسلم أخوي الغالي وما نستغني عن شوركم
بارك الله فيك وجزاك ألف خير

طبعا تقصد وزارة التعليم؟ تراني منقطع عن هالسوالف وحسب علمي تغير اسمها ولا؟
طيب لابد زيارة ما ينفع اتصال؟ ولازم المقر الرئيسي ولا أي فرع؟

طبعا القصد وزارة التعليم بالرياض!
تغير اسمها صح حتى الموقع تجريبي!!

https://www.moe.gov.sa/ar/education/...niversity.aspx

وهذا موقعهم القديم وممكن التواصل معهم عن طريق تواصل!

https://old.moe.gov.sa/ar/Pages/default.aspx

======

https://tawasul.moe.gov.sa/

===========

https://www.moe.gov.sa/ar/contactus/Pages/Tawasul.aspx

============

https://www.moe.gov.sa/ar/contactus/...ylocation.aspx


وفألك التوفيق في مسعاك.
للوصـول لهدفك و مبتغاك!

بارك الله فيك أخوي الغالي على مجهودك الطيب وأعتذر على التأخر في الرد

بصراحة وللأسف لا يوجد أي تجاوب من الوزارة في الرد على الاتصالات (الموظفين لا يؤدون الأمانة)
فاضطررت للمراسلة الالكترونية (عن طريق منصة تواصل) وحتى هذه الطريقة يحدث بها خلل فني في كل مرة.

أكرر شكري لك ودعائي الصادق بان يطرح الله فيك البركة والتوفيق

اذا ابتعاث على وزارة التعليم فـ طارت الطيور بأرزاقها والله اعلم