إبتعاث الخطوط الجوية السعودية 2008 ... كل ما يهمك ... هـنـا

ماتدري مع اي مكتب متعاقدين عشان يجيبون القبولات ؟

و وين كانت قبولاتكم اللي جابوها لكم ؟ وهل التغيير سهل ؟؟

انت اول شي روح اسألهم ..

هم اذا قدموا اوراقك على الجامعة .. والجامعة اعطت قبول .. خلاص جابوا لك قبول وريحوك ..

هم الخطوط يجيبون قبولات من جامعات قوية .. انت خذ قبولهم وروح شوف الجامعة .. وادرس اللغة .. اذا ما عجبتك الجامعة .. عادي تقدر تغيرها في فترة اللغة .. او بعد ما تخلص اللغة .. الخطوط مالهم اي دلخ في ذا الموضوع .. بس يحبذا انك تعطيهم خبر عن النقلاحتراما .. غير كذا مالهم شغل فيك ..

اما اذا هم لسى باقي يدورون لك جامعة .. وما جابوا لك قبول .. قولهم انك انت تبغى تجيب قبول لنفسك .. وخليهم يعطونك الضمان المالي .. وخلاص انتهى امرك ..

مين قال ذا الكلام .. جوخدار ولا العيسى ؟؟؟

ترى الدعوة مو غصب لازم تاخذ بقبولهم .. اخر شي انت اللي تدرس والمستقبل مستقبلك ..

------------------
طيب السمستر الجاي بتسير سفمور .. يعني انت اللحين لسى اوريا .. هاه !!

موفق

الخطوط السعودية كان تجيب القبولات بنفسه بالتعاون مع مكتب الخطوط في واشنطن .. يعني مو متعاقدين مع مكاتب ..


طبعا اكيد انت مشترك في جروب الخطوط السعودية .. روح شيك على طلاب امريكا .. وشو وين كانت الجامعات ..

اللي اذكره .. في نورث كالوينا .ساوث كارولينا . متشغن . قلويدا . اريزونا . بنسلفينيا . و نورث دايكوتا

ما قصرت والله يا بياع الورد

واللي قال هالكلام العيسى وجوخدار هاذا ما قابلته ولا كلمته ولا سمعت عنه الا منكم !!

طيب كيف اقدر احول و اسوي اللي ابي هم ما عليهم مني يعني هم ما عليهم اي سلطه علي ؟؟ ما يقدرون يقولون للوزاره يقطعون البعثه او اي شي ؟؟

و بعدين انت لو تكرمت ممكن تقول وش تخصصك ووين جابو لك قبول ؟؟ ووش رايك بالمدينه و الولايه والجامعه ؟؟

--------

شدعوى يعني طلعت من البترول نسيتنا !!!

اوريا فرشمن سفمور جونير سينير <<< للتذكير فقط !!

بيــاع الورد (مهنــد) >>ترا ع فكررهـ مهنــد بالشقــه اللي فووقي واذا ما جاوب ع استفساراتكــم خلووه علــي :d

مهنــد أنــا معــك بساعــد العيــال

أي استفســار لا يردك الا كيبوردك

M.N.G أنــا رديــت ع رسالتــك الخاصــه

بالتووفيــق ,,

ههههههههه .. والله يا اننا قديمين يا ركان ..

اي شد حيلك .. كنا ندور على احد يساعدنا اول . وما حصلنا ..

المهم ..

جخدار هذا رجال شرواك .. كويس ما شاء الله عليه .. في جدة .. هو اللي يجيب القبولات لكم يالطلاب .. العيسى دائما يرجع له ويسأله عن قبولات الطلاب ..

العيسى هذا انسان بمثابة الأب .. انسان له معزة .. ما يرد لك طلب .. بس امشي معه صوح .. ولا تلف ولا تدور. " خصخوصا لا يسير شعرك طويل" . ما راح تلقى منه الا كل خير .خخخخخخخخ



هههههههههههههههههه .. والله معك حق تخاف .. لا ابد ما راح يقولون شي ابد .. لانك انت طالب على حساب الوزارة .. مو على حساب الخطوط ..

اللحين زين اذا لقوا لك مكان للوظيفة بعد التخرج ..


تخصصي هندسة الكترونية ..
University of North Carolina At Charlotte

انت وش التخصص بتاعك ؟

وترى اقولك .. الدراسة هنا مررررة سهلة مو زي تعقيد البتروول !
يعني لا تشيل هم ابد

ههههههههههههههههههههههه اجل يا راكان فوقك مهند انتبه لا تغلط ولا ترا بيهبل فيك !!

ما شاء الله هندسه الكترونيه !!

انا والله تخصصي اداره ماليه و ابغى الصراحه ولاية اوهايو

طيب اخوي راكان انت نفس تخصص بياع الورد ولا ايش ؟؟

وبعدين يا مهند ما قلت لنا شي عن مدينتك وجامعتك ياخي !!

اخوي راكان و اخوي مهند مشكورين و ما تقصرون اثنيناتكم و والله يجزاكم الف خير هالخدمه الرهيبه اللي قاعدين تسوونها لنا و بالتوفيق يارب ...

تراني حطيت اسم الجامعة .. بس لو تفتح عيونك شوي !!

University of North Carolina At Charlotte ,

هههههههههههههههههه .. هاه شفتها .

في مدينة تشارلوت ولاية نورث كارولينا.. وكل الشباب اللي عندي هنا نفس التخصص ! ..
وابد ما سوينا الا الواجب ..

انا في الخدمة

هــلا M.N.J

وش المصخرهـ هذي انــا متحمــس قلت بدخل القى انوااع الأسئله :d

تخصصي هندســه كهربائيه-الكترونيات واتصالات

اوهــايو حلووهـ والله يعينـــك ع البررد

ادعــوا لمهنــد عندهـ اختبــار Math
:d

بالتووفيــق ,,

هلا هلا بالشباب وقفولي ابي اصير معكم
ياشباب اللي يدرس بجامعه او شي لايطلع لأن الخطوط ترا راح يطولوووون عليكم ولا تقولون ما علمناكم ...
M.N.J بس راح ترجع وتصير اوريا الخطوط خخخخ ياوريا تخصص بالنسبه لك حاول تجيب التوفل علشان تختصر مسافة اللغه او تعال بترم صيفي ليش ،، بالنسبـــه لمعهدنا نظامه سمسترات وكل سمستر ترم بس اذا ماقدرت تجيب التوفل وجيت الصيفي يكون الصيفي شهرين بس فايمديك تختبر توفل المعهد خلال الصيفي وطبعا توفل المعهد اسهل من الخارجي <<<يووه معليش بعد ماكتبت الرد تذكرت انكـ ماراح تجي لمعهدنا بس يمكن تقدر تستفيد منها اذا تبي تروح لمعهد نظامه نفس النظام...
طيـــب أنتم باي مرحله اختبرتوا ولا لسى ....