(قروب) زوجات العسكريين المبتعثات .. تعالوا نتناقش

حبايبي وبالنسبه للافاده تاخذينها من وزالرة التعليم اللي بحي الغدير من عند وحده اسمها عبير الطريري ...
كيف اطلع قرار الابتعاث والمعروف انه لازوم يتسوى قبلها الفيز لك وللمرافقين وانا مرافقي بصورة شكليه عشان فترة تقديم الاوراق واللي مو فاضي يروح معي هو اخوي كيف حااقدم قرار الابتعاث ومرافقي اخوي .. وزوجي ماااااااااااعنده جواز سفر مايتسوى جوازز سفر للعسكري الا بموافقة عمله وهو عسكري فرد بحري في حرس الحدود والحربي قال في الملتقى اذا فكرتي تغيرين المحرم لازم قبل صدور قرار الابتعاث.... في احد عنده حل يفيدني؟؟؟؟

أختي تولينا مين قلك انو جواز السفر مايطلع الا بموافقه من العمل انا زوجي ولله الحمد طلع جواز سفر

من دون الرجوع لعمله وكان جوازة ضايع ....!!!!!

وانا بعد ابوي هوا مرافقي بس البارح ارسلتلهم يغيروة لزوجي وباقي ما جاني الرد ...

مستحييييييييييييييييييييييييييييييييل فيه قرار يمنع المرافقه .....ارجوكم بلا احباط....... لأنه انا كلمت بنفسي وزارة الدفاع -ادارة الملحقين وقال النظام يسمح والمهم وجوده بمدينه قرب الملحقيه عشان دوامه ممكن يكون مره بالاسبوع ..وهذا الكلام كان من 3اسابيع قفط عام 1431شهر2 .وعمل زوجي كذبو عليه وقالو لازم يخلص اجازاته استثنائيه وبعدين يرفع اوراقه وانه تخصصه ماله الحاق وطولوها عليه .....والرجال اللي بالوزاره نفى هالكلام ولكن هذولا ناس حسوده ما يبغون الناس وتتحسن في مستوااها...حسبنا الله عليهم

السلام عليكم

بنآآآآآآآآنت بليز ساعدوني ..
نزلت موضوع في هالقسم ولحد الحين محد رد عليه ..

المهم ..
انا مبتعثه في المرحله 5 ....
وزوجي ضابط ...
وشي الاوراق المطلوبة عشان يرفعها لرئيسه في العمل ..
بليييز بجهزها له .. كل يوم وهو على راي .. مره ايه ومره لا

ادعولي اني اكمل انا واياه الدراسه برا ..

السلام عليكم
الله يوفقك وتكملين الدراسه الاوراق قرار ابتعاثك وافاده من التعليم العالي لعمله وهذه سهله وهو يقدر ياخذ استيداع من عمله لمرافقتك

الله يسهل علينا وعليكم

انا ناويه على الابتعاث وزوجي عسكري كان يقول ممنوع المرافقه

بس ماشاء الله اشوف في كثير وافقوا عليهم
بس سؤال الخطوات انه يخاطب ادارة عمله مايبدا فيها الابعد مااجيب لي قبول؟

مدري اخوي خالد ليش محبط نفسك وتحبط الناس معك


انا احد الافراد العسكر والمرافق لزوجتي والحمدالله

صحيح ان النظام واضح وصريح ومافيه اي ثغره تسمح بالمرافقه


ولكن


خذ بالك انت والي بالمنتدا من كلمة ((ولكن))


فيه شيء اسمه برقيه على الملك الله يحفظه وبرقيه على الامير سلطان الله يحفظه


وهذا الي انا سويته والبرقيه


والحمدالله بعد فضل ربي هي الي سهلت اموري ومشت زي الحلاوه


فبارك الله في من ارسل برقيه يا صابت يا خابت

واحب اقولك شيء مهم

انا عندي احد اصدقائي المقربين كان من ضمن الجنه المكلفه بدراسة وضع المرافقين افراد وضباط وهذا كان عام 1427هـ ضابط برتبة((عميد))
وتم الانتهاء من الدراسه وطرحوا الافكار والحلول ولكن فيه من يقف ورا الموضوع ومسبب له تعطيل



الله يوفقك ويوفق الجميع

هناك اخذ ورد ناس تقول فيه وناس تقول ما فيه وفعلا ما يبيلها الا برقيه لخادم الحرمين ولا ولي العهد اطال الله اعمارهم سئمنا من التعقيدات والاراء والاجتهادات الشخصيه رؤسانا جالسين عالكرسي الدوووار وابسط كلمه يقولها مافيه شي اسمه مرافقه افتاء على كيف كيفك ويخاف على كرسيه اذا رفعلك المعاملة كانهم بيقطعون رقبته ماني عارف متى نطور انفسنا ونبطل هالحسد وحب الذات ونحب لغيرنا مانحب لنفسنا ما اقوول الا الفرج من عند الله سبحانه واسف عالاطاله