تجمع للعسكريين الذين لديهم دورة لغة خارجية لمدة سنة

اخوي ماجد
حاول تطلع الضمان المالي من التعليم العالي باللي هي به
بعدها الامور طيبة


اخوي انسان اخر
جزاك الله خير ما قصرت على هالمعلومات
وياليت تفيدنا عن موضوع التذاكر واوامر الاركاب
وبعدها عندي كم سؤال
وفقك الله لما يحب ويرضى

مرحبا اخوي تركي
شخبارك
اخوي تركي انا كلمت المكتب الاسترالي اليوم وقالولي لا تفعل شي حنا بنخرجلك الضمان المال وكل حاجة
وانتظر اتصالنا عشان ممكن نطلب منك اي شي
وشرايك اخوي تركي
ثاني شي ماجانا شي من مراجعنا بخصوص الدورة
اخوك محمد

الزميل انسان اخر
جزاك الله الف خير ما قصرت
نصيحه للعسكريين الذين لديهم دورة لغة لمدة سنة اليعد عن الوكاله والواحد يخلص اموره بنفسه واذا صعب
عليه اي شي الزملاء الاعضاء اكيد ما راح يقصرون وخصوصا الاخ تركي ولا يهون ابو فراس والاستاذ انسان اخر

هلا اخوي محمد
والله انا ما اطيق هالوكالة - شلة نصابين
انا ما انصح بالاعتماد على الوكالة لانهم بيعطلونك
اذا تبي نصيحتي خذ الضمان وابدا اجراءات الفيزا بنفسك
او شف لك مكتب محترم تتفق معه على شي معين وتعرف اللي لك واللي عليك
بعدين اللي اعرفه ان نيوزيلاندا تدخلها بالبداية بفيزا سايح من المطار بعدين تغيرها فيزا دراسة من المعهد - يعني اموركم سهالات - بس تاكد
عندك هنا منتدى نيوزيلاندا مليان مواضيع مفيدة والمشرفين عليه مره متعاونين
اتمنى احد من الزملاء بنيوزيلاندا يشاركنا بهالموضوع

بخصوص القرار صادر من السبت الماضي
بس اللي ما هم بالرياض او ماهم بالمديريات يتاخر عليهم
حاول تسأل زملاك بتلقا احد عنده صوره
ما ادري انت اي قطاع ؟؟
اذا على ديوان الوزارة عطني الفاكس ارسله لك

بالتوفيق

حياك الله اخوي تركي
بالنسبة لامر الاركاب مهم جدا يطلعه الزميل لجميع افراد عائلته
فقط ون وي لان الملحقية هنا يطلعون لك تذكرة اياب وقبل انتهاء البعثة بثلاث شهور واكثر ..

طيب السؤال :: ليه يطلع الزميل تذكرة فقط ون وي ؟
لان مرات بعض الزملاء وعشان ما يغفلون عن ذى النقطة
يكون لديه رضيع عمره اقل من سنتين فلو طلع تذكرة ذهاب واياب
بيحسب له العودة رضيع وما له مقعد وضروري بالمطار حسب سنه بالجواز يكون له مقعد
اذا تجاوز سنتين ,,والتذكرة بتطلع غالية وبتدفعها وبعدين يدور في مرجعه من يعوضه !!
هذه ملاحظتي لمن لديه رضيع في هذا السن اما غيره براحة الزميل ..
وايضا اي تذكرة مدة صلاحيتها سنة واحدة فقط وما فيه مجال الا تجديدها قبل حجز العودة
وهذه تحتاج قلق والزميل بغنى عنه ..
فالانسب تستخرج امر اركاب لجميع عائلتك ذهاب فقط
ولمن قربت عودتك بإذن الله تستخرج من الملحقية تذكرة اياب وحسب العمر ليوم السفر ..

طيب فيه شغلة مهمة وجيد ان الزميل يعرفها من خلال تجربتي في قص التذاكر ::
طبعا الخطوط السعودية ما توصل الا اوربا والولايات المتحدة
اما كندا ما تاصل (وهذا يوم السعد هههههه)
فالزميل يسافر على الخطوط السعودية من الرياض الى مطار هيثرو بالندن او مطار فرنكفورت بالمانيا
وبعدها يطلع على اي خطوط يالبريطانية او الالمانية لافت هانزا

طيب فيه زميل رتبته ملازم وملازم اول ونقيب ودرجته سياحية هو وعائلته
كيف يسوي ترقية لدرجته الى الافق من غير واسطات وطلبات وقلق ؟!!

يالغالين اذا بتطلع على الخطوط السعودية ما لك الا درجة سياحية او واسطة عشان اب قريد درجتك ..
فمهم تعرف ان ان المبلغ المربوط من مرجعك لصالح الخطوط السعودية مرتفع جدا
لكن لو بتغير الى اي خطوط تختارها يجب اتسوي ارتباط مالي من الخطوط السعودية
وهي تعتبر حلقة الوصل بين اي قطاع مدني او عسكري وبين اي خطوط جوية اخرى

لهذا
لما تاخذ امر الاركاب من مرجعك وتروح للخطوط السعودية وتسوي لك حجز على اوربا
ثم تبي حجز من اوربا الى كندا فتجيب للخطوط السعودية حجز من الخطوط الاخرى مثل البريطانية
ويعطونك ارتباط مالي عليهم ثم يسوون لك درجة افق للجميع انت وعائلتك
والسبب ان مبلغ الدرجة السياحية المعتمد للخطوط السعودية يغطي استحقاق درجة الافق
بالخطوط البريطانية او الالمانية مثلاً ..وايضا يبقى من البمبلغ ويعطيك فوتشرات اي قسائم مدتها سنة
تقدر تسافر بها لاحقاً وهي حق مكتسب لك يالزميل ..

