إبتعاث الخطوط الجوية السعودية 2008 ... كل ما يهمك ... هـنـا

nice face
خلاص من بكرى عنده ..



احد الشباب كلمني بخصوص رسالة جته من الخطوط .. هل فيه احد ارسلوا له هذي الرسالة :


عدم وجود صور الشهادات لدينا يؤدي الى الغاء موعد المقابله لذا نأمل احضار 3 نسخ من صور الوثائق المطلوبه لديك قبل الموعد المحدد للمقابله


و متى قبل الموعد المحدد قبل بيوم ؟؟ قبل بساعة ؟؟ ياليت احد جته هالرسالة يوضح لنا وش سوى .. خصوصا ان رقم الاستفسارات اللي كلمهم عليه ما يردون ..

يعطيكم العافية ...

انا جتني هالرسالة ..

كلمتهم ورحت لهم .. بعد

الي بالشرقية .. تجيب الاوراق قبل الموعد بنص ساعة

اما الي بجدة . ماادري ..

وشكر ا..

عندي كم سؤال خفيف وأتمنى تجاوبوني عليهم

- أبغى واحد يوصف لي فندق كورال الخبر
- يبغون صورة الشهادة عربي وإنجليزي (تكفي نسخة الشهادة المصدقة بختم المدرسة ؟؟؟ )
- كيف أعمل السيرة الذاتية ؟ و ويش أحط فيه
- كيف أترجم شهادة حسن السيرة والسلوك ؟؟ يعني أبي واحد يوصف لي محل بالدمام
- اللي فهمته من كلامكم إنه لازم أروح قبل الموعد بنصف ساعة عشان أسلم الأوراق ؟؟

عزيز توت
يعطيك العافية .. ما تقصر يالغالي ..

abo_mara7
هلا و مرحبا بك ..

- أبغى واحد يوصف لي فندق كورال الخبر
فندق كورال انترناشونال الخبر ( فندق الراحجي ) يقع على طريق الملك عبدالله ( شارع الظهران سابقا ) تقاطع شارع مكة .. بالقرب من مجمع الراشد و فينيسيا ..


- يبغون صورة الشهادة عربي وإنجليزي (تكفي نسخة الشهادة المصدقة بختم المدرسة ؟؟؟ )
ايه تكفي .. صورة للشهادة مصدقة طبق الأصل مختومة من المدرسة فقط ...


- كيف أعمل السيرة الذاتية ؟ و ويش أحط فيه
اسمك .. تاريخ و ولادتك و مكان الولادة .. المدينة اللي ساكن فيها .. المدارس الي درست فيها .. هل اخذت دورات من قبل .. هواياتك .. انجازاتك .. اكتب عن نفسك ..

- كيف أترجم شهادة حسن السيرة والسلوك ؟؟ يعني أبي واحد يوصف لي محل بالدمام
بالقرب من مبنى الجوازات بالدمام توجد مكاتب ترجمة كثيرة ..

- اللي فهمته من كلامكم إنه لازم أروح قبل الموعد بنصف ساعة عشان أسلم الأوراق ؟؟
هذا الكلام موجه للشباب اللي جتهم رسالة تقول باحضار 3 نسخ من الوثائق قبل الموعد تفاديا لعدم الغاء الموعد بسبب عدم وجود صور من الشهادات عند الخطوط السعودية ..


ربي يوفقك ...

