ياجماعة راح أقص عليكم قصة حياتي في يوم المقابلة وما راح أغبي شي ، وأتمنى اللي عنده تعليق يتفضل 
في الليلة اللي تسبق المقابلة :
حاولت أجهز السي دي ومالقيت واير السكانر وصادفتني مشاكل تقنية ومن هالكلام المهم صورة الصور بالجوال وبعض الصور مش واضحة بش مشيت حالي وسويت السي دي وجهزته .. وبسببه ما نمت إلا الساعة 12 الظهر .
في الصباح :
جلست الساعة 5 ونص صليت ثم تسبحت ثم فطرت ثم حركت على فندق كورال وأنا في الطريق ذكرت إني نسيت السيدي وقلت لاحول ولا قوة إلا بالله قلت با أرجع بس قلت راح أتأخر المهم كملت طريقي و وصلت 7 وثلث (وهي كاتبين الموعد 7 ونص) ، المهم وصلت وسألت الإستقبال قال لي يبدون هم الساعة ثمان ، جلست في اللوبي وكان في6 طلاب تقريباً معاي
للساعة 7 إلا ثلث تقريباً شفنا واحد من فوق يكلمنا (ياسر اللي لابس ثوب أسود شتوي) وقال إنتون تبع المقابلة قلنا إيه قال تعالوا واحد واحد (عاد قمنا كلنا مره وحده هههههه)
إنتظار المقابلة :
ركبنا وعزمونا على الفطووور وكلنا ما بغينا قالوا وش فيكم مستحين ترى الفطور جايبينه لكم إحنا فطرنا المهم أخذونا واحد واحد إستلموا الأوراق ولما جا دوري عطيتهم نسخ الأوراق وعطاني ورقة تغيير التخصصات والدول ، وقلت له نسيت السيدي قال كيف تنساه منبهين عليكم أكثر من مرة هو أهم حاجة لأنا راح نرسلة لوزارة التعليم العالي ، قال تقدر تجيبه يعني بيتكم قريب ؟ ، قلت له مسافة نصف ساعة قال خلاص بعد ماتخلص المقابلة جيبه إحنا قاعدين للساعة ثنتين .. دخلوا إثنين (لأنه فيه لجنتين) وبقيت أنا و واحد طيب (يدرس في كلية الجبيل الجامعية) ننتظر ، والباقي قالوا لهم إنتظروا في اللوبي
إنتظرنا وشربنا لنا قهوة وحليب ، ودخل الأخ اللي كان معاي وجا دوري إلا جاي واحد من اللجنة الثانية يقول هذا مو تبع مجموعتنا (لخبطوا كل لجنة أخذت واحد من لستة اللجنة الأخرى) المهم تكلموا شوي مع بعضهم وأخذوا واحد ثاني وقال لي الشخص اللي من اللجنة ما عليش بناخذ واحد لأن موعده قبلك ثمانية ونص قلت في قلبي (طيب أنا قايلين لي سبعه ونص) بس سكتت ، واللجنة الأولى نفس السالفة وقعدوا يحوسون في الأوراق ودخل اللي جا من اللجنة الغرفة وقال لي المسؤول اللي قاعد على الكمبيوتر ما عليش كل تأخيرة فيها خيرة (قلت في قلبي والله مو باين من أولها ماهم باغيني) بس قلت له إن شاء الله ، المهم رجع الشخص الجداوي الحبوب وقال لي تفضل ودخلت وعرفني عليهم واحد واحد وقعدت ..
