إبتعاث الخطوط الجوية السعودية 2008 ... كل ما يهمك ... هـنـا

عزيز توت
هلا بك .. و نورت الموضوع و المنتدى ..

الف الف مبرووووك على الترشيح و عقبال القبول النهائي ..

ربي يوفقك ..

هلا أخوي ksa sky
موضوعك حلو وتشكر عليه ..

بالنسبة لحالتي أنا موظف جديد بالخطوط..
والسؤال : هل فيه ابتعاث لموظفي الخطوط ؟؟

وسؤال ثاني: هل اجراءاتي راح تختلف اذا ابتعثت عن طريق الوزارة؟؟
يعني خطاب من العمل أو حاجة مماثلة ؟؟

تقبل تحياتي،،،،،،،

شكراً لك اخوي sky ... جهودك في هذا الموضوع تستحق الشكر والثناء ... سأخذ بنصيحتك مع انني غير متواجد في جدة .. لكن رح اتصل عليهم وان شاء الله يفودوني... مع اني ارسلتلهم ايميل لكن ما ظنيت احد بيعطيني وجه.. .. شكرا لك مرة اخرى

................

اسأل الله لك التوفيق والاعانة ,, وان يحقق لك غايتك

Super Mind
هلا و مرحبا .. و شاكر لك مرورك ..

تسعدني مشاركتك هنا .. لكن موضوعنا هنا خاص بالطلاب المتخرجين من الثانوية للإنضمام في برنامج الإبتعاث التابع للخطوط السعودية لدراسة الباكالريوس .. لكن بحاول أساعدك قدر المستطاع ::

لكن أولا :: انت ما حددت وش هي مؤهلاتك العلمية .. دبلووم و تبي تكمل باكالريوس أو باكلريوس و تبي تكمل ماستر .. عموما راح اجاوبك على الدبلوم و الباكالريوس لأنهم ما يختلفون عن بعض في الاجراءات ::

بالنسبة للباكالريوس عشان تكمل ماستر فيه برنامج اسمه رواد المستقبل بس التسجيل له انتهى الآن هو لجميع الطلاب الراغبين بدراسة الماستر و اعتقادي الكبير أنه شامل الموظفين ايضا .. بالنسبة للدبلوم ما أعتقد في برنامج إكمال باكالريوس .. لكن بالنسبة لجميعهم نصيحتي انك تتواصل مع مكتب الموارد البشرية في الخطوط هم راح يفيدونك أكثر بخصوص هالموضوع ...


بالنسبة للدبلوم و الباكالريوس .. لازم تاخذ اجازة رسمية ( دراسية أفضل ) بمدة الدراسة .. و فيه طريقتين ::


1- برنامج الملك عبدالله للإبتعاث للماستر للمرحلة الخامسة .. و فيه برنامج آخر للدبلوم لإكمال الباكالريوس.. لكن التسجيل فيه انتهى .. راح يفتحونه على السنة القادمة المتوقع في شهر جولاي ...

2- على حسابك الشخصي .. و هذا في اي وقت متاح .. تواصل مع الملحقية في الدولة اللي تبي تدرس فيها عشان يقولون لك وش هي الأوراق المطلوبة عشان الإلتحاق و طريقة القبول و ما إلى ذلك .. و المنتدى فيه قسم خاص للدارسين على حسابهم الشخصي .. راح يفيدك كثير ..


اتمنى اني اكون ساعدتك ..
و ربي يوفقك ..

تسلم اخوي الله يعطيك الف عافية

azoz99
ربي ييسر لك أمرك .. و يستجيب دعائك ..

الخطوط صعب يفيدونك بالتلفون أو الإيميل لإنك صعب توصل للشخص المطلوب .. لازم تروح لهم و تتأكد من الوضع بنفسك ..

ربي يوفق الجميع ..

جديد في امريكا
شاكر لك مرورك .. و ربي يوفقك ..

يا شباب تكفوووووون ادعولي بالقبول النهائي واجتياز المقالبلة الشخصية
واللي عنده معلومات عن اسئلة المقابلة يخبرنا ولنكونن له من الشاكرين

الله يعطيك الف عافيه اخوي KSA~SKY
انا الحمد لله رشحوني للمقابله يوم الاحد 9 نوفمبروانا من سكان الرياض وانقبلت بالبترول

وما حددولي موقع المقابله!!

سؤالي/ لو حددولي المقابله بالرياض بما اني من سكان الرياض ولكنني في 9 نوفمبر
راح اكون بالظهران للدراسه؟؟كيف احل هالمشكله؟؟

وشكلنا والله مطولين مع هالبعثه

اجل اللي مقدمينها العام توهم يسافرون

والسؤال الأهم!!!!

كيف طريقة المقابله يعني وشي الاسئله اذا كانت زي مقابلة الطب فهي ان شاء الله تساهيل<<<مجرب

سكاي انا ماني بجامعة البترول سحبت شهادتيي ورحت لل cpc
بس بالنسبة لي ابتعاث الخطوط يمكن احسن
لي 3 اسابيع مداوم في cpc كرف ملعون ابو جد وانا كنت انتظار وفاتني اسبوع دراسة عشان كذا الكرف دبل ولاني قادر الحق على شي والاختبارات بعد العيد مباشرة نداوم في 5 نوفمبر

عشان كذا اتوقع الخطوط دراسة اخف واسهل لكن خايف انلطع سنة هنا بالسعودية اذا انقبلت لا شغل ولا شي