نداء عاااااااااااااااجل الى قلم ساخن

أولاً الحمدلله على السلامة ثانياً وين اللي يبي يمر المكتب ؟؟؟؟!!!!!!! أمزح يابن الحلال
بعدين مبروك على صدور القرار والمطلوب منك الآن الآتي :-
تروح للتعليم العالي طبعاً تراه بجنب المكتب ( الوكالة الاسترالية ) على نهاية شارع العليا باتجاه الشمال بعد ما تعدي الخطوط السعودية ( المروج ) باتجاه الشمال تحصل المبنى على اليمين طبعاً لابد يكون معاك جواز السفر وصورة من قرار الابتعاث وصورة من قبول المعهد طبعاً يكون جاك على الإيميل وإذا ما جاك روح للمكتب يعطونك صورة منه تروح للدور الثاني فيه واحد اسمه نايف الخزعلي هو اللي يعطيك الضمان المالي وتروح بعد كذا لمستشفى سليمان الحبيب الطبي الدور الثاني وتقول لهم مبتعث لنيوزيلندا وأبغى كشف طبي يطلبون منك 1000 ريال قيمة الكشف طبعاً فحص دم وبول الله يكرمك وأشعة صدر وبعدين يعطونك موعد تأخذ الفحص فيه وإذا أخذت الفحص توديه للمكتب مع الضمان المالي وأصل الجواز وتعبي معلومات عنك ( ابلكيشن ) وتعطيهم قيمة التأشيرة طبعاً أنا قالوا لي مرنا بعدين نتأكد من قيمة التأشيرة لكن هي في حدود (525-625) بعد كذا تتواصل مع المكتب لتعرف هل صدرت تأشيرتك أم لا ؟؟!!!! طبعاً لا تنسى إنك تحجز من الخطوط السعودية بالوقت المناسب لبداية دراستك لأن المكتب ترى ما له شغل بالحجز ولاتنسى شي مهم جداً إنك تحافظ على فواتير التكاليف ( قيمة الفحص الطبي - قيمة التأشيرة ) عشان تسترجعها من الملحقية بعدين . وإذا استجدت عندي أشياء بلغتك فيها بالمنتدى هنا وإنت أخوي إذا فيه أي شي جديد لاتبخل علينا .. بالتوفيق وعسى الله ييسر أمرك .

على فكره إذا تبي تأخذ عايلتك معاك لابد يفحصون وإذا عندك اولاد يدرسون لابد تجيب لهم قبول من مدرسة هناك وتتأخر التأشيرة وشغلة طويلة عريضة . تبي نصيحتي لا تأخذهم في البداية