أثناء المقابلة :
قال لي تكلم عن نفسك قلت له من أي ناحية ؟ قال أي شي إحنا الآن ما نعرف عنك إلا إسمك وقلت إسمي ووين عايش وبديت أتكلم شوي قاطعني وسألنس سؤال ما أذكره ، سألني عدة أسألة عادية ، مثلاً موقف صعب مر عليك ؟ وسألني موقف حسيت إنك سويت شي أسعدت به الآخرين تورطت شوي بس رقع لي واحد وغير شوي في صيغة السؤال ، سألوني وين سافرت ؟ وجاوبتهم وقالوا لي وش سويت في هالبلدة هذي اللي رحت لها ومن هالكلام ، بعدين سألني عن كلية المجتمع اللي أنا أدرس فيها ووش التخصص اللي تبغاه قلت له فيها محاسبة وتسويق وأنا ما أبغى لا هذا ولا هذا قال عجل ليش داخل ؟ قلت له والله لأن قلت أستفيد ماث وإنجليزي وإنقليزي وإنجليزي (ترى صحيح هالكلام عدتها ثلاث مرات لأنه علق وياي حرف الجيق أو القاء ههههه صرت أحس إني أقولها غلط المهم مشيتها) ، وقال لي طيب لو ماقبلناك وش بتسوي ؟ قلت له والله إن شاء الله أجيب درجات عالية وأحول للبترول ، وإلا أنتظر تقاديم السنة الجاية ..
وقال لي كيف جيت المقابلة اليوم قلت له والله قعدت خمس ونص وفطرت و..... (قاطعني وقال قصدني هل رحت الكلية) قل له لا على طول جيت قال طيب إستأذنت قلت له إيه كلمة الدكتور وقال وش قال لك قلت له قال مافيه مشكلة بس جيب عذر قال يعني إستأذنت قلت له إيه ..،، وقالوا كيف تقضي يومك قلت مافيه شي إذا تقصد هالأيام أرجع من الكلية الساعة خمس وأرتاح شوي وإذا فيه هوم وورك وإلا إختبار نراجع ونجلس شوي ونقضي بعض الأمور وننما
وسألني وش تعرف عن التخصص وهنا تغربلت شوي أنا عارف بيسألني هالسؤال لذلك بحثت في الإنترنت في الليل وشفت مواضيع طويلة وسكرتها لأني كنت حاب أعرف نبذة هذا الكلام قبل ما أنام ، المهم قلت له أنا أحبه فمثلا الطب بيقبلوني لكن أنا ما أحب الطب ولكن أحب التخصصات الهندسية وبالنسبة له هو يختص بالطاقة والمحركات وتحويل الطاقة و.... قاطعني قال ليش إخترت الخطوط ، قلت لأنها شركة كبيرة و ...... (قاطعني وقال سابك برضه كبيرة) قلت له صحيح ولكن قلت لك في البداية إنهم ماقبلوني بسبب التحصيلي (نسيت أقول لكم في البداية سألوني ليش ماقبلوك البترول وسابك أو أرامكو قلت لهم بسبب التحصيلي وقصيت قصة كل جامعة لهم ، وليش ماقبلوني) المهم قال طيب بالتوفيق وراح نقول النتايج بعد إسبوعين وقلت لهم مع السلامة ..
بقية اليوم:
رجعت بسرعة للكلية لأنه كان عندي إختبار ووصلت قبل ما يبدأ الكلاس خلصت الكلاسين الساعة 12 رجعت البيت صليت وتغذيت ثم أخذت السي دي ورحت كورال ووصلت الساعة 1وثلث وسلمت السيدي ، وثم رجعت الكلية وانتظرت الكلاس (كان باقي عليه ساعة) خلصت الساعة 5 ورجعت البيت وأنا أسوق أحس بتعب شديد ومو قادر أفتح عيوني ، وصلت البيت وشرفت بنادول وقعدت شوي ونمت من التعب
إنطباعي عن المقابلة :
بعد المقابلة حسيت إنهم ما راح يقبلوني لأن ما طولوا معاي حسيت ما أخذت معاهم حتى عشر دقايق بينما اللي قبلي قعد أكثر من ثلث ساعة ، ثانياً بعض ردودي كانت عادية صحيح كنت مجهز في الليل ردود دبلوماسية لكن نسيتها لأني ماتدربت عليهم ، ثالثا ما أدري وش السؤال اللي سألأوني إياه وخلوني أجاوب بأن المدرس اللي كان يدرسنا إنجليزي في الكلية ماكان يدرسنا من الكتاب وصرنا الآن متأخرين وهو الآن سافر (اعتقدر بيفكرون إني إذا اشتغلت معاهم وطلعت با أفضح أسرار الشركة هههههه) ، والآن نوعاً ما أحس ما راح يقبلوني وفقدت شوي من الأمل ..