ما ادري عسى الفكرة وصلت والله يوفقك ويوفق الجميع ,,

اولا تقريبا خلاص .. بس اي استفسار جديد تامرون
ثالثا انتهينا منه ما قصر اخوي تركي مستعجل ههههه
والان ثانيا ::
يالغالين كل زميل عنده علم مسبق انه اذا ابتعث اكثر من ستة شهور تخصم بدلاته وفقط له الراتب الاساسي ..
حلو ..

طيب الي وصلنا من الزملاء وعلى الاقل من واقع تجربة
لم يخصم من رواتبهم لمدة ستة شهور
واعزوا ذلك اذا كانت البعثة اكثر من ستة شهور واقل من سنة
مثل دورة اللغة للزملاء جميعاً

يحق لهم نظاما صرف الراتب كاملا ولا يخصم منه اي ريال لمدة ستة شهور الاولى كاملة

يالزملاء فيه بعض المحاسبين للاسف ما عنده علم ومرات يفتي وهو ما عنده تفاصيل النظام
واجتهادات ما انزل الله بها من سلطان
لذا
مهم وضروري لكل زميل حريص على حق مكتسب خالص له
ان يتأكد من ذى النقطة ويشعر فيها محاسب ادارته المباشر
وايضا مهم الادارة العامة للمحاسبة في قطاعك تعي ذى الشئ
عشان مهو الزميل يبتعث والراتب يخصم من اول شهر

من واقع تجربتنا يالغالين
فيه من الزملاء لم يخصم عليهم مدة ستة شهور
وفيه زملاء خصم عليهم ورفعوا طلب ارجاع المبالغ من هنا عن طريق التواصل مع مراجعهم
وفيه من الزملاء من ينتظر حتى العودة وبيطالب بحق مكتسب بأثر رجعي

وجب التنويه للفائدة وعسى الله يرزق الجميع من واسع فضله

الاخ انسان اخر ارجو تزودنا بالتعميم الذي ينص علي عدم الخصم من الراتب طوال الستة اشهرالاولي لان الامن العام يخصم علينا من اول شهر وهالشي صار مع زملانا الي راحو العام الماضي لكندا فارجوك عطنا العلم

مشكور اخوي انسان اخر ( وش اسم الولد؟؟ )
السوال هنا هل الخطوط السعوديه علطول تعطينا افق وفوتشرات
والا لازم طقاق معهم ؟؟ تعودنا ترى على الطقاق هههههه

المعلومة هذي ما كنا نحلم فيها
بس السؤال هنا
هل فيه مادة او تعميم نعتمد عليه في هالنقطة
تعرف هالمحاسبين ما يفهمون الا تعطيهم النظام

وحسب مكالمتي مع اخوي ابو فراس بحكم خبرته بالامور الماديه بعد 986 ههههه
يقول اللي استمر نزول الراتب كامل لهم لانهم ما وصل لمراجعهم
خطاب مباشرتهم في الدول اللي مسافرين لها الا بعد الستة شهور
والشؤون المالية ما يبدأون بالخصم الا بعد ورود خطاب المباشرة من الملحقية لهم
فاخشى ان الشباب اللي جلسوا ستة شهور راتبهم كامل بيقعدون بعد
عودتهم ستة شهور اخرى بالراتب الاساسي بس حتى يعوضون اللي اخذوه ههههه

فياليت تفيدنا في هالموضوع
شاكرين ومقدرين ومالك الا الدعوات

العشر عليكم مباركة جميعا
اخي محمد حياك الله معنا ولعلنا نفيدك اويشاركنا هنا من له باعاً طويل في نيوزلندى تستفد ، لاننا هنا وفقنا بالاخ انسان اخر جزاه الله الف خير...........
اخي ماجد مرحبا بك وبيت الشعر يقول (مالك الا الصبر ويش وداك له) الصبر والله ما اشوف ورى ها الوكالة الا الدجة ،
اخذنا منهم صورة القبول فقط وانهينا اجراءتنا بأنفسنا وجاء ني رسالة من السفارة الكندية تفيد بأستقبال ملفي وهو تحت الدراسة. والحين انا راسلت للمعهد في فانكوفر واسار لي الرد بدون ماحتاج الوكالة.
اخي انسان اخر الف شكر لك معلوماتك فادتنا بيض الله وجهك وعلى فكرة سرنا نعلم الناس من معلوماتك.
وبالنسبة لحسم المبالغ فهو من تاريخ مباشرتك في المعهد متى ماوصلت قطاعك بداء يحسم ...........وخذها مني.
وبعدين النواحي المادية امرها سهل ماراح يروح عليك شي ولا راح يخلون لهم شي عندك بس مسألة وقت فقط
التذاكر مهم وضعا وبختصار ماهي نصيحتك لنا ,
تركي مشكور على مشاكستك الجيد تابع مشكور ليستفيد الجميع.


بالتوفيق

هلا اخوي ابو عبدالله
والله يالغالي انا حريص اني ما اقول شئ الا بعد التأكد حسب استطاعتنا من المصدر
والبعد عن وكالة يقولون
عموما
زميل معي هنا حدثني شخصيا لم يخصم من راتبه لمدة ستة شهور
فتواصل مع محاسبه وقال له ذى الكلام الي عطيتكم ..
وانا من باب الحرص وعشان ما يضيع شئ للزملاء نقلت لكم ما صار
وبناءً عليه اثنين من الزملاء ارسلوا فاكسات لمراجعهم لاشعارهم بذلك وطلب المبلغ المخصوم ..
ايش صار عليهم لا اعلم والله ..
موفق اخوي