استفسار عاجل جدا للضباط والمبتعثين

هلا اخوي ابو مجاهد

كيف حالك طيب ان شاء الله

طبعا حسب مافهمت من كلامك انك الان تدرس بالكليه الامنيه نظام الدبلوم لانك ادبي سنتين وفي نفس الوقت جابك القبول بالبعثه ومحتار بينهم

الامنيه ياطويل العمر ماتدري وين توديك ومافيها تطوير لنفسك يعني على مكانك لين تتقاعد وياكثر البيروقاراطيه اللي عندهم والواسطات كثيررر مشكلتهم يساوون الجاد بالهزلي والمبدع بالمتنح

وتروح اماكن وربما قرى ولكن فيها ميزات حلوه وممتازه كلما تتواجد بوظيفه حكوميه لك مكانتك وقيمتك بالمجتمع وانا دائما اقول ( اذا عندك واسطه ادخل العسكريه وربي انها عز )

والنماذج كثيره اعرف لما تخرجت من الجامعه كلية العلوم الطبية التطبيقيه جامعه الملك سعود قبل سنتين قدموا زملائي على الامنيه خمسه وقبلوا


واحد طال عمرك عينوه بعرعر دفاع مدني والثاني عينوه بصرار قريه قريبة من النعيريه حول الشرقيه دفاع مدني والثالث بسلاح الحدود بجيزان والرابع بسلاح الحدود بالخفجي والخامس الظاهر امه داعيه له او عنده واسطه عينوه بالمباحث بالرياض

ورواتبهم حلوه جدا اللي بسلاح الحدود 16 واللي بالدفاع المدني 12

طبعا انا ماقدمت ولا ابيها ووفقني ربي ودخلت هيئة الغذاء والدواء واشتغلت لمده سنه وابتعثوني


والان انا ببريطانيا لي 3 اشهر ادرس لغه والحمدلله الامور ماشيه زين

واتذكر اخوياي يشتكون من الترقيه ويقولوا انها تتأخر كثيرر ..... الحين خلصنا من موضوع الامنيه


الابتعاث حلم وفيه ميزات كثيره اولها اللغه وتكتسب معارف وثقافات جديده وتستفيد منها بحياتك

لكن خل بالك ان المبتعثين الان وصلوا عدد كبير جدا وبالاضافه الى التمديد خمس سنوات جديده لكن كل واحد رزقه على الله وانت ماعليك اهم شيء تطور نفسك وصدقني الكادر المميز يستطيع العمل بأي مكان

هذا وتخصصك نظري يعني انا اشووف اغلب المبتعثين تخصصات بزنس

طبعا انت تبي رأيي


عصفور بيدك ولا عشرة على الشجرة انا اقول خلك بالامنيه مجر رأي وانت حاولت اشرح لك عيوب ووميزات العسكريه وكذلك الابتعاث

حط ببالك عقبات الابتعاث من غربه وتعب واخيرا ترجع الى استعدادك انت للدراسه يعني امريكا تطبق نظام الجيمات والتوفل


واخيرا موضوع الاستخاره هو اهم شيء

وانت استشر ناس كبار ومجربين بالحياه وان شاء الله توفق للرأي السديد



اخوك سليمان العتيبي

اذا انت طالب مجتهد ،،، البعثة افضل لك بكل المقاييس.

بالتوفيق

إذا تبغى الوظيفة والامان الوظيفي والوجاهة الاجتماعية والراتب الذي يكفيك وعيالك ان شا الله أنصحك بالإكمال في الأمنية فـأنا مثلك كنت في الأمنية وتم قبولي في نفس الوقت ببرنامج الابتعاث إلى كندا قبل سنتين ولكن الحمدلله أكملت في الأمنية وتم تعيينى في الجوازات وانا الآن مرافق لزوجتي في برنامج الابتعاث وحاليا أدرس اللغة, استخير وما خاب من استخار مع العلم أن المبتعثين الآن بالآلاف وما تستبعد أن الأمنية ما تقبل بعدين إلا حاملي الماستر

أولا : أستخير اللة

ثانيا : الامنية يا خوي ما تدري وين يعيننونك يمكن بحرس الحدود ويمكن بالمباحث صح بداية يمكن رواااتب حلوة لاكن بعدين محللك رااااااوح مافية تطوير لذات بس فيها حاجة ألا وهي قتل الهمم وقتل روح التعلم اتمنى لك التوفيق وانا اشوف الدراسة حلوووووة بس انك تطلع وتجيييييب شي محترم ...

علما بانني ضابط مهندس لكن ربي اكرمني بالابتعاث

الله يعطيكم العافية وماقصرتم

اخوي ابو مجاهد
خذ نصيحتي يا خوك وخلك من الابتعاث حالياً وكمل الكلية وخذ النجمه واضمن مستقبلك اول ..ترى الناس اليومين ذي حالتهم دمار والسبه الوظيفه معدومه..حتى اللي عنده شهادة جامعية شفهم عندنا عسكر بدون تقليل في شانهم بس هذا هو الواقع..كمل الكلية وبعد التخرج دابك في دورة او إكمال دراسة خارج المملكة وفيه قطاعات في الداخلية عندهم ابتعاث ودراسة خارج المملكه ..بس انت حرك الواسطه حبتين...
ما تدري يمكن ما تتوفق خارج المملكة والتوفيق من الله..
سلملي على (محمد العسكر)

اقوول يابن العم ما دام تخصصك ادبي خلك بالكلية راتب وواجاه
والابتعاث ان شاء الله بعد التخرج فيه ضباط واجد هنا مبتعثين
اسمع الشوور واركد

أخوي ابومجاهد , اتمنى لك التوفيق أولا .
ثانيا الكليه الامنيه مستقبلها حلو جدا , بعد التخرج تقدر تقدم على دورة خارج المملكه لغة مثلا .
استخر رب العالمين . وأنا أشوف تكمل الدراسة بالكلية أفضل .
بالتوفيق أخوي .

خلك تكمل دراستك بالامنيه وانشاء الله بيوفقك وبتبتعث تكمل دراستك بري وتحصل علي الاثنتين بس العزيمه