هلا وسهلا يا الحبيب الي ما تدري عنه اني اخذت القرار ورحت للتعليم العالي واخذت الضمان المالي وبعدين تواعدت مع زملاي الي معي بنفس القطاع ورحنا للسفارة النيوزلندية في حي السفارات بعد ما اخذنا موعد مع الملحق التعليمي حقهم واستقبلنا استقبال اكثر من رائع وعلى فكرة هذة بعد نصيحة زملائنا في الامن العام والي راحوا له قبلنا وكانوا مجموعة وسلموهم الاوراق الي طلبوها والسفارة هم الي ارسلوا الاوراق لسفارة نيوزلندا في دبي طبعاً المرة الاولي حقت زملانا في الامن العام ارسلوها لهم على حساب السفارة بس حنا ما استحوا منا وعطونا اياها كاش وطلبوا منا قيمة شحن الاوراق لدبي
وما طلبوا منا لا كشف طبي ولا اي خرابيط حقت الوكالة الاسترالية النصابين (انتبة تعطيهم شي) كل المطلوب وانا اخوك هو اشعة صدر من اي مستشفى معتمد من قبل السفارة النيوزلندية انا شخصياً سويتها في مركز الورود الطبي والمشكلة اني سويت كشف كامل لي ولعايلتي بمبلغ الفين وثمانمائة ريال ومادريت الا بعد ما سويت الكشف الطبي انهم ما يبون مني الا اشعة صدر
ويبون شيك مصدق بمبلغ 490 درهم ايماراتي من اي بنك تسوية وصور شخصية طبعاَ مقاس 3.5 في 4.5 وجواز سفرك واذا بتسوي لعايلتك فيزا تسوي شيك ثاني بمبلغ 320 درهم مستقل غير الاول حقك (العائلة كاملة شيك واحد)واذا ما راح تاخذهم ما يحتاج تسوي لهم لا فيزا ولا شي هذا الي نصحني به الملحق التعليمي وقالي اذا رجعت تاخذهم دخلهم (عائلتك)عادي بفيزا من مطارهم وبعدين مددلهم 3 شهور ثانية وثالثة
والي ما تدري عنه ان الابلكيشن سهل جداً تعبية وحقين الوكالة الاسترالية النصابين يبون عشان التعبية 500 او 300 ريال
اهم شي خذ القبول المبدئي حق اللغة ورح للوكالة وخلهم يجبون لك قبول نهائي من المعهد ولاتقول لهم انك ما راح تطلع الفيزا من عندهم وان طلبوا منك فلوس لاتعطيهم الا شي بسيط لان موضوع القبول النهائي سهل جداً ولا يحتاج شي كلها مراسله عن طريق الايميل لا اقل ولا اكثر وانتبه منهم جداً لانهم حسب ما سمعت انهم استغفلوا زملائنا واخذوا منهم مبالغ ما يستحقونها

مع تمنياتي لك بالتوفيق واي استفسار انا حاضر
طبعاً كل الي سويته مو شطارة مني ولكن بفضل ربي ثم فضل واحد من الزملاء المبتعثين معنا
انصحك تمر السفارة بعد ما تاخذ موعد معهم وتفهمهم انك ضابط وراح يتساعدون معك ويسهلون لك امر الفيزا وماراح تتصور انها بهذي السهوله

وش تقصد بالحجز من الخطوط السعودية؟؟؟؟؟؟؟
الي اعرفه ان الخطوط السعودية ما تاصل نيوزلندااااااااا ولا تقصد ان امر الاركاب يصدر لهم وهم يوجهونك
انا الى الحين ما سويت شي في موضوع الحجز والتذاكر لاني واحد من الزملاء راح للشئون العسكرية وقالوا له موضوع التذاكر تاخذه من مقر عملك (مرجعك) وانا غير متاكد من ذا الشي
شاكر مرورك ولك تحياتي

حياكم الله شباب بالنسبة لامر الاركاب النظام يصير ذهاب وعودة والا ذهاب فقط
(تراني واحد من زملاكم بس الوجهة كندا انشاالله)
ودمتم بود

هلا وغلا ابو عزة
بالنسبة لامر الاركاب ذهاب وعودة لك ولافراد عائلتك بس لابد تحدد خط سيرك ويكون ثابت لانك ما راح تقدر تغيره اذا كان في خط السير غير السعودية
ومرحبا ومسهلا مرة ثانية

تقريبا كل الدول اللي بنروح له لازم نستخدم خطوط اجنبية
وبالنسبة لخط السير طلع عندنا واحد بمرجعنا يقول امر الإركاب ذهاب فقط اذا كانت الدورة اكثرمن ست شهور والملحقيه هناك تصرف لك تذكرة عودة
ماادري الكلام هذا له اساس ومذكور بالتعليمات المستديمة والا من هوا بالهم
ارجو الرد عاجلا
وتمنياتي للجميع بالتوفيق

يا رجال انا ما باكثرعليك
انا الحين تذاكري معي لي ولعائلتي ذهاب وعودة ولاكل زملائي حسب علمي مثلي بس اهم شي تحدد لك خط سير حسب الدولة الي بتروح لها وبعدين تروح للخطوط وتطلع التذاكر ومو لازم تروح على نفس الحجز وخط السير بعدين تقدر تغيره واتمنى ان اكون افدتك ولا تنسانا من الدعاء في عشر الخير وكل عام وانت بخير