إبتعاث الخطوط الجوية السعودية 2008 ... كل ما يهمك ... هـنـا

888

مروان انا ايرلندا والقبولات وصلتنا والاسبوع الجاي فيه اجتماع لطلاب ايرلندا مع مكتب الجامعات الايرلندية بالرياض عشان نتكلم عن المعيشة بايرلندا وعشان نجهز اوراق الفيزا
وفيه عدد كبير من الطلاب على ايرلندا

واي استفسار اخوي مروان حاضرين

الله يعطيك العافيه وماتقصر انا حولت على ايرلندا وانشاء الله اننا نتقابل هنالك بالرياض

يعني راح يعطونا الفيزا يوم الثلاثاء ؟ ولا نقدم عليها ؟


لكن اخوي اللي سويته هذا صح اني حولت ولا انا غلطت تكفى ريحني .

^^^^^^^^

افااا .. ليش حوّلت . . !

هل هم حوّلوكـ اجبآري والا انت اللي طلبت ؟

اهم شي .. ان شآء الله انكـ استخرت قبل تغيّر الدولة ؟؟

والله اخوي سمسوم مو اجباري بس كرهوني في بريطانيا يقولون راح تتأخر مره والطلاب كثيرين مره هناك ........... الخ .

قلت له اقول حطني في ايرلندا بس .

وانشاء الله انها تطلع زينا .انا انتظر اخوي مساعد ينورني ويقولي كيف اذا جيده او لا .ا

استفسرت عن التحويل من المعهد يابياع الورد ...


قال تقدر تحول من المستوى الاول في المعهد الى معهد اخـر ..


المصدر : طلاب يدرسون في معهد اللغه في فلوريدا ...

انا اشوفك كأنك متردد على تحويلك الى ايرلندا
ابغاك تعرف انو جامعات ايرلندا من ارقى الجامعات وأفضلها في العالم .. وانا ما اقول هذا الشيء لاني مبتعث لايرلندا ... لكن تقدر تروح تصنيف الكيو اس ,, الشهير .. والتصنيفات الأخرى .. رح تلاقي الجامعات الايرلندية لها مراتب متقدمة ... وخصوصاً الجامعات الي وفرت لنا الخطوط فيها قبولات ... مثل جامعات ايرلندا القومية وجامعة ليميرك وغيرها .. والأمر الآخر .. انو الحمد لله امورها ميسر ة وسهلة.. وكمان انت رايح تدرس هناك لـ 5 سنين .. يعني لازم تحسبها من كل النواحي... والشعب الايرلندي شعب ودود ويتعاشر مقارنة مع الشعب البريطاني.. وفيزة ايرلندا امورها سهلة بسبب الاتفاقية الأخيرة بين البلدين لتسهيل أمور الطلاب السعودين الراغبين بالدراسة في ايرلندا..
ويكفي يا أخوي انها من أشهر بلدان العالم في السياحة ّّّّّ يعني شي يفتح النفس

وفي الأخير يبقى كل واحد ورغبتوا والمكان الي يرتاح فيه والخيرة في ما اختارة الله لك

.................................................. ..............................


وبالتوفيق يا شباب

السلام عليكم ورحمة الله وبركاته

اخوي مروان انا حاب اطمنك بس انا كنت على بريطانيا وحولت لايرلندا والحمدلله

بريطانيا افضل معاهدها موجود بالجنوب مثل (برايتون وريدينج) مدن الجنوب عموما
قبل اسبوعين جا تعميم من الملحقية البريطانية بمنع الطلاب السعوديين من الدراسة في مدن الجنوب بسبب امتلائها بهم يعني الكلاسات بالقليل 5 سعوديين يعني زحمة

انا اتوقع عشان كذا الخطوط تاخروا بالقبولات حقت بريطانيا يعني الحين راح يتجهوا للشمال

بالنسبة لايرلندا نسبة السعوديين قليلة فيها وفي تزايد الان لان الحين توجه الوزارة سار عليها لو تلاحظ

والبلد حلوة والناس طيبين والجامعات ماعليها كلام حتى روح شف تصنيفاتها عشان تتاكد

انا بس حبيت اطمنك مو عشاني رايح لها لكن هذي المعلومات جبتها من بحثي ومن بعض الطلاب اللي بايرلندا

اذا حاب تستفسر عن اي حاجة ثانية انا حاضر واتمنى انك ارتحت من كلامي

وشكرا

يعطيك ألف عافية اخوي يامي امريكا ..

عسانا ما ننحرم منك ..

اخوي azoz99 واخوي مساعد الله يجزاكم الف خير والله انك ريحتوني من جد

الله يعطيكم العافيه

على العموم انا حولت قبل يومين لكن ما اعطوني اي معلومات حول المدينه او الجامعة او اي شي .

اخواني اللي في ايرلندا ابغا اسألكم

كيف دراسة الهندسه في ايرلندا ؟ لأنها مشهورة بالطب .
يوم الثلاثاء يعطوكم الفيزا ؟
كم المكافئات بعد الزياده ؟ وهل تكفي ؟
لاهنتوا بالله .