زوجتي مبتعثه وانا عسكري وش الحل تروح لحالها يعني وش رايكم

اهلين اخوي الضابط ..

اولا الله يوفقك ..

ما اعتقد انك راح تلقى اجابة للمسال العسكرية واحكام وشروط الترقيات

في الوزارات العسكرية في منتدى تعليمي ..

يعني انا انصحك بشدة تروح لمسئول العلاقت التعليمية في القاعدة عندكم

وتسأله عن موضوعك بخصوص الرتبة وكل شي

والله يوفقك يارب اهم شي طمنا عنك ايش يصير عليك

موفق يارب انت وزوجتك

موادع اخوي وعزيزي انت ظابط اولا

وهل اعطوك راتب اساسي ولا نصف الراتب الاساسي

لانه انا راج ارفع اوراقي وراح ارافق زوجتي المبتعثه

تكفى رد لي

اذا كنت ضاط راح تمشي امروك

اما اذا كنت فرد فتراك راح تردد

اخوي فكر بالايجابيات و السلبيات اولا في الغائك للبعثة سوف تكسب ترقية فقط و تخسر دراسة و لغة لك و لزوجتك تأتيك مرة بالعمر و على طبق من ذهب و افهم انا من كلامك ان الوضع عندكم ككل مكان فيه حساده و عيون فاغرة فعلى كذا اطلع برا و ادرس و اكسب لغة و دراسة انت و زوجتك و ترى الاستيداع جدا طيب بالاضافة الى مخصصات المبتعث المالية على ايش جالس ترقية لا يوجد لها معنى بنظري بجانب لغة و ماجستير و دكتوراة لكم و من الممكن ان تغير من عملك بعد الابتعاث اي تنتقل للمجال الاكاديمي او اي مجال اخر و بالتوفيق اخوي

هل الافراد يستطيعوا مرافقة زوجاتهم؟؟؟

أنا أخوي فرد في الحرس الحدود بحري
لما كلمهم أمس بخضوص الابتعاث لي قال إلى الآن مانزل قرار بخصوص بعثة الفرد بس للأضباط
والكثير نصحو أن يترك العمل .. ويكمل دراسة البكاريوس هنا بس أنا خايفه من هالقرار أضيع مستقبل
أخوي وهو متزوج وعند عيال ..؟
وش السوات يا جماعة

اولا كنت ابحث عن مثل هذا الموضوع من زمان

واول مشاركه لي في المنتدى

والحقيقه اني اعاني من نفس المشكله

واعطيك الخلاصه بالنسبه لي

انا راح ارفع اوراقي

قالوا تتوقف الخدمه !!!قالوا توقف ترقيتك

ماهمني لو انزل رتبه ما فكرت

اهم ما علي اخذ ماجستير انا وعيالي

اهم شي اضمن راتب يكفيني مصاريف الابتعاث

انا فرد في القوات المسلحة (البرية) نفس وضعك اخوي زوجتي مبتعثة مادري وش اسوي

سألت رئيس رقباء أفراد المنطقة قال فيه رقيب قبل فترة رفعنا له معاملة عشان مرافقة زوجته وصلت لقائد القوات واحالها لرئيس هيئة الاركان ورفض تفريغة
والكلام هذا مادري عن صحته مجرد نفل عن رئيس رقباء افراد المنطقة

والله احترنا مافيه شي واضح نستند عليه احنا الافراد اما بالنسبة لاخواننا الضباط الله يوفقهم عندهم الاستيداع

بصراحة فكرت في الفصل لكن اخاف اتوهق وبعدين اشوف الفصل صعب ترقيتي ماشية ولا اطوف يعني اموري زينه فليش افصل

أنا الان في بريطانيا وزوجي لانه عسكري ماسمحوله بمرافقتي اعطاهم قرار ابتعاثي صورة من ايجار البيت اللي مستاجرينه في بريطانيا
قالهم اعطوني اجازة استثنائية نزلوني رتبة افصلوني مؤقت اشتغل في الملحقية العسكرية اي حل اي حل اي حل
لكن للاسف رفضوا وقالوا في تعميم بعدم الرفع لانو الموضوع تحت الدراسة
وانا مع بناتي الثلاثة وربنا معانا حاول معهم في العمل لكن ردودهم كلها بالرفض
يعني والله نظام صعب وانا مابدي اهرج اكتر من كدا
وعلى فكرة يقولوا احنا مسلمين ترى يقولوا ..!!؟؟؟؟؟
لكن الله المستعان

السلام عليكم

انا عن نفسي زوجتي مبتعثة او بمعنى اصح سوف تبتعث في السنة القادمة وانا عسكري بالامن العام

سوف اقدم بطلب المرافقة ان رفضوا قدمت اجازة بدون راتب وان رفضوا سوف اضحي بالوظيفة من اجل الدراسة




الله مايضيع احد

وعلى قولتهم الفرصة لاتاتي الا مرة واحدة في العمر