السلام عليكم يا جماعة
والله لي فتره صراحه ادخل الموضوع
و كان ودي من زمان اقدم اي شي ينفعكم
لكن حنا فيها

خلوني أقولكم بعض الأشياء و حطوها في بالكم :
قبل كل شي ترا بيرفعون ضغطكم و يورونكم نجوم الظهر
و مرمطه و كل حوسه لكن من بعد إعلان النتائج ناموا ولا تهتموا
لن يومهم بـ سنه

المقاييس المعتبره بقبولك عند الخطوط (تنازليا من الأهم إلى الأقل أهمية)
1-تقدير الثانوية العامه
2-المقابلة الشخصيه
3-إختبار اللغه الي عطوكم

الحين خلوني أقولكم عن المقابله:
المقابلة راح يقابلك من 3 أشخاص 2 من الإدارة (جده) و واحد من الخطوط السعودية الي انت فيها
أشياء لازم تنتبه لها أثناء المقابله:
1-حاول أنك تتكلم في جمل قصيرة و تكون تعني أشياء محددة و مؤكده
مثل: ليش قدمت على بعثات الخطوط؟!
لاني الشركة كبيره و أتنبى لها بمستقبل كبير.
ليش قدمت على التخصص الهندسة الكهربائيه مثلا؟!
لاني أحب التخصص ثانيا مقاييس النجاح بعد توفيق الله للتخصص متوفره مثل قدرتي على تحصيل درجات ممتازه في الرياضات و الفيزياء و قادر على النجاح فيه .
.....
2-حاول تبين أنك متأكد على قدرعلى التكيف أثناء السفر (انك ماراح ترجع يعني)
هذي الي اذكرها صراحه


لكن أهم الأشياء الي أكد على الي يقابلك عليها بعد نهاية المقابله:
1-إذا تم قبولي في بعثات الخطوط هل سوف توقعون معي عقد؟! طبعا الإجابه لا إذا قال لا أساله عن
كيف أتاكد إني راح أضمن وظيفه إذا رجعت!!
2-ماهي مزايا المبتعثين للدفعة الثانيه من الخطوط ؟! يعني (هل فيه تذاكر مجانية سنويه أو هل تحسب سنوات خدمه أو أو )
3-من مرجعكم إذا بغيتوا تحدثون بيانات أو اي شي صار من بعد المقابله لحين إعلان النتائج(لان كثير الي حاسو حاسو من بعد المقابله صاروا ما يقدرون يوصلولهم ابدا و كل ما دقوا على جده يقولون هو اصلا فيه برنامج ابتعاث للخطوط!!!!


و أي مساعدة بخدمتكم
R.9002 (AT) HOTMAIL

الله يوفقكم جميعا

السلام عليكم ورحمة الله وبركاته

انا عندي استفسار
انا رحت الى مركز القبول والاختبارات في الدمام عشان ترجمة شهادة حسن السيره والسلوك
وقالو لي انت متى متخرج؟
قلت لهم عام 1429هـ
قالو لي ما نترجمها لك لانها موجوده في الشهاده وقالو لو انك متخرج مع الدفعات اللي قبل نترجمها لك
عاد انا ما اقتنعت رحت للمدير قالي نفس الكلام
انا قلت له طيب من باب الاحتياط ترجموها لي
قال لي ممنوع من الوزاره اللي في الضهاده تكفي



فارجو افادتي هل يجب علي ترجمتها ولا لا؟



وسامحوني على الاطاله




وشكرا لجميع من تفاعلوا مع هذا الموضوع



وبالاخص KSA-SKY صاحب الفكره

Eng_R
سعدنا بزيارتك لنا في الموضوع ..

و يعطيك ربي ألف عافية على هالمعلومات القيمة و المفيدة ...

حرام كسر الخواطر
هلا و مرحبا بك ..

اللي صار معك نفس اللي صار معي بالضبط .. ترا ضروري تترجم شهادة حسن السيرة و السلوك ..

و بالنسبة لأماكن مكاتب الترجمة : رح لمبنى الجوازات بالدمام راح تلاقي عنده مكاتب ترجمة معتمدة كثيرة ..

الله يوفقك ..

ياشباب اللي راح للمقابله يقول لنا...

متى موعد مقابلته؟؟

ومتى راح للمقابله؟؟

ومتى دخل للمقابله؟؟

وهل فيه ارقام للدخول والا اللي يجي اول يدخل اول؟؟

عشان نشوف من الدكاتره اللي نستأذن منهم