زوجتي مبتعثه وانا عسكري وش الحل تروح لحالها يعني وش رايكم

اسمعني يالظابط سافر مع مرتك وخذ شهادة افضلك . وانت اسأل وزارة الدفاع اذا يمكن تعمل في الملحقية ولا لا المهم اتصرف . وترى الفرص ما تجي الى مرة وحدة .

مشكورين علي التجاوب ياخوان



ولكن انتم ماتدرون وش معني تاخير بالترقيه ست شهور بس وش تسوي



تخيل اسافر وارجع والقي زملائي اللي متخرجين معي برتبه نقيب وانا ملازم اول


ترا المجتمع العسكري له طريقه خاصه وتختلف عن المجتمع المدني



انا ماراح اضحي برتبتي وعملي عشان بعثه مادري وش نهايتها

لكن اتمني القي الحل المناسب لي ولزوجتي


والله يكتب اللي فيه الخير

بديت احس بالياس

ماعليش ياخوي علي كلامي الي ابي اقوله معقوله ضابط بوزاره الدفاع وماهو قادر يظبط وضعه في الوزاره والله والله انا لي جار بوزارة الدفاع الوزارة قبل فتره مخيرينه بعثه هو وعائلته علي حساب الوزارة خارج البلاد يعني اتوقع بسهوله تقدر تحصل عليها ولاتياس والله يكون في عونك

والله مادري وش اقولك يالمطرفي انتم تحسبون الامور عندنا بسيطه
وهنا المشكله تحسبون كل الضباط واسطات

صحيح فيه ناس تتاح لهم بعثه من العمل وفي كل القطاعات بس هل كل الموظفين يقدرون ياخذونها ولله عندنا حسد مو طبيعي يحسدونك علي دوره بخميس مشيط وينشبون لك ماتبيهم يعقدونك برحله لامريكا
انا مشكلتي اني مرافق وابغي تفريغ او الحاق بالقنصليه انا ابغي الطريقه لواحد مجرب عشان اعرف الطريقه بالضبط ولاابغي تاخير بالترقيه لانها تعني الشي الكثير

شاكرا لكم تجاوبكم واهتمامكم ولاتبخلون علينا باي معلومه

انا سالت وقالو انها صعب الالحاق هناك

ويبغالك اقل شي ست شهور لو بغيت ترفع

وش رايكم وش الحل

اخي الكريم انا موظف حكومي مدني وطالع لماليزيا مرافق لزوجتي وسألت بديوان الخدمة المدنية قالوا لي أنه في قرار صادر من مجلس الوزراء بأن المرافق مع أحد محارمه يعطى اجازة من عمله لحد أقصى عشر سنوات بدون راتب

تمنياتي لك بالتوفيق واحيان الفرص ماتجي الا مره في العمر

اي والله مشكله
عز الله انك كفو

واسئل الله ان يسهل امورك هذا اللي نقدر نسويه

والا المفروض الجهات اللي تخص هذا الموضوع تقدم كل التسهيلات مو تقفلها

السلام عليكم

بعد البحث والاطلاع قالو فيه نظام بالعسكريه اسمه استيداع والموافقه تجي من الوزير


وهو تفريغ من العمل للظروف او لوجود مشكله لدي الضابط

بس الزبده انه مافيه ترقيه ولا خدمه يعني قشر بصل والظاهر اني ابكنسل

البعثه والله يعوض علي المدام باحد الجامعات الخايسه والشكوا لله

اخوي ليش زوجتك ماتسافر مع اخوها أو أبوها؟

والله ياخوي لازم الواحد يضحي بشي لاجل شي ثاني

اذا تبيها تسافر وتبي انت تظل على رأس عملك علشان الترقية مالك إلا أنك تخليها تسافر مع أخوها أو أبوها أو خالها أو عمها أو أي أحد من المحارم

اخي الكريم والله حرام تضيع هذه الفرصه عليك والفرص أحيان ماتجي الا مره في العمر
انا مثلك موظف بس اني موظف مدني وطالع مرافق مع زوجتي وبيتوقف راتبي وترقيتي الين ارجع ثاني بس هذه فرصه ماتتعوض وماتدري يمكن ربنا كاتب لك اللي احسن من الترقية اذا رجعت