استفسار عن المرافقه هل تقدر تدرس لغه او لا؟

اخوي انا سمعت من واحد ثقة ان العسكري اذا ابتعث من جهة عمله لمدة من 6 شهور فاكثر يحصل على الاتى 1 يستلم راتبة في السعودية زي ماهو ما عدى بعض الاصناف تسقط من راتبه مثل صنف الحاسب الالي والمرابطه ،، ويصرف له راتب شهر اساسي اول ما يبتعث وتذكرة ــ ويصرف له راتب في الدولة المبتعث اليها على سبيل المثال اذا كانت ماليزيا يومية الرقيب تقريبا 185 ريال سعودي اضربها في 30 ،، والزوجه لها راتب مرافقه تقريبا نصف راتبك الاساسي او يزيد ، والطفل له راتب 800 او 1000 ريال سعودي الله يعز الحكومة ،، اما من ناحية الزوجة اذا كانت دراسة 6 شهور والله لو اجيب لها مدرسة تدرسها في الشقة واجيب مربية بعد تلعب الطفل ،،،،، اتمنى اني افتدك بشي واتمنى احد يشارك ويفيدنا انا واياك باي معلومها ـ..... , والله يوفقك ويوفقك الجميع ،،،،، تحياتي

الله يعطيك العافية اخوي رقيب
لكن اللي اعرفه ان بعض القطاعات تختلف بالنسبة لدراسة اللغة
لان بعض القطاعات تلحق مبتعثيها بوزارة التعليم العالي
ودمتم بخير

مادري اش علاقة كل الي انت قلته بسوالي؟؟
بعدين عشان اصحح معلوماتك راح يحسب اول شهر لك انتداب و الباقي ينزل راتبك الاساسي فقط طول مدة الدورة و اذا كنت مبتعث لجهة مدنية راح يصرف لك فقط انت الراتب اليومي الي زي ماقلته انت و بس

اما مسالة ان المرافقة يصرف لها شي او الطفل فهذا كله خطاء و لايصرف اي شي غير لك انت بس مالهم علاقه لا زوجه و لا طفل الا في التذاكر و في العلاج لا قدر الله

برضه اعيد سوالي عليك
اش علاقة كل هذا في استفساري؟؟

مشكور على تجاوبك اخي العزيز
و بعد بحث و تمحيص و جدت انه فعلا هذا الي يصير اولا تلحق على وزارة التعليم العالي و بعدها يصر على نظامهم اذا يمشون الموضوع او لا علما انه بالنظام مسموح و لكن لها ستين اعتبار لازم تجاوبك عليه الملحقيه عشان يشوفون كم دورتك و متى راح يبدون الدراسه و و و

مشكور اخي الكريم

انا بعثتي انشاالله بعد العيد والضابط المسئول عن الدورة اعطاني نفس الكلام لكن اخي s2a لو تتفضل مشكور وتعلمني مصادرك والاماكن اللي ممكن اخذ منها الخبر اليقين اكون لك من الشاكرين لأنه مثل منت عارف بعض الزملاء بالقطاعات لوتقوله وش اسمك قال (سري للغاية)
ودمت بحفظ الله

مصدري موقع الملحقيه في استراليا لقيت فيه اجوبه لكل الي ابا و زياده فعلا موقع رائع

حياك الله اخوي سؤالك كنت بساله في المنتدى يعني انا ابي نفس المعلومة اللي انت تبغاها بعدين انا اضفت معلومات من واحد ثقه وحتى المنتدى هاذا حصلت فيه معلومات ان المبتعث يصرف له ولزوجته ولاربعه من اطفاله ~ اما من ناحية وش دخل الكلام اللي انا قلته بسؤالك ~~ اقولك وسع صدرك اخوي خذ اللي تبي واللي ما تبيه خله,وبنتظر انا واياك احد يعلق عليه ويفيدك ويفديني ويفيد الجميع ~ وكل شي جايز ~~~ تحاتي للجميع

طيب ياعزيزي انا اقولك ان الي يصرف عليهم هم اهل المبتعث من وزارة التعليم العالي

يعني بالعربي اي واحد مبتعث الا العسكر لا

اهلا وسهلا بك .... اللي فهمت انك مبتعث من قبل عملك لمدة ستة أشهر فقط يعني لاينطبق عليك ماينطبق على المبتعثين العسكريين الذين هم تحت إشراف الملحقية الثقافية التابعة لوزارة التعليم العالي .... وليس لهم سوى تذاكر ذهاب واياب وبدل علاج فقط .... تمنياتي لك بالتوفيق ورحلة موفقه ....