درجت التوفل :
كانو كاتبين 313 بس شطبوها وعدلوا عليها (كانوا كاتبينها غلط)
المهم درجتي 343
إلا من كم الدرجة ؟؟؟؟؟
abo_mara7 November 13th, 2008, 11:48 AM
7 " 
LinkBack URL
About LinkBacks
أنا رحت للمقابلة الساعه 7 والساعه 8 دخلت عاى اللي يشيكون على الأوراق والسي دي
ولسوء الحظ انا كنت أول واحد شيك على أوراقه وآخر واحد قابلوه
لأن اسمي بالكشف الأخير او قبل الاخير
والمهم يوم دخلت وهو يناظرني اللي من جده ولابس نظارات ويقول
من هو المظلوووم
انا في هذه الأثناء اصابني الدوار
والحمد لله عدت على خير...........
من الأسئلة اللي اتذكرها؟؟
1- كيف تقضي يومك وانت في الثانوية؟>>> يشوفون هل انت منظم والا لا
2- موقف صعب؟؟<<<يشوفون طريقة تفكيرك وحسن تصرفك
3- لو واحد صدمك وهرب وش تسوي؟؟ >>>>> يشوفون هل انت راعي مشاكل والا لا
وهنا قال لي الجداوي يعني" ممكن تديله بنيه والا حاجه زي كدا"انا سويت كذا
3- بما اني ساكن بسكن الجامعه قال لي مين يغسل لك ملابسك ووين تاكل ومين يجيب اغراض الغرفة انت والا روميتك (زميل السكن)؟؟>>>> يشوفون هل انت تعتمد على نفسك والا لا
4- هل تكفيك المكافئة ؟؟ وهل والدك يبعت لك فلوس(اقول لكم من جده يبويا)>>>> يشوفون هل انت تقتصد والا تبذر لأني حاط أول خيار بريطانيا وهي يقولون غالية
5- لو وظفناك في مكان بعيد مثل بيشه هل توافق والا لا طبعاً تقعد في بيشه طول العمر؟؟
6- لو ماقبلناك في البعثة وش راح تسوي (الخطط المستقبلية) ؟؟ انا هنا فقدت اعصابي شوي وقلت له ابي اقعد بجامعتي يعني وين اروح>>>>> حسيت اني جبت العيد
7- ليش حطيت أمريكا آخر شي في قائمة الرغبات؟؟
هذا السؤال اللي ماعرفت وش اقول لكن قلت له من الكلام اللي نسمعه عنها
وهنا جبت العيد في نفسي وقال لي مثل وشو؟؟ قلت مثل قضية حميدان التركي"فك الله اسره"
عاد هو صرفها وقال هذا انتقام لأنه يدعو للإسلام ومن هالكلام
بعدين جاء الجداوي يقال له يبي يلطف الجو وقال انت محد راح يقول لك حاجه قلت ليش قال لأنك راح تمشي بجنب الحيط
بس الغريب اني بعد ماطلعت ورحت ابغا استلم العذر جاء واحد من اللي قابلوني
وقال لي طيب لو ابتعثناك لأمريكا بتوافق والا لا؟؟ لأن الدولة بتخسر عليك فلوس ومن هالكلام
عاد انا قلت ان شاء الله راح اوافق>>>> تتوقعون بيقبلوني