إبتعاث الخطوط الجوية السعودية 2008 ... كل ما يهمك ... هـنـا

هلا سمسومــــ

الحمد لله خلصنا أمورنا

انت طمنا عليك وش صار معك ؟؟؟ وش باقي لك من اجراءات؟؟؟

ـــــــــــ

بالنسبه لأمر الإركاب موضوعه بسيـــــــــــط لأن الخطوط هم يطلعونه لك

اذا طلعت الفيزا تصور جوازك وتصور الفيزا وتعطيها الخطوط وهم يطلعون لك أمر الإركاب وقرار الإبتعاث

اذا سلموك الخطوط أمر الإركاب تروح للطيار وتحجز على دولتك وتتوكل على الله

والله يوفق الجميع

سلام..،

السلام عليكم

بس حبيت اقلك اخ راكان انه تقدر تحجز الان قبل ما طلع امر الاركاب حتى قبل ما يطلع قرار الابتعاث

وعلى فكرة يا شباب ما في أحد رايح اريزونا ^_^

جون تيري

انا باقي لي امر الاركاب وهو اللي خايف منه

لاني ارسلت لهم صورة التأشيرة و الجواز و القبول من يوم الأحد اللي رآح

وأعتقد أنهم طوّلوا وهي ما تستآهل أكثر من يومين

..

أنت ارسلت اوراقكـ لمين في الخطوط .. جوخدار ولا العيسى ولا مين ؟

وكم يوم على بال ما طالعولكـ امر الاركاب من يوم ارسلت لهم الاوراق ؟

وكيف دقوا عليك ولا ايميل ؟

معليش طوّلت عليكـ بس والله اني مرهـ قلقآن

هلا سمسومــــ

لا تقلق ولا يضيق صدرك

أنا يوم الأربعاء سلمتهم صورة الفيزا وصورة الجواز للأستاذ/محمد العيسى

وقبل شوي دق علي الاستاذ/محمد العيسى وقال ان امر الاركاب وصل لهم مع قرار الابتعاث

أمر الإركاب امره بسيط ما عليك


وخلصنا من الكثير وما بقى الا القليل.

سلام..،

السسلام عليكم ،،

اول شي ع البركه للشباب اللي خلصوا امورهم وعقباال ماتخلصون دراستكم هناك وتجون بالشهاده مناك يارب ،، ^_^

وشسسمه ابشركم اليوم خلصت مقابلتي وكانت عال العال ،،

وعطوني الورقه الزرقا يقولوون من 1-3 اسابيع وتطلع الفيزا ان شاء الله ،،

لكن بغيت اسأل مين معاي في ميشيغن ياشباااب؟؟

عشان نتفق ع موعد ونطلع كلنا سواا لاني اتوقع ان فيه 6 او 7 معاي وماعرف احد منكم ،،

اتمنى ياشباب نتفق هنا ع موعد السفر اللي من الدمام سواا معاي ان شاء الله واللي من الرياض الله يستر عليهم من مطارهم :d

وبشرونا يالشباب اللي غاطسين من زماان عنكم ،، سكاي وشايبنا قلوري ومروان والباقين ويعذروني اللي ماقلت اساميهم ،، بشرونا عنكم عسى تيسرت اموركم؟؟

والله يوفق الجميع ،، اخوكم ،،

باربيكانا .. !!

تراهـ .. سمسومـ // الله يحفظكـ

^^^^
بايع الورد شكل جون موضوع السفر لاحس مخه ههههههههههههه
المهم ياجون ترا ابي ادخل عليك من الكمبيوتر واسحبك ونروح للطيار تحجز <<<منقهر خخخخخخخخخـ
وللمعلوميه ترا موعد المعهد اللي بتاريخ 26 مايو هذا موعد التسجيل ونحضر الاوراق والضمان المالي بالمناسبه وش سالفة السجل الصحي لازم نجيبه معانا وتاريخ 27 هذا اذا طاف عليك شي ماجبته بتاريخ 26 وراح عليك الوقت تجيبه من بكرا يعني ماعلينا وترا فيه اختبار تحديد المستوى اسمه اورينتيشن يعني تحضيري بتاريخ 28 مايو وفيه رسوم غرامه للي يتأخر عنه بعد وباقي الايام ويك اند والوعد تاريخ ا /6 ان شاء الله... وانا زي ما قلت لك اسبوعين قبل الدراسه ممتازين جداوبعدين وين 17 يوم ترا نوصل شارلوت ان شاء الله15 يعني عشر ايام، اسمع ادري انك خايف من حاجه وحده اللي هي السكن ما عليك نسكن بفندق مثلا اسبوع او اسبوعين ووزي ماهو مكتوب للقبول الفنادق اللي قريبه من الجامعه سعرها تقريبا 50 $ لليله اما اذا سكنوك بالجامعه على طول شي كويس لأن ترا فيه واحد ثالث يبي يروح معانا ويبي سكن عائله وأتوقع اننا ماراح نلقى الا اذا وصلنا هناك اخيرا لا تخلي راسك يابس احجز وخلنا ننبسط بالاسبوعين خخخخخـ أعقلهــا وتوكل والسلام ومعليش على الاطاله .....

هلا وغلا

ما عليش على الخطأ

أنا قريت كلام سمسومـــ واللون اللي كتب فيه هو البني مثل اللون اللي يكتب فيه باربيكانا

<<<لا تلوموني متأثر بالسفر

سلام..،

هلا باربيكانا

خلاص توكلنا على الله (( 13 مايو ))

بس فيه مشكله :

انت تسافر لواشنطن عن طريق الرياض ولا جده ولا الشرقيه؟؟

لأني من سكان الرياض اكيد بروح عن طريق الرياض وانت بالشرقيه يعني تروح عن طريق الشرقيه

و مين الثالث اللي معانا ؟؟؟

ــــــــــــــ

وبالنسبه للسجل الصحي والله ما أدري وش سالفته

بس حسب الورقه الزهريه (اللي استلمناها من المعهد) انك لازم تجيب السجل الصحي

واذا ما جبته معك تدفع 20 او 30 دولار عشان هم يسوونه لك

انا اقول افضل اننا نسويه عندهم...


سلام..،

السلام عليكم ورحمة الله وبركاته

اولا : العذر والسموحة على انقطاعي .. لظروف لا يعلمها الا رب العالمين

ثانيا :: امس .. الاثنين الموافق 23 / مارس / 2009

انهيت مقابلتي في القنصلية الامريكية بالظهران

وهذا انا حاليا في انتظار انهاء اجراءات الفيزا

على العموم .. انا شفت واحد هناك من المبتعثين على حساب الخطوط ..

ولكن مااعرف اسمه .. اتمنى اذا كان موجود معنا في المنتدى يكلمني على الجوال

وهذا رقمي : 0503884298

وعلشان يتذكر الموضوع ... بقول كلمة وحدة بس ( الحزام ) !!

وشكرا

كان معكم من الغرفة البيضاء في البيت الاسود
عبدالعزيز بن فهد

تحياتي