المرافق العسكري لزوجته (هنا تجد الانظمة الصحيحة والاجراءات المتبعة)

ياليت تفيدوني

زوجي ضابط اذا الحق معي بالملحق العسكري بامريكا

هل لازم الجامعه تكون بمكان الحاق زوجي
او ممكن اختار اي ولايه
مره احترت
وكذل الاكاديميه السعوديه عشان ولدي وبنتي يعني كيف راح تكون دراستهم هناك
مره محتاره ياليت القى جواب واضح
بارك الله فيكم

هل انتي مبتعثة من برنامج خادم الحرمين الشريفين؟
مانوع الحاق زوجك هل هو الحاق لغرض المرافقة يعني بدون الصفة الدبلوماسية او الحاق للعمل بالملحقية ؟

انا ان شاء الله راح ابتعث عن طريق برنامج خادم الحرمين
وراح زوجي يقدم طلب الحاق هناك يعني يعني ما يبي نظام الاستيداع او اجازه دراسيه لا يبي الحاق مرافقه

1_هل لو ما قبلوني برنام خادم الحرميبن اقدر اروح على حسابي

2_ هل يوافقون بالحاق زوجي اذا كانت على حسابي الدراسه بعدين انظم للبعثه

3_وهل زوجي يداوم هناك رسمي يوميا يعني لازم اسكن بواشنطن

3_وكيف الاكاديميه يعني كيف اسجل اولادي
4_واي جامعه ومعهد لغه كويس وقريب عند الملحقيه العسكريه
والاكاديميه السعوديه

ودي نسكن بمدينه قريبه منهم غير واشنطن
اتمنى الاجابه بالتفصيل جزاكم الله خيرا

اتمنى اني قدرت اجاوبك على بعض الاسئلة

بارك الله فيك اخي الكريم

أخ خالد ومجنونها إستدعاء لكم في هذا الموضوع وأشكركم

أنا عسكري ورفعت أوراقي لمرافقت زوجتي للولايات المتحده الأمريكيه
السؤال ؛
راتبي لوكنت ملحق غير دبلماسي 1600 دولار تقريبا 6000 ريال صافي هل يكفيني كمرافق من غير مكافأة الزوجه

السؤال ؛
بالنسبه للمرافقين الأطفال يوجد لدي طفلان هل تصرف لهم مكافأه بحكم أن أمهم زوجتي مبتعثه

هذا وشاكر لكم ومقدر جهودكم وتواصلكم معي

والله لا اعلم للاسف لان الملحقية كل يوم تطلع نظام وانواع الفلسفة ولكن المعروف ان الاطفال يصرف لهم رواتب كما هو موضح بجدول مكافات المبتعثين

أخوي خالد

أسعد الله مساءك/ صباحك بكل خير

في البداية لك الشكر الجزيل لإفادتنا بالمعلومات القيمة بخصوص العسكريين. خصوصا أن إيجاد المعلومة في هذا الموضوع فيه صعوبة. وهذا كله من اخواننا المسؤوليين الله يصلحهم سواء كانوا ضباط او افراد. إذا جيت تسأل الواحد منهم عن معلومة يلف ويدور ولاتطلع منه بخاتمه بس ما نقول الا الله يصلح الحال

العلم يا ذيبان
انا ضابط مبتعث لدارسة الماجستير وعلى وشك الانتهاء من الرسالة والتخرج (دعواتكم). فالموضوع ان زوجتي مبتعة لدراسة الماجستير والدكتوراه ببعثة منفصلة (ليست ملحقة ببعثتي) ومتبقي لها أكثر من 3 سنوات
فأحتاج ان أرافق معها فترة ابتعاثها وكذلك مواصلة الدكتوراة . مع العلم ان أوراق الدكتوراه جاهزة من قبول وغيره

فسؤالي الله يحفظك
هل كان طريقة تمكنني من المرافقة معها ومواصلة الدكتوراه. وبصارحة لا أريد أن ألجأ للاستيداع وغيره لأنني كما ذكرت أن بعثة زوجتي باقي لها أكثر من 3 سنوات فمو معقول أجلس ها الفترة لا شغل ولا مشغله مجرد مرافق
واذا كانت اجابتك بأن أرفع بطلب الدكتوراه فسؤالي لمن أرفع الخطاب(لمن أوجهه) يعني لمن اصيغه
وهل هناك مادة معينة من النظام أو قرار يفضّل الاشارة لهم
مع العلم أنه لا يوجد عندي مشكلة في موافقة مرجعي أقصد القائد المباشر

مع العلم أيضا أن هناك مجموعة من الزملاء بنفس وضعي تماما جاتهم الدكتوراه بس محد يبغى يتكلم وشلون سوى. تقول انها من جيوبهم ما ادروا ان الرزق بيد الله

للمعلومية
الموضوع ليس مقتصر للاخ خالد . فمن لديه معلومه , نصيحة , خاطره فليدلي بدلوه مشكورا

ودمتم بود

اخي الفاضل اتشكرك على المعلومات المفيده
انا زوجي عسكري جندي اول تبع امن الطرق
ابقدم باذن الله على بعثة الملك بس اخاف مايسمحوله بالمرافقه
فاندلي فضلاً لا امراً الطريقه المثاليه لي
وزوجي شايل فكرة الفصل من راسه على قولته عصفور باليد افضل من عشره على الشجره
ياليت تنورني

اما انا لو اقولكم اني قريت 13 كلهم ولا طلعت منهم بمعلومه

مافهمت شيئ ابد لبد احس اني مفهيه وتلخبطت علي الامور
وخصوصا اني ما افهم في امر العسكرين ولا عندي احد من اهلي في العسكريه

بس اللي خاطبني اهو اللي في العسكريه واكيد لو شاف هالكلام بيفهم

بس صعب اقوله

وبصراحه انا ودي اتطمن ع مستقبلي
عشان كذا ودي اسال احتمال تكون متكرره

بس الله يعينكم ويرزقكم الصبر وطولة البال

جاوبولي على اسئلتي بس بالراحه عشان افهم وش المطلوب بالضبط

الحين الولد هذا ماشاء الله عليه ماعنده غير الثانوي

وانا ودي اخذ الماسترز واهو فرد بأمن المنشئآت

وانا ابغاه يرافقني وبعد ودي اياه يدرس لغه وبعدها دبلوم

وش المطلوب منه يقدم مثلا اجازه من دون مرتب

ويطلع معي يصير كذا والا مايصير ولو يصير

هل ياخذ حقوقه من وزارة التعليم عادي كمرافق

والا يقدم بعثه من القطاع العسكري والا وش السالفه

وشلون تنحل قضيتنا

ساعدوني لاني بصراحه ما فهمت كتييييييييييييييير

وكان الله في عون العبد مادام العبد في عون اخيه